漫長

2006.10.31 to 11.01

第 208 次飛行

番黎個程果然係幾辛苦下....

其實同上一程比, 阿哥做野好似好左d, 起碼佢得閒都會出下黎問我要d乜野...不過反而另一條aisle 既兩位同事出左少少問題...前面同事e 因為昨日食錯野, 搞到嘔到七彩, 仲要番工, 大家都想像到係點辛苦, 而同我一個galley 的同事c, 呢程又係唔知做乜, 好似唔知自己做緊d乜野咁...最好笑係我前面個partner 竟然走黎問我佢係真懵定係扮豬食老虎, 不過我諗應該係前者啦...anyway, 同我投訴都冇用架喎! 我已經盡量幫左佢地好多架啦! 阿哥有時仲叫我得閒提點下阿同事c, well, 盡量啦....有時係想同同事c 講既, 不過一諗起唔知點同佢講既時候, 我放棄, 唔講...其實我覺得還可以接受既, 係lost d ....

因為係 day flight, 所以個個都勁食, 勁飲, 第一個service, 完全可以用漫長黎形容, 我都唔明, 我已經做得勁快, 但有種 "做極都未完" 的感覺....

做完第一個service, 得我一個人係galley 度, 又係未停過, call light 比我想像中少, 因為佢地個個行入黎問我拎野食, 拎野飲...都好既, 起碼我唔駛行到死死下...我係極之樂意佢地自己行入黎galley既...呵呵!  不過就唔好全世界拎完野食, 就係galley 出面那個area 食囉...

飛左冇一半時候, beer 已經冇哂, 冇耐, coke 都冇埋, rum 又冇, campari 都冇, 支 vsop 差d 都冇埋...厲害!  其實來來去去都係個幾個人入黎...佢地一入黎, 一見到佢地個樣, 我都記得佢地飲過d乜囉! 除左飲野外, 就係杯麵的時間, 做完一個又一個...最後成堆人入哂黎galley 問我拎杯麵, 我邊做得切???!!! 只好mark 哂d seat number, 一陣成tray 出...就係呢個時候, 阿哥休息完番黎...佢叫我去訓, 佢做埋去...真係多謝你, 我夠鐘訓, 都唔同佢客氣啦...因為rest period 只係得兩個鐘...再唔訓就冇時間訓...

一訓醒, 我以為自己只係訓左15 分鐘左右, 點知原來我已經訓左個半鐘, 是時候醒啦! 十萬個唔想起身!
第2 個 service 好左好多...快快脆脆做完, 阿哥可能一心諗住放工, 乜都同我做哂...又成日話, 你一陣做duty free 得架啦! 我會叫阿同事c 幫你close bar cart...等等...見佢忽然有咁大轉變, 老實講, 真係有d 驚....
終於番到香港, 雖然只係飛左10個幾鐘頭, 但感覺呢班機好漫長....
落左機, 知道媽媽黎接我, 都幾開心架!  不過佢今日遲到了...
就係我等緊媽媽的期間, 我遇到唔少好lost 的遊客, 有個客唔知係邊度transit 同埋搞登機手續, 咁o岩我又行開個邊, 當然要幫下佢啦....之後出左黎, 有一家人問我點去某酒店, 我教完佢地, 佢地走左, 我就去左買coffee 飲, 等到媽媽黎左, 我地去搭車啦! 點知一出機場,  又俾我見到呢家人, 個樣依然好lost, 原來佢地完全聽唔明我頭先教佢搭車既方法, 還掂我又行開個邊, 我就叫佢地跟住我, 帶到佢地去車站...教佢地係邊個站落, 但仲見到佢地個樣唔知點咁, 我只好等車黎的時候, 上埋車同個司機講埋, 記得叫佢地落車呀!!!! 要做既我都做左,  希望佢地搵到間酒店...
能夠幫到佢地, 個皇滿足感, 大慨就係做飛人的意義........
番到屋企, 訓左7 個鐘...亦因為唔記得set alarm, 搞到第一次有jetlag...哈哈!
另外, 諗起仲有唔夠 10 日就見到你, 其實我都好開心架! 不過我死都唔講出口者...
最開心你個句: "雖然你公司的ticket 係貴, 但可以同你同機番黎係無價.."

p.s 近排與另一個"你"對話時, 你的回應好似句句都有刺咁, 朋友時時問我, "你" 其實知不知道我現狀, 我成日都堅稱你唔知, 但這幾日, 我覺得其實"你" 可能已經知道, 不過扮唔知...若然我當年傷得你太深, 對不起, 但你那時為何仍愛著我, 但又放棄了呢? 至今我都不明白...