第 308 次飛行
到 左回程, 我發覺問題更大...首先因為我地係 sydney 返香港, 因為個邊就算crew 都要check in哂over 100 ml 的 LAG....咁我見呢位新同事冇帶suitcase, 只得一個overnight bag + coat hanger, 我就好心話佢知如果佢有LAG既話, 要check in 喎, 隔左一陣, 佢同我講: " 我諗我都冇乜LAG, 唔洗check in 啦..." ok...我覺得我已經做左自己個part, 佢話唔洗, 我都會信既...點知我同佢一齊過security check 時, 問題黎啦...check 到佢有LAG, 要開左個overnight bag 黎check, 一開, 勁大支 VS 的hair spray係度...
之後仲有d 野都係over 100 ml..那一刻我真係冇眼睇...
那時, 其他同事已經走哂, 見佢係第一次黎, 怕佢一陣自己唔識去 boarding gate, 只好等埋佢..一等, 等左15 分鐘...真係激死我! 一早同佢講左佢又唔聽...唉...最後佢好彩, 只係俾人收左支hair spray...係等緊上機的時候, 我好長氣再同佢講多次, 去所有 australia port, london 同paris, 都要check in LAG...又係我做的part 已經做左, 希望佢記得...
上到機, 因為新同事未 train business class, 我同阿姐講, 我replace 佢去 business class 幫手, 阿姐聽完話: "o下? 咁上次佢米冇去前面幫手?" 我打完場話上次前面話唔洗佢幫手...
我 本身絕對唔會針對新同事...因為自己都新過, 都明白好多野都唔識...不過我覺得態度好緊要...後來我同阿姐放棄左佢, 除左因為我地兩個同佢溝通唔黎之外, 佢的態度都唔見得係好...我係 business class 幫完手,去番 economy class, 知道佢地好多野都未派...咁take off 後, 新同事繼續去佢的headset + overnight kit, 我就去 menu card 同 arrival form...就係呢個時候, 佢忽然入黎galley 以點人做野的語氣同我講:" 你一陣去整 baby bassinet..." 之後就走左...那時另一位同事k 在場, 好諤然咁問我: " 佢點你做野呀???" 那一刻, 我地兩個都無奈中....我打算上去business class 拎 baby bassinet 時, 同事k 叫我唔好去, 仲叫我乜都唔洗理, 之後我繼續派我的 menu card...派派下, 我見到 新同事已經set 緊個baby bassinet...我心諗...同事k 都唔知同新同事講過d 乜....
其實都唔係第一次...成日都好似佢一開口, d 人就要俾野佢咁...好似, 佢入黎galley, 說: "拎兩個eye mask俾我..." 其實我件smock 有, 但見佢態度咁, 我就指住個compartment 就: "呢度係放 eye mask 的地方..." 
有時佢明明係galley 內, 有客入黎要水, 佢又會話:"拎杯水出黎俾我..." 係 cabin 做service 時, 佢會話:"同我開左盒 orange juice去..." 所有野, 唔該都冇聲...
回 程, 因為 full load, 我地只可以係 crew seat 上面休息, 新同事與同事k 係第一group, 我與同事O 係第2 group.. 咁第1 group 休息的時候, 我與同事O 應call light係好正常...但點知到我地第2 group 休息的時候...有 call light 既話, 佢只係會出一出黎睇下係邊個位, 就返番galley, 結果我與同事O 都於心何忍去應埋d call light.... 最後同事O 叫我合埋眼傾計, 千祈唔好再開眼, 扮乜都唔知....哈哈!
就係咁, 我與同事 O 做左朋友....
都係個句: 做邊行都好, attitude 真係好緊要...
No comments:
Post a Comment