剖白於阿姆斯特丹

2006.10.30

本來同事e 打算去埋小漁村既, 但因為我地番到去阿姆斯特丹, 都已經成3 點幾, 所以決定只在downtown 走走...而同事v 因為一定要去睇畫展, 所以佢就同我地分手, 得番我與同事e 繼續 sightseeing...

 

行左一陣, 就到景點 dam...

 

下面呢張相的重點並唔係爉像館, 而係下面既垃圾...多到呢...太恐怖...

呢個唔知乜乜palace...都幾靚既, 不過俾頭先d 垃圾影響哂心情...

行完dam, 我地冇野想睇, 於是就漫無目的咁繼續行行行...

行行下, 我地發覺呢度的屋係斜斜地出黎既...唔知大家睇唔睇得出呢? ( 睇下下面呢張相...)

上面個張睇唔出, 唔緊要, 下面呢張應該睇得出啦掛....?!  btw, 我好想知點解d 屋係斜出黎既? 有冇人話到俾我知呢?

阿姆斯特丹, 又係周圍都有運河....

又一條運河啦...

我地越行越遠, 同事e 累了, 提議不如坐tram 番central station, 我當然舉手贊成啦!

順便去了sex museum...一人3 euro...

o拿, 呢個係旅遊書上面話係一個景點黎架....加上又俾左入場費, 應該要影番張既..

無意中俾我發現左下面呢樣野, 人類真係乜都諗到...

出到黎, 天開始黑了...

臨走前, 同事e 要買手信...

而我就去左買薯條食....呢間的fries 真係好好食! 值得推介! sauce 係任揀既! 下次我再黎, 一定要再揀番 cheese sauce!!!

 

終於番到海牙啦! 下面就係今日的戰利品...左一就係風車村獨家發售的choconut, 左二係 chocolate (nuts), 另外就係 postcard, 其實好多張我都好想買, 但我控制住自己唔好買...不過最後我都係少有地, 一日寄一張...淨係郵費都用左唔少錢...不過算啦! 見咁難得睇一次, 豪少少都值既...

淨番我與同事e sightseeing 時, 同事e 忽然問了我一個問題, 哈哈! 女仔仲有乜野問呀? 又係感情事...好搞笑囉! 佢忽然同我講佢既野, 佢咁講得, 我梗係要8 下啦...呵呵! 對於佢的情況, 我覺得而家安安定定, 仲好啦....不要想太多了, 不過我明白等一個人有d 表示係幾辛苦既, 我自己都等左3 年, 到而家都未等到...哈哈! 不過既然而家大家都有另一半, 就唔好再執著呢個外來人想點啦....好似我咁, 等左3 年, 而家又俾我遇到一個幾好的另一半...最慘係發覺自己由唔多鍾意, 到而家越來越鍾意...(感情呢d 野控制唔到架麻!哈哈!) 咁我一直等緊既人又點呢? 都冇野既, 反而而家仲好, 我少左搵佢, 佢反而搵多左我, 好似朋友咁, 感覺舒服好多, 唔駛再執著佢幾時同我表態...以我而家呢個情況, 雖然同事e 說可以回頭的機會極大, 不過我反而唔希望俾我知道"佢" 仲喜歡我囉...千祈唔好俾我知...唔係我又煩過...所以同事e, 你都係啦...安安定定算了...冇勇氣表達自己的男人, 係唔o岩我地架!
同埋如果真係有緣份既話, 點都會一齊既..
另外傾傾下, 原來同事e 某舊同學, 係同我讀同一間中學, 仲要係同一班添! 哈哈! 又會咁o岩既!

今次的荷蘭之旅就在此完結, 下次都唔知幾時有機會再黎...可能又要再等年半了...