想尋死去

2007.01.05

第 226 次飛行

已經有好幾個月冇去過LA, 加上又係 day flight, 都預左會好辛苦...

boarding 的時候, 最尷尬係俾其中一位香港人問我係唔係做得好辛苦, 因為佢見到我雙手都傷痕累累...我真係唔知點答佢....

出奇地, 好少indian, 所以 special meal 都好少...反而香港人多左喎! 但佢地大部分都係好nice, even 冇哂choice, 我都知好為難你地, 但佢地都冇怨言, 真係好多謝你地...

唯一激死阿姐係, 有d 客人order 左special meal, 但最後話要normal meal 囉! 搞到最後我地的早餐要食 moslim meal...不過話時話, 第一次食, 覺得都ok 喎!

完左第一餐, 都預左好多又會有杯麵黨...好彩既係, 呢件事唔係立即發生, 亦不算忽然間有n 人要杯麵...只係一個接住一個...已經比我想像中好了...不過一直未停過, 連check 洗手間的時間都沒有...

捱了3 小時, 終於到我訓...

我crew rest 完起身, 遇到好強烈的氣流, 當時的我正係洗手間內梳洗, 最後都係頂唔順, 坐左係廁所板上面, 等情況好一點, 先敢行番出黎...

飛行時間好短, 只係需要11 小時多dd...不過過海關就等了很久, 真係唔多鍾意day flight, 勁多機同時間到達, 一時間勁多人, 乜野都要排排排....搞到成粒鐘先出到黎...

回到酒店, 上網, 竟然收到公司的e-mail, 睇完,個心沉到谷底, 仲以為解釋了就會冇事, 點知那個assistant manager 說要見一見我, further discuss the matter...睇黎我番到LA 第2 日要回公司一趟...見已經係好驚, 連個dept 係邊都唔知...見到又唔會佢會講乜...見完可能有warning, 又有可能會炒左你 (雖然同事, 朋友們都話唔會咁易..) 同埋最唔明點解只係見我一個? 我更加唔想咁多人做左, 只係搞我一個囉!  更加唔明, 只係用卡買野, 都會搞到咁大鑊....

問了同事, 朋友, 阿姐佢地, 佢地都俾左好多唔同的意見...好多謝你地, 大部分都知孤菇成日諗埋一邊, 所以都好關心, 怕我真係諗錯隔離...espcially 多謝阿羊, 謝謝你個日會陪我回公司一趟...亦好多謝cherry, 教我到時怎樣做...更加多謝太后支持我....

呢一刻, 我感到前路完全黑暗, 訓醒只係記得番到香港要見個AM, 精神極度困擾, 自己係間房都已經喊了一大輪...唉...連貴人想打俾我, 都因為 connection 未完全 recover 而打唔到黎, 連喜歡的人的聲音都聽唔到....