Excellence in Service Style

2006.06.05

今日番公司上堂呀! 悶爆!

都唔明點解公司冇啦啦整左個咁既 workshop 出黎要全世界輪住roster 番去上堂..但當上完呢個workshop, 我就知道點解, 又係公司扮到對我地好好的手法...

safety 同 service training 相比下, 我個人比較鍾意 safety 多d, 雖然上safety training 比上 service 既壓力大好多, 但safety training 起碼唔會悶到死先啦! 仲有最憎上 service training 要著 uniform, 同埋要化妝! 而家係夏天, 所以化完妝塊面真係會好辛苦, 好"立"的感覺, 呢排我番工已經冇乜點化妝啦! 但今日去番 service 個邊, 怕俾人話grooming 唔得, 搞到我今日花左好多時候搞個妝, 好耐冇認真咁化過妝啦! 上到行一行個妝, 搞到遲左上巴士, 好彩我坐左架特快...早左半個鐘到左公司.

氣流處處

2006.06.04

第 175 次飛行

回程啦! 回程啦!

 但回程要最辛苦呀!

 因為loading 幾full, flying hour 又短, 仲要成日有氣流呀!

其實呢班機有咁多人手, 就算係full load, 我地都able to finish, 但今日真係一波三折呀! 第一個sector, 我地做左10 幾行時, 忽然有好勁的氣流, 真係企都企唔隱, d 客又望住我, 個樣好似仲驚過我, 可能佢地怕氣流搞到我會倒瀉野掛...

夜遊大板機場

2006.06.03

我地間hotel 同機場好近, 所以我一去到酒店, 換左便服, 就立即出去shopping!

 本來諗住今晚會冇乜時間shop, 點知同事話我知d 商店成 9 點半先關門, 所以有成一個幾鐘俾我, 以我行街極快的速度, 我一定搞得掂! 咁既話, 我明天就唔駛早d 起身, 可以訓多半個鐘啦!

大板機場裡面都幾多野睇, 幾多野食, 同幾多野行

飛機阿叔

2006.06.03

第 175 次飛行

今日入到 briefing room 時, 我個人都好似仲未訓醒咁, 點知就係一封 complimentary letter, 成個人立即醒哂!

 差唔多要 briefing 的時候, PDE 的人忽然入黎叫左兩個名字, 其中一個係我, 但佢叫得太細聲啦, 聽到d 音好似係我個名, 但又唔敢企起身喎! 你地都知啦, 如果唔係我, 就好瘀!

 結果佢叫左幾次, 我確定左係我, 先起身..其實做左咁耐, 我inflight 收過唔少complimentary letter, 但從PDE 收到既, 今次係第一次, 有時我都唔明點解, 乘客寫過好幾封 complimentary letter 俾我, 點解我到左今日我先收到咁多封的其中一封呢? 咁n 年前個d 又去哂邊呢? anyway, 雖然同事成日都話你一係公司做錯野, 無論你有過幾多complimentary letter, 都係冇用, 而我都幾相信(因為聽過太多呢d case), 但對於自己黎講, 呢封信係對自己的一種鼓勵...

唔知大家睇到呢個topic, 會唔會有興趣想知道發生乜野事呢? 呢排"巴士阿叔"hit 到爆炸, 估唔到今日我的zone 亦出現左一個"飛機阿叔"!

黎基戀?!

2006.06.01

第 174 次飛行

今日去機場的路又大塞車呀!!!

 好彩冇好似上次係 frankfurt 塞得咁緊要者, 唔係一陣又唔夠時間做ground preparation 架啦!

其實今日有點激氣, full loading 機都ok, 但唔知點解今日後面的同事比昨日的速度慢左好多, 我同我classmates 由第一行燦到去 door 4, 佢地都未上到黎, 我地成個galley 既野都派哂, 一時間真係有點無奈, anyway, 最後都順利完成任務...