請你等一下!

2006.12.27

第 223 次飛行

回程 day flight...加上我見到我個zone有一group 台灣人, 一group 菲律賓人, 仲有韓國人, 一小部分的意大利人...預左會有杯麵大戰...

當有一位台灣人要求要杯麵, 我拎到出去, 我就感覺到周圍有好多手拉住我的手臂....出左一個杯麵, 差唔多全世界都要... 而我已經放棄左mark down 佢地的seat number, 只係拋左一句 " 請你們等一下.." 我就飛番入galley...打電話去前面的galley求救...得我一個人係 galley, 我沖唔切咁多個杯麵呢?! 女同事s 黎到, galley 外已經有一條小人龍等緊杯麵...我的感覺係, 聞到陣味就想暈...處理哂出面的人龍後, 我就決定要整多tray 杯麵拎出去, 派俾一d 想食杯麵, 但又懶得行入galley 拎的人...當我拎成tray 杯麵出去的時候, 之前拎左杯麵的客人已經食完, 係咁將d 垃圾拎俾我....有時真係要教下佢地, 我個人覺得, 我手上的杯麵是新的, 是清潔的, 但如果同時收佢地的垃圾, 真係好唔衛生囉!

羅馬一日遊 IV

2006.12.26

我必去的地方....就係許願池 Fontana di Trevi!!!! 上次擲左一個銀, 我終於回來了, 這次我決定要擲兩個銀....我要蜜運成功! 希望下次有機會同你一齊黎啦.....不過千祈唔好擲 3個...因為會與情人分手喎! 小心小心....

羅馬一日遊 III

2006.12.26

睇完圓形競技場, 我地就去左附近的古羅馬廣場 Foro Romanto...下面兩圖係之前經過影下的...

穿過這門, 就進入古羅馬廣場...

羅馬一日遊 II

2006.12.26

我地第2 個目的地就係圓形競技場 Colosseo, 是世界的重要遺產...可容納六萬人...用了8 年來完成.. 

羅馬一日遊 I

2006.12.26

今日10 點半, 就與第一次來到羅馬的同事s 出發city 一日遊....其實我之前都去過哂差唔多所有景點, 不過對於我黎講, 景點去多幾次都可以的...因為我喜歡sightseeing 多過shopping~~!

一落shuttle, 第一個景點就係卡比托廣場 Piazza del Campidoglio...

Vaticani in Christmas (梵諦岡下的耶誕)

2006.12.25

當我到達羅馬的時候, 已經係聖誕的正日, 聽說教宗 10 點半會係梵諦岡出現, 但因為我地太累, 加上有transport 的問題, 所以我地最後12 點先出發去梵諦岡...只好安慰自己, 就算俾我見到教宗, 都只係見到一點野....都係睇唔清楚的...

最後因為有同事起唔到身, 所以只有我, 香港籍的老總, 同埋菲籍的紫姐同行...得我呢位small potato 同老總及阿姐一起同行, 睇怕我都係我做左咁耐 crew 的第一次...

我地坐shuttle 去downtown, 再轉64 號巴士去到目的地 - 梵諦岡...

睡著了

2006.12.24

第223 次飛行

平安夜的晚上, 要飛...一邊看著街上的人可以出去慶祝, 自己又要工作, 加上剛剛又與貴人分別, 心裡真的不是味兒....眼淺的我, 忽然又有淚光....

起初還以為會有很多意大利人, 但結果最多既係香港人, 我後面成個ZONE , 差唔多全部都係香港團...原來佢地係去 11 日7 國歐洲遊, 真係好似走難旅行團...我只係諗下, 已經鄧佢地辛苦, 當中有些仲要係老人家....anyway, 祝佢地有個nice trip!

星之碎片

2006.12.21

第 222 次飛行

今日又一班即日來回, 即係 turnaround...比昨天更長, 長達 13小時20 分鐘...

 

這種飛行時間, 大慨已經可以去到LA 了...

但今程機必定比昨日那程機來得輕鬆...因為這班機是加班機...機上全部都係香港旅行團..同埋就算佢地有d 人係坐business class, 我地的aervice 都係跟番economy class 的service... 加上我今日做個好位, 係busness class, 好開心, 對住那44 位客人, 但只需要用economy class 的service 去做, 真係好輕鬆.... 連紫姐都話如果business class 成日都可以咁做就好囉!  我地serve完成個business class 的客人, 後面economy class 的同事都仲未開始 service 呢! 可想而知, 我地有幾輕鬆呢!

唯一不滿既就係...d 香港男人竟然要我幫佢地將d baggage 放係overhead locker 上面!

一到左札幌, 最後一個香港乘客落左機, 我地就歡呼! 點解? 因為 (1) 我地可以係 transit 的時間去機場買野, (2) 回程係一位客人都冇! 即係唔駛做! 原機番香港...成6 個鐘都唔駛做野喎! 你地話開心唔開心先?

極端

2006.12.20

第 221 次飛行

今日做左班東京來回...一向呢班機, 都係番黎個程辛苦過去個程, 但今日完全相反...

去同番都有好多香港人, 但兩機香港人的態度都幾極端...

去個程, 好多問題發生...

1. 唔知係唔係我邪住佢地, 做cocktail 的時候, 好多香港人都自己倒瀉飲品, 倒瀉到我都冇哂感覺, 見到佢地倒瀉, 只係識"oh..." 的一聲, 之後自動俾毛巾佢地自己抹, 見到佢地settle down 左, 自己繼續做service....

小風波

2006.12.19

第 220 次飛行

今日的航機上, 打了8 號風球...

