無能為力

2007.02.07 to 08

第 233 次飛行

第一程去東京唔full, 仲好light loading...大家一做完 service,就傾下一陣去買乜野, 同埋有幾多人出去, 要坐幾多架的士...計計下, 有成半set crew, 10 個左右會出去呢!

呢一程機令我深刻既有一位女乘客, 佢同我買野, 點知我又冇咁多錢找俾佢, 咁我問佢介唔介意碌card, 呢個時候, 佢眼濕濕咁同我講佢係香港跌左張 credit card, 最後找錢的問題解決左, 但估唔到佢由頭到尾都笑笑口, 但其實個心係咁唔開心...對於佢唔見左張卡, 我地真係無能為力...

眨眼間, 3 小時又過了, 終於到左東京, 而家轉左ternimal 2, 要行好耐先出到機場咁...好似番左香港咁..terminal 2 的感覺好似冇terminal 1 咁新...同埋最令我意外係..以後唔駛去北海道買白之戀人啦, 係成田機場原來都有得買...

換好衫就立即出發去附近shopping, 首先去醫下個肚, 本來諗好去食蛋包飯, 點知去到時, 唔知裝修定係唔做呢? 冇得食呀!!  最後去左隔離食鐵版牛肉飯, 估唔到又幾好食喎...下次一定要再去!

醫完肚, 開始shopping 之旅...可能近期都黎過下, 所以今次覺得唔係咁多野行...最後只係買左兩支mj mascara 試下, 同埋一直都想買的testimo eye shadow...諗左n年, 今次終於係買左新出的系列... 最後當然去supermarket 買下晚餐同埋明天的早餐...始終都係最鍾意行supermarket 啊!

本來同事們約好坐 7 點幾班shuttle 既, 但因為我行到5 點幾已經好累...對眼就快合埋...所以提早坐5 點幾shuttle 走...番到酒店, 先知自己今次乜野都冇帶黎睇, 最後只好做一樣我好少係outport 做既野 --- 開電視...就係咁, 唔覺意訓左, 一訓就15 個鐘...

回程第一程full load...呢個唔係一個問題...最大問題係好多tv 都壞左...有時我都唔明, 點解公司d 機成日都壞 tv 既...我做10 班機, 起碼有 8 班都出事...好多人坐我地公司機都係為左有video 睇者...但偏偏咁少既野都滿足唔到佢地...唉...就算我地今日個service 做得幾好都冇用, 最後我個zone 都有個客要寫 complain..唔係complain 我地service 唔好, 而係成日坐我地公司機, tv 都壞...我都相信呢位乘客都唔係第一次遇到呢個情況...唉, 有時engineer 都整唔到, 何況我地呢? 又係無能為力...

最後呢班flight 都係日本人喪飲 whisky 同啤酒下結束..同埋要多謝同galley 的同事幫我手deliver items...

回到家, 係呢個blog, 睇到d 好激氣既野...不過只有認識我的人先會知我份人係點及內情, 無謂為左小小事而唔開心啦...
同埋今晚好開心收到個長途電話, 你俾我知道雖然你工作好忙, 但你都冇忘記我...我好開心有d 野我冇同你講, 你都會check到...呢樣野真係令我有點意外...令我重拾一點兒的安全感...  不過connection 依然好差! 最後被迫收線!
明天又要起程, 仲會遇到傳說中聽到我都驚的"十大", 雖然我好擔心, 但又有點期待...

漸漸踏入另一天凌晨時分, 係度同你說聲: 生日快樂, 講真, 那天的事, 我至今都無法忘記.....