剖白於阿姆斯特丹

2006.10.30

本來同事e 打算去埋小漁村既, 但因為我地番到去阿姆斯特丹, 都已經成3 點幾, 所以決定只在downtown 走走...而同事v 因為一定要去睇畫展, 所以佢就同我地分手, 得番我與同事e 繼續 sightseeing...

 

行左一陣, 就到景點 dam...

風車村 - Zaanse Schans

2006.10.30

今日我與兩位同事出發去sight seeing...首先我地第一站就係去睇風車!

 

首先就係坐tram 去HS station, 再坐車去阿姆斯特丹....

迷失於Delft

2006.10.29

到左酒店, 已經差唔多早上9 點, 起初諗住訓一陣就出去, 點知一開電腦, 四方八面的朋友又黎...終於傾傾下, 又傾左幾個鐘...最開心都係知道你可以當日與我同機番香港....忽然俾個驚喜, 開心死孤菇啦!  

訓左個幾鐘, 下午兩時出發!

其實對上一次黎荷蘭, 已經係上年的4 月, 上次去左睇花同埋去了delft 這個town, 因為孤菇覺得delft 呢個地方好靚, 好舒服, 所以我今日一定要去多次!

坐1 號tram...

真懵定假懵?

2006.10.28

第208 次飛行

今早俾妹妹激死, 佢開到d mp3 勁大聲, 搞到我中午就醒左, 我諗住今晚夜機, 仲諗住訓埋個下午, 結果訓唔番啦! 今晚要捱眼訓....

同埋, 其實我並唔係一個唔駛點訓既人, 只係因為我好多時個人都好tense, 訓唔著, 咁難得今晚得得咁好, 俾人嘈醒, 除左搞到個人更緊張外, 脾氣都差左...

briefing 的時候, 老總講左好多好多野, 從佢的口中, 都聽得出佢都一個幾straight 的人...孤菇又開始頭痛, 千千萬萬個希望佢唔好搞咁多野, 因為我知道rest period 只得我一個係後面, 如果佢諗埋d extra service 出黎, 只會做死我....點知上到機, 我發覺我唔係俾老總玩死, 又係俾我阿哥玩死....

西貢變馬尼拉

2006.10.25

第 207 次飛行

今日, 就俾公司的一個電話, 搞到我整日都唔開心...

話說今日我要成差唔多3 點先要留到公司, 但由於我有好多野要番公司搞, 所以今日打算早D 番去, 平時差唔多1 點先出門口, 今日要早多一個鐘出去..

就係我準備中的時候, 屋企個電話響...一睇, 原來係公司打黎, 當我諗緊聽唔聽的時候, 我的手機又響, 但當時我未有時間睇手機係邊個打黎, 就決定聽公司個電話, 一聽, 對方話我DUTY 轉左...由西貢轉左去馬尼拉! 聽完, 我個心趺到谷底.... 點解? 1. 我一向都唔鍾意做馬尼拉, 2. 做馬尼拉冇錢嫌...

乘客失蹤事件簿

2006.10.23

第 206 次飛行

回程 - full load, 睇怕5 日的行程, 最辛苦都係呢一程啦! 聽阿姐講, o岩o岩呢排馬來西亞放假, 所以多左人travel, 點都好, full load 係鐵一般的事實...

上客時, 首先係一團日藉的樂團...佢地已經佔左我個zone 的一半位置, 一人一個小提琴, 中提琴咁上機, 日本人一向秩序都好好, 所以都唔係好混亂... 我的partner 仲笑我後面成個zone 變左全日空...哈哈!  忽然覺得自己都幾好彩, 做日本客真係舒服過做星人多多聲... 之後就係一個一個4-6 口的家庭..., 佢地就比較混亂, 混亂到起初我以為佢地係旅行團添! 就係咁, 呢兩group 人已經坐哂我成個zone 的位置....熱鬧非常...

d 客上得好快, 仲諗住可以快d 起飛啦...點知到做pre take off check 時, 阿姐a發現我個zone 某個位 (58k) 的位置係冇人坐...立即好緊張, 因為我地收到資料, 今日係 full load, 即係 267 位客人 + 兩個 infant (infant 係唔需要座位的)....但而家多了一個空位, 咁那位客人去左邊呢?  由於那個空位係我個zone, 我立即行哂成個機艙黎下有冇d 小朋友明明係要occopy 一個座位既, 但又俾父母抱住...但始終都找不到, 仲俾我發現多一樣野, 就係連 32 k 都係冇人位既...唔係掛, 兩個人唔見左?????  

