LA 不利我...

2007.12.28 to 31

第 317 次飛行

而家孤菇身處LA....但...情況並不是太好, 唔知係唔係個galley 太凍吹親, 定係個crew bunk 真係細菌太多....係機上鼻塞塞, 仲有 ear block 情況出現...連我partner 都問我個鼻做乜事, 我起初以為係鼻敏感...點知一去到酒店, 就開始打乞嚔...同埋係咁流鼻水...我好懷疑上次病完d 菌清唔哂...結果我第一日係痛苦中度過, 好彩既係...上次有d 藥我未食哂, 可以頂住先...醫生d 藥果然好勁, 食完好左好多, 但點知開始頭痛, 痛到而家...

病病地已經有d 慘...咁諗住打電話去order delivery 啦, 點知我房內兩部電話都只係打到酒店內的 service, 打出街係完全唔通....起初我以為係個間餐廳的問題...但我打左成日都唔通...後來, 我試一試 打去 LA 的 airport office, 都係唔通, 先有理由相信兩個電話都係打唔到街線....最後只好自己煲左個湯飲, 再等到breakfast time, 去樓下食12 美金一個早餐buffet, 一食就 3 碟, 睇黎我真係好餓.... 但一出門口, 又係咁流鼻水...

聖誕前...

2007.12.19 to 22

第 315, 316 次飛行

係x'mas 之前, 連續飛左4 日...頭兩日係台北long stay, 本來打算出台北市, 點知個兩日都落雨, 所以最後只係與同事 w 去左附近行下街, 食下野, 買左好多書同埋mask...另外經同事 w 介紹, 去左食牛肉麵...

機上的金枝慾孽

2007.12.11 to 15

第 314 次飛行

這次LA 機, 來回乘客都十分好, 杯麵都唔係好多人食...真係難得一見, 反而同事們就比較特別....

首先就係老總...唔好睇佢好似冇乜野咁, 其實某d 方面佢好black and white 架, 就好似我與同事e 的handbag, 一去到LA, 就俾佢偷偷勒令我地要除左掛係出面的吊飾, 我與同事e 總係唔明白, 點解只係叫我地兩個除, 又唔叫其他同事除左去... 另外我地完左第一個service, 都會係左加兩邊set snack bar...我地平時做法就係每邊開半張table...但前個排, 公司話for safety reason, 要成張 table 開哂, 不過今次d 同事都只係每邊開半張table, 所以我都冇出聲, 點知老總黎睇的時候, 就向同事k 講要成張 table 開哂, 當佢向同事k 講緊的時候, 孤菇立即趁老總未黎話我之前, 去左另一邊收哂成張 table, 到老總黎睇我的時候, 我已經收哂d 野, 佢問點解我唔開 table, 我就解釋, 因為另一邊開哂table, 如果呢邊都係咁做, 一陣做杯麵的時候, 倒熱水會好危險....(呵呵)  之後老總勁搞笑, 返去前面拎左佢部 palm, click 番前個排notice 過要set full table 俾 同事k 睇....真係服左佢囉.... 除此之外, 老總都冇乜野架啦...成日就係自己個位開佢自己部laptop 唔知做乜野...真係勁!

病, 就是這樣捱出來的...

2007.12.05 to 09

第 311, 312, 313 次飛行

點解要3 次飛行要係同一篇blog post 哂出黎, 係因為呢幾班機發生既事已經唔係太想寫, 基本上冇乜特別...加上....呢一刻好累, 又病左...

1st - 2 nd day: 成田overnight long stay

所謂係long stay, 係因為我地第一日下午就到日本, 再到第2 日下午先飛番香港, 其實都只係得一日時間咋! 不過自從日本實拖左打指摸的入境手續, 我都覺得幾麻煩下, 同埋d 職員仲未太熟練呢一樣操作, 搞到我地過關的時間都長左好多....

