工傷

2010.02.06

前幾天, 因為工傷, 寫左份cabin safety report 後, 5 日內要睇公司指定既專科醫生....

諗前諗後, 最後決定去睇....

我同醫生說明自己點樣整親後, 醫生循例同我檢查下, 她說問題不大....暫時不用照x 光...

我問佢係唔係之前整親過一次, 所以好易又會再拉傷等等既問題...

佢話初期最多好得70-80%, 剩返個10-30%需要好長既時間先會好得哂....(所以咁多同事一整親就要請咁耐病假都係咁解....點解公司又唔明白呢?)

然後醫生竟然對我說: "你下次一見到乘客既行李就有咁快走咁快, 唔好幫佢地拎..."

我心諗, 如果下次有乘客叫我拎行李, 我可唔可以話: "醫生叫我唔好再幫你地拎行李喎!"
我相信咁講完, 一定等收一封長長既投訴信都似....

成田山新勝寺

2010.01.30

一直都聽同事說過酒店附近有座成田山新勝寺, 聽了很多年, 亦想去很多年....但次次都因為不同既原因而去不成.....

今次infight 時, 阿姐忽然問我有冇興趣去成田山新勝寺....

"有..."

就係咁, 阿姐, 我, 同埋同一galley 內工作既另一位同事到酒店換衫後就出發坐shuttle 去station, 再行經表參道去成田山新勝寺...

經過下面呢間車仔檔, 試食左圖二個串東西....(起初我地3 個都唔知係乜野黎)
問我好唔好食的話, 我會說, 我應該不會食第2 次....(食後覺得應該是什麼內臟來的)

Today, is not my day

2010.01.30 to 31

第 451 次飛行

standby 差唔多去到尾聲, 終於有 acknowledgement...

都算唔錯...係一班Narita long stay...

唔知係唔係weekend 既關係, 阿姐說, 整班機得4 位同事沒有port sick, 其他全部都係called standby....(真係估唔到咁多人port sick 喎)

不過出發那天, 似乎有點不順...

首先, 未上到機已經係crew bus 上整傷左隻右手腕...(點樣發生, 係度不便透露吧)
起初以為冇事, 點知上到機打算將自己既行李放上行李櫃內, 拎到一半, 發覺右手腕好好好痛...仲完全出唔到力....心諗"死啦...."

真的，當上空服才知道 (轉載)

2010.01.21

當上空服才知道，每個空服都一定俾人問過既三個問題:

「聽日飛邊呀?」「幾時又飛啦?」同「打算玩/做到幾時呀?」  <-- 仲有「你飛邊多呀?」, 有得揀飛邊我都想揀...

當上空服才知道，silent review既時候，review緊既通常唔係safety。  <-- 我都有review架....不過有時都會發下白日夢.....尤其是landing 個時, 真係好怕自己訓著左....

當上空服才知道，Facebook極有可能成為公司監察你port sick背後真正原因既重要線索。  <-- 呢樣我信, 因為公司真係得閒冇野做, 可能已經有公司人監察緊大家既blog....
當上空服才知道，真係有人以為飛機上咩野都有，包括指甲拑。  <-- 呢樣都有人問過我拎, 亦有人問過我機上有冇微波爐, 有冇洗衣粉, 有冇風筒, 有冇萬字夾, 有冇衫換....連我既粉盒都有男人問我借黎用...

調位事件

2010.01.16 to 20

第 450 次飛行

本人一向都 service straight from the heart.....不過有時inflight 每做一樣野之前, 真係要諗諗個後果先去做, 或者唔做...

話說回程個班 ultra long long flight....只得1/2 loading....機程要 16 個鐘, 我絕對希望我既乘客可以坐得舒服d....

如果我見到3 位乘客迫埋係係一行內, 我會好友善咁同佢地講後面有好多吉位, 佢地可以隨時調去後面既吉位坐....而如果佢地想知d 吉位係邊, 我會好樂意話俾佢地知, 之後佢地去唔去個d吉位坐, 完全係佢地既選擇....

但我既阿姐忽然走黎叫我將d客逐個調去後面既吉位度....仲要最好一人有一行.....yes...係逐個.....

其實根本冇咁多行分到俾d 客, 但我廢事駁咀, 調得一個得一個....

首先, 我梗係調走左座位有問題既乘客去d 吉位先啦....

冇耐, 老總做左廣播話機上有很多空位, 各位乘客可以自由調位....

咁之後梗係好多客走去霸左成一行俾自己一陣訓覺啦....

好快我就見到每一行都已經有至少一位乘客係度...

問題就黎啦....