Rangitoto Island

2008.02.27

今次黎到 Auckland, 我同自己講, 一定要出去走走, 唔可以好似上次去Adelaide 咁頹廢....

香港仲係好凍, 但黎到呢度, 溫暖中帶點清風, 感覺好爽...

 

來到Auckland 第2 日, 就與同事v 打算去由火山形成的 Rangitoto Island...一日只有兩班船去, 分別係9 : 15, 12:15, 如果係12月至 4 月尾,會多班 10:00...而我地就坐左 9:15 的船...

 

出發啦!

掛名五姐

2008.02.25 to 28

第 325 次飛行

今日返到公司, 去 office 抄低組員名單時, 見到多了一位同級同事, 那位同事仲要本來去新加坡的, 俾公司臨時拉左去做我班機....但紅姐依然少了一個....

係我抄緊名的時候, 就聽到隔離有一位男同事, 老總, 同briefing office 內的職員傾緊d 野, 大慨係男同事忽然俾公司調左做我個班auckland 機, 冇衫著, 要去東涌問朋友借衫...問趕唔趕得切, 老總說唔洗佢briefing, 總之take off 前上到飛機就得啦....之後位男同事就走左, 然後 briefing office 內的職員就問老總: " 咁你打算邊個做fp (即係紅姐)? ", 老總說: "孤菇啦....佢最senior, 就佢啦...", 職員說: " ok, 等我寫返低先....", 我第一個反應係: " 那個是我喎!", 老總說: " 係你呀, 你得唔得呀?", 孤菇梗係話得啦....唔通可以話唔得咩?  自問一直都無乜信心的我, 真係驚驚地架!

毒氣航機

2008.02.18 to 21

第 324 次飛行

standby 的第2 班機, 係被call 左去adelaide....

"o下! 又係 adelaide?".,無錯! 一係幾年冇去...一係差唔多一個月一次咁濟.... 

話雖如此, 但確實, 我又唔係咁討厭呢個地方....但就係悶左d...

 

這次boarding 的時候, 冇再發生crew rest 俾乘客坐左的事件...因為上次的經驗, 我今次帶位的時候, 都要拎開佢地的手指, 睇睇佢地有冇俾錯 boarding pass 我...哈哈哈哈!  總算順利, 不過因為 full load 的關係, 行李出現唔夠位放的情況....只感到到我左手又再一次隱隱作痛....

幸好...

2008.02.12 to 14

第 323 次飛行

 

係standby 的前一晚, 又完全訓唔到...十分痛苦...

眼光光望住個天花板望到早上 7 點, 決定睇下公司有冇俾 acknowledgement...一check, 竟然有...太好了...諗左一陣, 就ac 左...俾左 3日 Bahrain...
check 完, 我再訓番...但都係訓唔到....最後, 大約差唔多 10 點先訓到, 可惜 11 點就要起身準備了...即係訓左一個鐘咁多...嗚.... 幸好我去的是巴林...如果我去的是 new york...我諗我未去到, 已經係機艙裡昏迷不醒...

EQ 低

2008.02.03 to 07

第 322 次飛行

本來今年的農曆新年我已經係新加坡同日本, 但調了 bombay, 再調紐西蘭, 再調去LA, 目的都係為左賺多d, 賣多d, 同埋新年係香港過....

由於上一班adelaide 機後, 我訓左成16 個鐘, 到昨晚8 點先醒, 所以搞到昨晚成晚都訓唔著, 最後成早上9 點幾先訓到, 但我 11 點就要起身準備返公司, 亦即係話, 我去LA 前只係訓左兩個鐘咋!

返到公司, 先知班機delay 左, 之後仲發覺差唔多時間起飛的機都係delay, 仲見到好多classmates 添! 台北又delay, 檳城又delay...個個都係度等呀等呀...等到越來越眼訓...