小強客機

2007.11.29 to 12.02

第 310 次飛行

上個月做過班曼谷巴基斯坦4 日, 雖然班機係辛苦, 又要捱夜, d 客又有點煩, 佢地總係三心兩意, 話要呢樣, 但諗諗下, 都係唔好, 想要第2樣...所以我永遠都唔會信佢地的第一句說話... 做meal service 時, 都同佢地講左 beef curry 好食過chicken rice, 又係死都唔信我, 等我過左幾行, 見到佢地揮手, 要我同佢地換番個beef curry, 俾我實俾...但當然會俾我教訓下佢地...所謂教訓, 唔係鬧佢地, 我會話: " you dont trust me..." 同佢地黎個small talk...佢地之後就會聽哂我話...呵呵!  相反對面aisle, 同事的慘況, 我慘不忍睹... 不過好彩全機的同事都好好, 連老總都係一位好好好人...成日帶左俾我地好多歡樂, 只要大家都positive, 班機d 客有幾煩, 都會好順利完成....

除左一班少少麻煩的客外, 小強一家亦係我地的座上客....當然我地唔洗serve 佢地, 佢地會自己覓食....

第一日: 香港去曼谷

做完service 不久, 忽然我驚見放tray 的compartment隔離有隻大小強...對於我黎講, 係好大隻...好似你係街見到個d, 不過佢就瘦長型....見到自己最怕的小強, 我一定係驚叫... 係galley一起工作的同事 R 同阿姐見到都嚇了一跳...但我地3 個冇人夠膽打死佢...只好睇住隻小強係放tray 的 compartment 附近走黎走去.. 那時我同自己講, 只係今日先同呢架機, 明天做suttle 應該唔會再用呢架機, 落左機, 我先鬆一口氣....

簡單但很累

2007.11.27 to 28

第 309 次飛行

始終都係唔慣飛早機....加上昨晚完全訓唔著,  結果我係冇訓過之下, 坐頭班巴士番工, 由香港去新加坡, 再踩到曼谷...

最慘既係...今次兩程完全full load....我知道自己一定死梗...只好叫自己要不停做野做野....

天陰陰的悉尼

2007.11.23

 

 

 

今次冇心機影相, 大家係d 相內都睇到, 個d 咁陰, 影乜都唔靚...就俾大家睇下天陰陰的悉尼吧!

無奈中...(下)

2007.11.22 to 25

第 308 次飛行

到 左回程, 我發覺問題更大...首先因為我地係 sydney 返香港, 因為個邊就算crew 都要check in哂over 100 ml 的 LAG....咁我見呢位新同事冇帶suitcase, 只得一個overnight bag + coat hanger, 我就好心話佢知如果佢有LAG既話, 要check in 喎, 隔左一陣, 佢同我講: " 我諗我都冇乜LAG, 唔洗check in 啦..." ok...我覺得我已經做左自己個part, 佢話唔洗, 我都會信既...點知我同佢一齊過security check 時, 問題黎啦...check 到佢有LAG, 要開左個overnight bag 黎check, 一開, 勁大支 VS 的hair spray係度... 之後仲有d 野都係over 100 ml..那一刻我真係冇眼睇... 那時, 其他同事已經走哂, 見佢係第一次黎, 怕佢一陣自己唔識去 boarding gate, 只好等埋佢..一等, 等左15 分鐘...真係激死我! 一早同佢講左佢又唔聽...唉...最後佢好彩, 只係俾人收左支hair spray...係等緊上機的時候, 我好長氣再同佢講多次, 去所有 australia port, london 同paris, 都要check in LAG...又係我做的part 已經做左, 希望佢記得...

上到機, 因為新同事未 train business class, 我同阿姐講, 我replace 佢去 business class 幫手, 阿姐聽完話: "o下? 咁上次佢米冇去前面幫手?" 我打完場話上次前面話唔洗佢幫手...

無奈中...(上)

2007.11.22 to 25

第 308 次飛行

由於train 左新機的關係, 公司呢兩個月都俾左sydney 機我...

由於新機的business class galley 一d 都唔user-friendly, 所以我十分希望自己唔好再好似上個月咁係business class 工作... 而我之前check 過自己今次係做economy class, 所以都鬆一口氣...

