2009.06.07
十和田湖 --> 奧入瀨溪流 --> 十二湖 --> 青森
吃過酒店早餐後, 我地就渣車去十和田湖南面休屋一帶遊遊十和田湖........
雨係停左.....但天色仲係非常之唔好.......睇下下面張相就知......
十和田湖其實位於青森縣同埋秋田縣之間....昨日我地渣住架車係休屋附近搵酒店時.....就不斷係呢兩個縣穿梭(因為 GPS 不斷提我地....提到我都覺得有點煩)......
而十和田湖其實係一個火山湖黎...
奧入瀨溪流全長 14 km, 上流既起點係十和田湖的子丿口, 終點就係燒山一帶....而d 水最後係會流出去太平洋.......
如果要步行整條奧入瀨, 要成4-5 個鐘(單程).......因為時間太長....如果要行哂整條奧入瀨, 唔通走到終點時, 又要行返去起點拎返架車? 咁前後要成日時間喎....而整條奧入瀨係就係有4 個停車場但中間兩個停車場相距太遠.....而由於奧入瀨的步行道就係車道的隔離, 所以同lowbay 研究過後, 決定由子丿口(下游) 出發, lowbay一邊渣車, 孤菇一邊拎住地圖沿路睇下有冇野睇....一有景點時....我地立即唔理冇停車場, 將架車快快地泊係一旁, 再立即參觀下景點.....再趕快上車走人.....
當中, 我地睇左最主要, 同埋最出名既幾個瀑布......
銚子大淹
雲井之淹
於是我地就決定去原定 9 號先遊覽既 白神山地 - 十二湖.........由於GPS 說係奧入瀨渣去十二湖要成5 個鐘,...所以要爭取時間, 係日落前去到..........離開奧入瀨後, 原來我地要經過八甲田山......八甲田亦都係其中一個我安排了的景點, 但因為這兩天天氣都十分唔好既關係下取消了.....想不到竟然係呢個情況, 車子不知不覺已經踏上八甲田山.....高處我們決定不去, 反而有望望低處既地獄沼.....
由於公路 101 號是沿著日本海的岸邊行.....加上都臨近黃昏, 所以一帶的景色相當美.........
望著海....lowbay 問了一個問題.....呢條問題佢好似上年都有問過我, 不過我又唔記得背後的意思....但我記得我既答案都係一樣, 而當她解畫時, 我.......哈哈哈哈....
最後我地大慨用了4 個鐘就到達 白神山地 - 十二湖........
白神山地係 1993 年列入日本三個世界自然遺產登記地之一.....而十二湖就係位於白神山地山腳下....
十二湖有大大小小既湖沼, 會因為天氣變化而改變顏色........
我地遊覽了當中六個沼....首先就有....
王池東湖及西湖........
落口之池
)
遊畢後, 太陽仲未落山....不過今日多雲, 所以冇緣睇到日落..........
最後我地都搵到地方食飯....不過人地都趕住打烊囉........青森天氣好凍, 我就吃了一個暖暖魚生飯.......
No comments:
Post a Comment