愉快回程

2007.01.19

第 229 次飛行

今日的天氣比昨日更差, 天色好灰暗, 搞到個人都冇乜mood...

回程都幾順利...雖然我個zone 有兩三位麻煩的客人, 例如要左好多杯special drink, 同埋我未見過日本d 女仔食咁多野既, 一個service, 一人飲 4 杯drink, 食完lunch無耐, 又話要cup noodles...同 galley 的同事覺得佢地冇乜禮貌..係杯麵減料...雖然我覺得唔係太好, 但我都係隻眼開隻眼閉... 最後佢地竟然差唔多成個杯麵都冇食到... 就係咁, 人類係世上又浪費了一樣食物...

基本上成程機我地都冇停過, 可能係 Day flight 的關係吧! 雖然係咁, 但好多客人都係好nice...我serve 又serve 得開心, 加上我地又成日講下不同的inflight 笑話, 兩 group rest 的時間又唔多, 所以感覺上, 時間過得好快..做下做下, 去完一個又一個杯麵...又係時候到我去休息了...孤菇越來越鍾意個s bunk...哈哈!

起身後, 開始做breakafast 的service, 今日我地有frittata 同埋 congee...今次我負責派餐, 好多客人聽完呢兩個Choice後, 都完全唔知係乜野黎既...法國人會問我乜野係 congee, 亞洲人會問我乜野叫frittata, 更有客人兩個choice 聽完都唔知係乜野黎...後期我都放棄了, 我記得training 的時候, 成日都叫我地派餐講main course的時候, 都講得professional d, 但有時簡單一點, 反而令雙方都好過d 囉! 最後我都放棄了, frittata 講成 egg...congee 講成 rice in soup...再唔明? 我會問佢想食 chinese sytle breakfast 定係 western style 啊!  出奇地, 好多法國人都鍾意食congee..哈哈!  不過本人都係鍾意係 frittata 多d...especially 仲要有 cheese 係裡面啊!

差唔多 11 小時的飛行又完結了, 今次剛巧有同事住係我屋企附近, 佢又肯等埋我交完bar cash 先走, 於是我地就一齊坐巴士回家...不過可能我始終慣左一個人行, 同埋追巴士啦! 同行的那位同事笑我成日咁樣唔理身邊的人去追巴士, 唔怪得連男朋友都成日追我唔切喎!  你說得對, 就是因為這樣子, 所以做我男朋友的, 的確有點吃力, 這些事情, 太后都唔知同我講過多少次... 

golden flight 真係 golden flight, 始終都是愉快點及舒服點....

黎緊將會有3 日的假期, 之後就係一年一度的safety training 了, 呢3日都係時候溫下書啦!