入到briefing room, 同事們都有問我的 position, 而我都知道佢地的position, 之後老總入黎, 竟然同我地講佢部機check 唔到大家的position, 所以佢會自己assign, 那一刻我的心跌到谷底...因為今次係聚同級同事中, 我的名字係排係最頭...所以我估自己將會被派去做business class...就係我擔心的時候, 老總assign position, 佢竟然逐個阿姐阿哥問佢地想做邊個position...最後到我地d 小同事們...老總問邊個想做 J1 (即係business class), 點知冇人舉手...我就死都唔舉手架啦...因為我原本auto assign 都唔係呢個位, 但點知auto assign 呢個位的同事架妹又死都唔舉手(因為佢都唔想係 business class工作), 老總見冇人舉手, 就assign 左另一位同事O 做business class, 之後老總問邊個想做y3, 即係賣 duty free position, 因為我本身係assign 做呢個位, 所以我立即舉手說: "may i?" 之後我再話..."because i have checked my position before, and i was assigned to be Y3.." 老總聽完後, 立即問: " so, u all check your position already?" 全世界就" yes!", 最後老總就逐個問番我地原本的position...而架妹最後要做番 business class, 而同事O 就去番economy class...briefing 完後, 阿姐與幾位同級同事都多謝我咁樣同老總講...其實冇話多唔多謝...只係我覺得其實架妹本身係做business class, 我地的position 又冇撞到相同....佢應該自己識舉手囉...就算我幾唔想做, auto assign 到, 我都會做...

我的法籍男友???

2007.11.15 to 16

 

一落機, 塞左兩個鐘頭車, 先去到酒店, 一路上, 與兩位就快升阿姐的卡文同邦尼傾計, 估唔到佢地咁勁, 話要立即出去行街...結果見到個天咁好, 我都決定同佢地癲埋一份....

我地3 個中午時分就去左opera 附近lunch, 同埋行街街..

巴黎機, 唔易做

2007.11.14 to 18

第 307 次飛行

這次係一年一度的巴黎機....

去個程, economy class只得一半客, 加上又係 night flight, 好做得很, 不過阿姐是一個很有原則的環保分子....

激死我啦!

2007.11.13

今次全機同事, 只有我一個係遲一班機走, 所以我的wake up call 係比佢地遲成兩個鐘, 亦即係我可以訓多兩個鐘... 這亦係我swap 呢班機番黎的其中一個原因....

我的 wake up call 本來應該係差不多早上7 點, 點知今朝5 點, 我竟然收到wake up call...因為我一向都慣左係wake up call 30 分鐘前就起身準備, 所以聽到wake up call 時, 自己都嚇左一跳, 望望個鐘, 見到只係早上5 點, 而由於個wake up call 係錄音既, 加上我望望個門口, 又冇見到任何information sheet, 所以我繼續訓...

其實俾個wake up call 響左嚇一嚇後, 已經訓得唔好, 點知到左6 點, 又有電話到, 今次係front desk 的staff 問我點解仲未落去...我同佢地講:"i operate 708 today, not 2700...", 但個staff 仲好堅持我係operate 700, 而我都好堅持咁同佢講:" my wake up call should be 06: 50, and reporting time should be 07:50!" 呢一刻我真係好嬲..我話: "please check before you call me, thank you!", 然後個staff 叫我俾個last name 俾佢check, 之後就收左線....

因為呢兩個電話, 搞到我同仔仔都冇覺好訓...本來我可以訓多兩個鐘, 但而家個staff 5 點鐘就叫醒左我, 咁我同operate 早一班機返香港有乜分別???

落機前, 請檢查...

2007.11.13

第 306 次飛行

乘客落哂機之後, 我地要做一次after landing check, 即係要檢查乘客有冇遺留的物品...

大家又估唔估到佢地試過留低d乜野呢?

三遇金卡王生

2007.11.12

第 306 次飛行

今次班機, 去曼谷之前, 又要去一去新加坡先...同樣地, 又係 full load...基本上, 次次坐呢班機的客, 有成 80 % 都係businessman or woman...不過大慨佢地坐飛機仲多過我, 所以只要 attitude 好, 就應該唔會有問題...

當乘客不斷上機的時候, 我見到一副熟識的面孔...

上兩個月, 我做這班機時, 佢坐係我個zone, 問我拎pillow, blankets, 之後同我講, 一陣派餐唔洗叫佢起身食野, 因為佢要訓覺...那次, 覺得佢有點cool, 但佢態度也挺好...

