無理取鬧

2007.09.07 to 09

第 292 次飛行

成班奪命888, 最好做應該係中間兩個sector...皆因唔會full flight...但由於中途出發了突發事件, 搞到我去到new york 訓到死去活來, 連同事的 lunch 都失約...

回程我心情靚靚, 因為係 new york 收到少爺lo 的msg, 話佢standby call 去 vancouver, 而到達的日子與我回到vancouver 的日子一樣, 仲要同我同一班機回香港呢!

不過上機冇耐, 又俾個客無理取鬧...

話說我地準備緊service 時, 有 call light, 我去左應啦...見個女人係度搞緊隔離空位的電視, 因為佢坐第一行, 電視要係自己個坐位下面拉出黎, 我以為佢唔識拉, 我打算幫佢打番自己位的電視, 等佢睇得舒服d, 點知佢好惡咁指住自己位的tv 同我講:"this one is not working too!" 意思係佢指佢個位的電視同隔離位的電視都係唔work...但我望下, 隔離空位, 個女人睇緊的電視係有畫面架喎, 於是我問佢想睇乜野 channel...佢話總之唔係呢個channel 就得, 幫佢整整下, 佢忽然好大聲話okokokokokok!!!! 拍哂手, 好大聲咁同我講野...真係呀...如果唔係見到個call light, 我都唔會出黎幫你啦... 當時我仲未 reset 個call light, 我指住個call light 同佢講: " i come here and help you cuz i see the call light is on!" 女人一望, 先知自己著左個call light, 知鬧錯人, 立即同我講sorry, 我都廢事對住佢heeheehee 咁笑...回galley 好過...

其實只係唔識用inflight entertainment system 者, 洗唔洗發哂癲?  真係好心著雷劈...

所以我建議大家上了機之後, 最好利用等pillow, 等blankets, 等 newspaper 的時間, 拎本discovery magazine 睇下, 裡面講哂機上的節目, 還有點用個control unit..多謝各位...