2006.08.11
塞車塞左一輪, 其實去到酒店已經好累了, 但見家兒又係第一次來到紐約, 點都應該陪佢出去玩下既...好似家兒話齋, 我又邊忍心由得佢一個自己行呢? 唉, 孤菇都係衰心軟架啦!
就係咁, 我就同家兒, 仲有一位新同事, 出去行一陣...
因為大家都係o岩o岩落機, 所以我覺得去下附近會好點, 於是我地就去了times square...同埋去左我最想去的最球最大既反斗城!
11 August 2006
呼天不應
2006.08.11
第 190 次飛行
比起我上個月做既new york flight, 呢班機係tough 好多, 因為由boarding 個一刻開始, 問題不斷咁發生...
當家兒係boarding 時為左一位sick passenger 而忙碌, 佢既 partner, 即係我, 亦為左另一位客人又忙碌著...話說機門就快關的時候, 我個zone 有位婆婆同我講佢唔見左去美國的綠卡, 仲話應該係頭先check in 的時候留低左添! 我問佢有冇搵清楚佢個手袋, 佢話已經搵左, 咁我唯一可以做既, 就係陪佢出去搵ground staff, 我一邊行, 一邊同佢傾, 再了解一下情況, 點知我了解完後, 發覺唔係婆婆自己本人唔見左張綠卡, 因為婆婆本身已經有美國visa 了, 而唔見左綠卡既, 係佢老公 - 公公先o岩, 其實本人覺得, 應該佢老公出黎先o岩麻! 不過算啦, 既然都出左黎, 睇下情況點樣, 先再打算...一路上, 我都叫婆婆再搵清楚, 因為我的經驗話我知, 十居其九都係佢地太緊張, 自己放左落袋都唔知囉! 終於搵到 ground staff, 佢見到我出黎, 個樣好明顯仲驚過唔見左綠卡既婆婆囉! 咁又係既, 比著我係個ground staff, 仲以為搞掂一班機添, 點知殺出個婆婆出黎, 一定會有排搞呢! 就係個ground staff 幫緊婆婆的時候, 有位客人剛剛入左閘口, 點知冇啦啦走番出黎, d ground staff 截住佢, 問佢做乜事, 原來佢留左部laptop 係大堂度, 我親眼目見一切, 深深感受到做ground staff 仲慘過做空服呢! 講番婆婆先...ground staff 說我可以番入去, 但我始終都不放心, 每行一步, 都回頭望下婆婆, 當我行左一大半路時, 我見到婆婆好開心咁走黎我度, 話我知 : " 搵到啦! 搵到啦!" 咁我順口問: " 點搵番架?" 佢話: " 真係我個袋度呀!" 我聽完....
不過算啦...陪左婆婆出黎, 我起碼可以離開一下機艙內的人群壓力...
8 August 2006
好眼訓
2006.08.08
第 189 次飛行
今日要成 6 點半起身, 大家既樣子好明顯係好累...同埋...係好眼訓......
老總同d 阿姐都好好人, 買左好多早餐俾我地食, 食到我地呢, 都未食飛機餐就已經飽到唔想做野啦!
今日比昨天多百幾個客人, 明顯地, 今日係辛苦好多既, 淨係做service, 我做drink, 感覺係好辛苦! 十足好似做緊星加坡flight 咁! 呢個要a , 呢個要 b, 個個叫既東西都唔同, 呢架機的機身又勁長, 真係行都行死我, 最後, 我都冇咁好氣, 去前面 j-class 拎好過.. 好明顯, 我入到galley, 大家會見到我塊面有幾紅...
7 August 2006
食在吉隆坡
2006.08.07
由個gate 行出去機場要成30分鐘, 再由機場到酒店要成1 個鐘...去到酒店, 個個都累到死, 但因為好多同事都係第一次黎, 所以我地有成10 個人立即換完衫就坐van 去附近dinner, 雖然話係附近, 但都要坐成30 分鐘先到呢!
到達後, 因為有同事要買野, 而冇野買既我地, 就去左食野先啦!
Subscribe to:
Posts (Atom)