到上個月中, 又係做呢班機, 我見到佢上機, 佢又係坐係我個zone, 起初我都唔係咁肯定我曾經見過佢, 但佢同上次一樣, 一上機, 未坐低, 就問我拎pillow, blankets, 之後又叫我一陣派餐唔洗叫佢, 到呢個時候, 我問左佢一句:" 佢係唔係上個月又係去過新加坡?", 佢答我: " 係呀, 我成日去新加坡架!", 這個時候, 佢都認得我了...傾左一陣, 佢係因為公司成日派佢去新加坡, 所以一個月要來回新加坡無數次...

Stockton

2007.11.04 to 06

 



這次去左stockton 去搵我honey, 我honey 即係我的best friend...我地由幼稚園識到而家...

雖然成兩年冇見過面, 但唔知點解, 又覺得唔係好耐, 睇黎時間都過得幾快...當中我仲知道一d 令我好意外的事呢!

與積奇林同行舊金山 (下)

2007.11.04 to 08

第 305 次飛行

回程, 幸好係 night flight, d 客飲我 唔係太勁, 做完 service, 我打算去樓下拎d snacks, 點知俾老總截住左, 因為男同事a 唔係同我地一齊回港, 所以這次冇佢幫手, 老總叫左我同另一位紫姐幫手計 rest period,  就係我計緊的時候, 老總叫左我阿哥幫手, 我立即閃...呵呵!

這次好多了, 有成4 個半鐘rest...我地又準備d 杯麵....為左唔想成日企, 我地拎左兩個oven 落黎坐住整...就係呢個時候, 中間galley 的韓姐就好似來程的時候一樣, 黎我地galley 拎第2 餐的bread...其實來程的時候有d 小插曲, 韓姐好心幫後面galley 的阿姐放第2餐的bread 內oven, 雖然我地只係拎左兩個oven 落黎坐, 但其實仲有好多 oven 可以放bread 的, 但韓姐偏偏要拎我地坐緊的oven 放bread...所以回程, 我地絕不可以俾呢件事再發生, 我地好主動幫佢將d bread 放落其他 oven 內....呵呵!

與積奇林同行舊金山 (上)

2007.11.04 to 08

第 305 次飛行

上個月尾check 左個crew list, 先見到積奇林這個名字...這個名字, 曾經係同事口中聽過不少慘事...已將其名列為 "十大"...本身都想swap 走, 但我知道時已經太遲, 加上我要去三藩市探我honey, 所以非去不可...

佢入到briefing room, 如我所料, 會叫大家拎番d passport 出黎, 俾張相佢睇下.... 幸好我passport 上的相並不是影得太樣衰...呵呵!

好好彩, 今次我係做upper deck 的business class...唔駛check economy class 的每一個位是否真的working, 而business class 的seat, 阿哥好好人, 自己check 哂...

羅省客機

2007.10.26 to 30

第 304 次飛行

一日3 班羅省機, 本來我係做一班來回都好辛苦個班, 但公司前幾日, 將我成個人丟左落另一班晏少少出發的羅省機, 雖然係少左一日假, 但allowance 多dd, 同埋相信應該會比原本個班好一點...都算唔錯...

去個程, 比我地想像中好, 1. 可能班機唔full...2. 大家似乎都幾滿意新機內的AVOD system, 即係 audio-video on demand.. 係economy class 的客人都可以自己揀自己喜歡的電視睇, 幾時睇, 幾時停都得, 可能呢有幾樣野, 加上而家個call light 再唔係armrest 度, 而係電視的下面...所以call light 都少左好多, 但一有call light, 千祈唔好當個客唔覺意press 到, 因為而家個call light 一著得, 有 99 %都係乘客有需要啊!   3. 因為大部分都係美國人, 冇乜杯麵黨, 所以好多我地預備好的杯麵都浪費了....

我的不幸?

2007.10.25
第 303 次飛行

今次我的duty 係 BD, 即係 bar duty, 只係負責係機上賣免稅品...不要覺得好似一份好輕鬆的工作, 忙起上黎, 分分鐘, 同事要幫番我轉頭.... 其實如果有得swap 走, 我真係好想唔做, 因為今日只係飛台北 turn, 我一向都唔做既...老豆都話我, 我來回公司的車程, 已經等於飛台北一轉了..

幸好, 今日的生意唔多, 不過次次賣duty free, 總會有同事問我係唔係 sales team 的人, 我話"係"之後, 大家總係覺得我唔似係team 的人, 因為我冇乜落力去賣, 當然啦...死左心麻....