話說由福岡去台北呢一程, 我個邊完成左個service, 但另一邊好似有點問題, 成日聽到佢地係咁問我地個邊仲有冇tray, 有冇main course..等等, 我已經將自己個cart, 同埋我partner 有的野都俾哂對面了...但佢地依然都話唔夠....之前我去後面的galley 睇過, 都係乜都冇哂, 派完餐, 我番到galley, 聞到阿姐好大陣火藥味...

富士山下

2006.12.18

今次冇乜特別好寫, 黎到日本, 都係食食食同買買買...可能天氣比較凍, 成日都想快D 買完番酒店...行完 SUupermarket, 買左我好鍾意食的spa 王 pasta, 真係好好食!

 因為要幫阿羊買紅茶, 但 supermarket 只係得紅色個支, 所以之後上番lawson 買埋黃色個支, 點知就係咁, 俾我發覺lawton 貴過supermarket 幾多...貴幾多...唔係好想再提....之後買埋 breakfast 就回酒店..

戰利品如下, 比較意外就係有冬季限定的caramel milk tea...

 

今晚訓得非常唔好, 播了n 次呢首歌...

壞機

2006.12.18

第 220 次飛行

今日又做兩日夾埋4 站的日本機, 月頭先做完, 所以再做都冇乜感覺...

今早CHECK 過, 發現轉左 aircraft type...忽然間, 好驚公司又 pull out 我...

臨出門口前, 忽然收到公司的電話, 而媽媽又唔小心聽左...話我唔係度, 仲問對方搵我做乜事...原來唔係crew control 打黎, 係 team office 打黎...關於contract 事宜...隔了一陣, 我再打電話番公司, 決定了約見時間...當然越早越好啦!

番到公司, 醒起classmates patpat 仲係公司番office, 當然要聚一聚吧!

之後我就踏上兩日4 程的日本機...

service 完全冇問題, 大部分都係日本人係台灣再transit 去日本....係例牌派極 blankets 都未派完...

直到我做duty free 時, 出事了....

丟架

2006.12.16

第 219 次飛行

今日兩程都係辛苦, 但都要做下去......

因為兩程機都會同兩set 不同的crew 工作, 所以搞到我自己都有點亂....

上到機, 老總assign 我的new position, 本來我的阿姐係同我同一個pattern 的日本人, 但點知紫姐話另外一位差姐昨日整傷左手, 同埋back...所以可能做野會慢d, 呢個時候, 架姐好好人, 話同差姐swap position, 最後差姐就做左我阿姐啦! 之後我地番去自己的工作崗位, 呢個時候, 紫姐就同我講小心d 差姐, 因為昨日紫姐同佢一齊做野時, 佢好懶, 樣樣野都懶懶閒, 好似唔想做咁, 之後又話自己整親...等等...所以叫我地唔好expect 差姐會做野喎....我再諗起一陣個班 full load 機, 真係唔知點算好...

This is Bangkok, not Seoul...

2006.12.15

下午一點去左酒店, 但因為貴人話成4-5 點先到, 咁我就訓一陣啦!

點知我訓到成 6 點, 佢都仲未黎, 當然有點擔心, 打個電話俾佢, 先知原來佢坐的士黎的期間, 唔舒服, 所以番左屋企....

最後佢成8 點幾先黎到....首先佢梗係又急不及待試我由空運打過黎的湯同埋"食送"菜啦!  湯仲係好熱, 但"食送" 就凍了, 於是我地打算帶埋出去, 等一陣dinner 的時候, 叫人叮番熱, 我問他: " 咁都得!" 他說:"呢度唔係香港, 所以乜都得...", 但我都半信半疑...

因為今日貴人唔舒服, 我地兩個錯過左今晚的 jazz concert...

Upper deck

2006.12.15

第 219 次飛行

昨晚, 完全訓唔著, 最後只係訓左一個鐘, 凌晨4 點半要起身番工!

可能放左4 日假, 所以又未致於咁眼訓...

今次我被安排去 upper deck 工作, 諗番轉頭, 我諗我應該有成年半冇係 upper deck 做過, 對於一切, 真係有點陌生... 不過又覺得自己好好彩, 因為今日要同個top 10 飛, 做upper deck, 佢好少會上黎, 我同阿姐都覺得好慶幸...呵!  不過呢位老總, 比起我第一次同佢飛的時候, 已經好了很多了, 所以係我心目中, 其實已經離開左top 10 啦!

去到airbridge 時, 上一班機的crew 都仲未落機, 原來佢地係 frankfurt 番黎, 真係開心啊! 等了一會兒先上到機, 但都冇用, 乜都做唔到, 因為 caterer 仲未load 哂d 野, cleaner 又未清潔完 cabin...等左好耐, 終於等到有報紙load 上黎, 咁我就落樓下拎少少泰國newspaper, 上 upper deck set 下啦! 點知我set 完, 有個cpcs 阿哥話我拎左 first class的newspaper, 要我拎番俾佢地, 佢仲話, 佢已經load 左d 報紙上 upper deck, 咁我睇下佢load 左d 乜野俾我, 一睇...乜野泰國報紙都冇...仲要d 報紙比我想像中更少! 話哂一陣都係 full load...upper deck 話哂都係 business class 麻! 最後我偷阿哥唔為意, 收埋幾份thai newspaper...但最期發覺真係唔夠報紙, 要死死氣氣去番樓下拎...下面的korean 同事都話: " 你頭先唔係已經一早拎左咩?" 我只好解釋一下點解我會搞成咁, 最後korean 同事好好人, 佢話我可以隨便拎...真係 thank you ....