太太的眼鏡

第 693 - 706 次飛行

當空中小姐用緊佢對摩打手飛派千千萬萬個杯麵去餵飽一班食完一個杯麵唔夠要encore 多幾個杯麵既蝗蟲時...

佢見到一行三位太太著哂燈又不斷係地下望, 好似搵緊野咁, 但當時空姐實在太忙所以未有時間去了解...

隔左一陣, 其中一位太太入左黎廚房搵空姐...

太太: 小姐, 我唔見左副眼鏡呀!

小姐: 哦...咁你副眼鏡係點既樣架? 一陣我忙完試下幫你搵下啦...

太太: 我副眼鏡既框框係透明既...blahblahblah...

空姐: (聽左佢描述左兩句之後再指指太太) 唔...其實...其實....你搵緊個副眼鏡, 係唔係你而家戴緊個副?!

太太: 係喎!!!! 原來我自己戴緊喎...哈哈哈哈....我自己都唔知添!!!

之後我聽到太太返埋位同佢兩位朋友講：「揾到啦揾到啦！原來係我自己戴緊副眼鏡呀哈哈哈哈!」

果刻空姐雖然忙到就黎發癲, 但俾太太咁樣搞法, 真係忍唔住笑左出黎.......

太太們真可愛。

太太自己係度搵緊副自己戴緊既眼鏡其實好多人都試過, 之但係, 有乜可能佢既兩位朋友都睇唔到太太戴緊個副眼鏡就係佢揾緊個副架?!

-__________-