一路訓

2006.07.06

食完pharmacy 既藥, 真係成日都想訓, 又話d 藥唔眼訓既? 扼人架!

 好彩仲有一日俾我訓, 唔係都唔知點番工...

今早曾經又燒過, 又發冷, 又係蓋幾多被都仲係覺得凍...

不過燒完一輪, 再起身的時候, 發覺身體好似好了點...

貴人

2006.07.05

昨晚食左d 藥, 訓左一覺, 今日起身, 好似好了點, 起碼冇全身乏力的感覺同發冷先...昨晚真係蓋幾厚的被都冇用... 

今早起身, 一咳...除左喉嚨劇痛, 有痰外, 仲有血~~~~呀~!!!!!  我又再一次睇到眼都凸, 又要講句: " 咁大個女都未試過!"

呢個時候, 我check 下自己的blog, 相士真係講得冇錯, 無論我去到邊都遇到貴人!  原因有兩個blog 友都正正係LA 呀!  真係約都冇咁o岩, 鬼咩? 而家一日3 班LA...遇到識既同事都唔出奇呀!  首先再一次多謝lowbay 的湯水...同埋個支噴噴...btw, 下次有機會同你飛, 請番你食野補數!

之後我捱呀捱呀, 去睇世界杯...如我所料, france win 左! 一邊睇世杯, 一邊係msn俾我媽媽教訓...媽媽, 我知錯啦! 下次會睇醫生架啦! 唔好唔要我! 你唔要我, 就真係冇人要我架啦! 嗚嗚嗚...

LA 失聲記 2

2006.07.04

第 181 次飛行

訓醒後, 我覺得仲辛苦過之前...因為個bunk 係勁熱...起身的時候, 我成身覺得好滾, 但又唔敢同d 同事講, 所以佢地直只係知我冇左把聲, 不過點都好, 我都會堅持做埋第2 個service...我覺得病還病, 我揀左要番工, 我就要做番工作應該做既事

...就係咁, 我又好用心良苦做第2 個service..但今次一開始, 把聲幾乎冇左...我把聲最多只係去到h 同j 位, k 位大部分人已經聽唔到我講乜啦...我最後只好同H 位的客講, 麻煩佢地可唔可以幫我同K 位的客人講今日有乜野choice...至於d 越南人, 又係十問九唔應個隻, 最慘既係, 我問佢地究竟食唔食野, 佢地係咁搖頭再up 頭, 咁究竟食唔食呀??? 最後我見佢地真係唔多應我, 我冇氣啦, 亦開始有d 火, 好想發脾氣, 我講唔到野已經好辛苦, 仲要我同佢地玩野...救命?!

LA 失聲記 1

2006.07.04

第 181 次飛行

我今次真係高估左自己的能力...

見退了燒, 最後都去左番工, 但仍然有少少流鼻水同喉嚨痛.

一直都相安無事, 但點知一起飛, 第一個service 都未做, 就出事啦

因為去美國的關係, 派custom form 同 landing form時, 係一個我覺得都幾煩既程序, 煩係煩在我要逐個問佢地拎乜野passport, 因為某d passport 要填的form 係會有d 唔同...於是我就逐個逐個問...點知o岩o岩take off, 架機仲係勁嘈, 好多人都聽唔到我講野, 我要大大聲咁問佢地...(搞到我好似好惡咁, 但我都唔想啊!) 好啦! 佢地聽到我問乜啦...我問佢地"what kind of passport are u holding?" 佢地竟然問我 " passport! " 我轉一轉問佢地, 我問" are u holding green card, u.s or canadian passport? " 佢地竟然又答我 "i hv passport! " 大佬呀! 我夠知你有passport 啦...到呢個時候, 我真係惡啦..."i know u must hv a passport, but i hv to know what kind of passport r u holding...where is ur passport?" 一睇...原來係 u.s passport,吹帳.

 有d 仲衰, 連passport 都唔知放左係邊.

 廢事煩, 乜都俾哂佢地..如是者, 有成3/4 的客都係咁答我.我係咁大大聲咁講, 最後我由dr2 做到都未到door 4, 我把聲冇左一半同埋係沉左8 度, 成把牛聲, 呢個時候, 大聲已經行唔通啦.因為講幾大聲, 我把聲已經唔會再大得去邊..

無啖好食

2006.07.03

第180 次飛行

今日做左班好多同事都唔鍾意做既星加坡flight, 對於呢d flight, 又唔駛驚既, 事事小心d 處理就可以...

仲有, 今日番到公司, 開始有人著懷舊uniform 啦! 至衰今日班機冇人著啦, 唔係一定要影相呀!