小風波

2006.12.19

第 220 次飛行

今日的航機上, 打了8 號風球...

話說由福岡去台北呢一程, 我個邊完成左個service, 但另一邊好似有點問題, 成日聽到佢地係咁問我地個邊仲有冇tray, 有冇main course..等等, 我已經將自己個cart, 同埋我partner 有的野都俾哂對面了...但佢地依然都話唔夠....之前我去後面的galley 睇過, 都係乜都冇哂, 派完餐, 我番到galley, 聞到阿姐好大陣火藥味...忽然間阿姐好激動大聲講野, 好似鬧人咁, 搞到我都有d 驚 (雖然我知唔關我事..) 原來佢地個邊, 阿姐與同事 D 去 2 man cart 前面 同事 p 又去一個cart, 我地後面的galley 已經乜都冇, 明顯所有tray, main course 都係哂前面啦! 我自己都double check 左後面galley 幾次, 真係乜野都冇哂...點知同事 p 派哂自己個cart的tray, 就想走人...完全唔理仲有好多客都未有tray 同 main course, 後來阿姐與同事d 梗係唔俾同事p 走啦! 因為阿姐與同事d 個cart 又係乜都冇, 要問前面拎, 但同事p 問都唔問佢地阿姐就話乜都冇...死都要我地後面的galley 拎d 野出黎咁, 結果激到阿姐生蝦咁跳.... 我好記得, 阿姐番到galley, 好大力打個food cart, 同埋好大聲話: " 我地galley 真係乜都冇, d 野係哂前面, 自己個galley 都唔check 清楚就係咁問我地拎, 我地邊度仲有? 想我變出黎咩?" 仲問我同事p 係唔係好新, 我又唔知喎! 因為佢係 stand by...哈哈!

後來我做duty free, 所以要周圍穿梭, 係中間的galley 亦有聽過佢地傾呢件事, 後來, 中間阿姐都有同我阿姐傾呢個問題, 話係 communication problem...但我阿姐好激動...話同事p 仲死咬...我作為旁觀者...我認為, 一日所有客人都未有 tray 同 main course, 都唔應該派完自己cart 內的tray 就番galley 囉! 這種行為的確有點自私...

最估唔到係...阿姐個樣好林善, 想不到女人惡起上黎, 都幾嚇人...

終於番到香港....一落機又有 acknowledgement, 不過今次係好野...因為話兩日有班機, 我可以做少一程...呵呵! 

今晚...唔知點解, 我d 負能量又大增.....唉...........