失望於聖陶沙

2006.10.22

本來打算今日早起自己一個出去行下既, 點知起身的時候已經 11 點幾...約了同事1 點出發...所以唯有醫下個肚先...今日又係雞的世界, 但唔係海南雞...係鼓油雞 + 燉奶 + 港式奶茶.... 點知食食下的時候, 由於d 奶茶唔係用杯裝, 而係用袋裝, 我唔小心倒瀉左d 奶茶... 差d, 真係差d, 就搞到我成部laptop 濕哂...倒瀉個一刻, 我第一反應就係拎起部laptop....最後成張桌子, 同埋d 電線濕左, 抹到我死...亦因為咁, 我只好打電話向同事c 說要遲半個鐘出發.........

星洲裡的小印度

2006.10.21

Little India, Bugis & Arab Street

訓了幾個鐘頭, 與3 位同事出發sight seeing...由於有位同事好想去little india, 因為聽講個邊有festival...唔係好想去的我都要迫住去啦... 點解唔想去? 好簡單...呢個月已經好多中東機...係機上面已經見過好多次佢地, 而家係新加坡, 又係周街都見到佢地, 自然就唔去再去little india 啦....睇得多我都厭..........

anyway, 最後都係...去左..................

由於日間個天係白哂, 所以轉哂懷舊mode...感覺上好點....

一踏入little india, 果然好似番左去 bombay 咁....

毒氣入侵機艙

2006.10.20

第 206 次飛行

今晚, 是5 日內最難忘的一晚!

而今晚做班shuttle, 要去的地方就係...下面呢度...

煙霧彌漫星洲

2006.10.20

昨日出左機場個一刻開始, 心跳時時都不規則咁跳動, 我的penfriend 果然講得冇錯, 新加坡的空氣真係好差....但想不到, 會差成咁, 聽說能見度只有2 km...

亦因為太累, 同埋心跳的關係, 昨晚並沒有外出...

今日如果唔係為左lunch, 真係唔想行出去...一行出去, 感覺上, 仲慘過係香港...香港個d 係廢氣, 而家新加坡個d 係煙霧...平時新加坡都幾靚架! 而家就搞成咁...如下圖...

天空不再是藍色, 而是白色...

 

累, 原來是這樣的

2006.10.19

第 206 次飛行

雖然我成日都話累, 但今日, 真正的累, 原來是這樣的...

今日要去新加坡, 本身打算早一個鐘番公司搞d 野既, 點知結果我唔單止冇早左起身, 仲唔知醒...起身的時候, 差唔多 10 點, 嚇死我, 立即打算快快脆脆化好妝走人, 點知係鏡中見到自己個樣, oh no! 對眼腫到成個小籠包咁.. 點上妝呀! 上完個眼妝, 對眼仲腫...唉, 忽然真係有點唔想番工的衝動呢!  但因為要去成5 日, 死都要死去, 為就係為左份allowance!

上到車, 對眼煙到想訓, 結果訓到落車, 孤菇已經n年未試過番工都訓到隻豬咁...成日聽同事話好多人偷拍空姐係巴士上的情況, 不過我都唔理得咁多啦, 就算俾人影左, 個樣咁唔見得人, 應該都冇乜人有興趣, 同埋都冇人知那個係我...

辛苦

2006.10.18

第 205 次飛行

今日係辛苦的一天....

首先唔係好夠訓, 平時我訓好少都ok 的, 但唔知今日, 勁唔掂...好彩第一程唔full, 我個zone d 客又幾好...我partner 就慘d, 佢個zone 好多人都麻煩...

到左第2程, 差唔多爆咁濟, 由於呢班機係同美國航空公司的聯號班機, 所以好多美國人, 又有好多香港團, 搞到我以為自己做緊LA 機...哈哈...我partner 係咁話佢個zone 的香港人好煩, 我相信有d 都幾煩既, 不過我覺得我個zone 個d 香港人幾好喎! 可能我要求低啦! 哈哈! 其實我有時覺得香港人都唔錯架! 都幾識做, 見我冇乜choice 剩, 都肯take 另一個, 同埋起碼我同佢地解釋的時候, 佢地明白我的苦處先啦! 比起d mainland chinese 好好多架啦!  最緊要既係, 我覺得同香港人溝通都易d.. 不過以我的經驗, 我覺得比較麻煩的香港人好多時都係比較後生個一輩..老個一輩反而幾好...點都好啦, 大大部分香港人都ok ...另外仲有好多美國人, 飲得好勁, 於是我見有一罐就俾哂成罐佢....