杜拜兩人行(下)

2007.07.01

這天, 我地都要成點幾先出到門口....

起初我地打算join bus tour 遊下個city 既, 但同事說不如坐的士仲好...所以打算坐的士去city 內的景點算了, 點知仔仔忽然說: "不如租架車仲好!" 就係咁, 我地兩點就租左架車, 想去邊, 就去邊! 我負責睇map, 睇仔仔應該行邊條路, 而仔仔就負責駕駛...佢仲叫孤菇試下添, 我唔得架...左軑我唔掂架!

第一個目的地, 當然就係望到帆船酒店的 beach 啦! 那天成43 度, 真係熱到飛起! 我恨左同男朋友係呢度影相好耐架啦! 今日我終於做到啦! yeah!  影完相, 我地仲去左帆船酒店門口影多張相呢!

 

之後我地去左呢間jumeirah mosque...

 

 

去完西面, 我地就漸漸駛去東面, 臨入隧道前, 我地去左下圖這裡 - Sheikh Saeed Al Maktoum House...

 

仔仔仲話孤菇叻, 成日開口中, 搵到哂d 景點, 仲要睇車路的圖冇睇錯...梗係啦...孤菇喎!
再到東面的gold souk...大家都發覺東面都冇乜野好行, 所以還是去番西面...我提議去 mall of emirates, 話哂仔仔都未去過麻, 同埋孤菇順便買埋手信...再食埋 dinner 就回酒店交車...
dubai 到處都見到這大小紅綠燈...

 

回程的時候, 的確係有d 阻滯...又有少少塞車, 同埋我地仲要趕住 9 點前交車俾車行的職員...
最後我地當然安全順時到達啦! 但問題就係呢一刻先正式開始...
其實我地租車的時候, 仔仔係碌左 120 蚊做deposit, 咁我地還車的時候, 如果冇乜野, 佢地就會cancel 120蚊的 credit card slip, 然後就現兜兜收我地 120蚊...
點知9 點仔仔打俾車行的staff, d staff 竟然唔知要9 點黎酒店收車? 傾左一大輪, 我地話今晚要走, 要佢地一定要係10 點前黎收車, 佢地都答應了, 由於當時已經成 21:15, 而集合時間係 22:25, 所以我都冇咁好氣, 上房換uniform...化妝番工...
到差唔多 10 點, 都冇人打上黎房要收車, 我開始急了, 我叫仔仔不如落去睇下點搞啦...但仔仔就好似滿不在乎咁...我真係氣死...拋了一句: " 我今次唔係黎旅行, 我係黎返工架!" 我唔可以好似上次去曼谷咁, 坐唔到這班機, 就坐下班機麻! 仔仔立即落左去...
到我落到 lobby 時, 睇到仔仔個樣, 我都知同車行傾唔掂數...架車果然冇人黎收...其實係 hotel 既 staff 做中間人, 幫我地傳話...我同個staff 講: " we can't wait anymore! we have to go now!" 再同仔仔講: "佢地唔收車唔緊要, 最緊要係你上到機.." 最後車行的同事說會去機場收錢...

這個時候, 我的心情又再一次玩過山車了, 因為除左要解決還車的問題外, 仲要擔心仔仔上唔上到機的問題...

又下回分解吧...