洗廁所

2007.09.04

第 291 次飛行

係曼谷回程, 我地係接由卡拉奇(karachi)來的乘客, 回港...

機上, 絕大部分都係北京人, 卡拉奇人, 及少量香港人....

未起飛前, 我地想去洗手間都唔得, 因為洗手間長期都有人, 仲要去好耐個隻...

而我地班機幾乎delay 左成個鐘...因為搵唔到d 客...搞到要 offload 佢地的行李先起得飛...

到我地做security check 時, 忍唔住洗左一次洗手間, 因為實在有d 慘不忍睹... 

做完 service...又係洗手間的peak hour...我賣完 duty free, 就與我的 galley partner 一人check 一邊洗手間, 可能我個邊少d 卡拉奇人, 所以好一點, 但俾我見到廁板好污漕....成個鞋印. 唉...我抹左抹, 抹呀抹..一邊係度諗, 有得坐係度去, 又唔坐, 係要"mou"...

不過都唔夠我partner 慘...佢一開個washroom, 成地水...仲要有舊野係地下度...研究過後, 原來係一舊痰... 係我地身後的鬼佬都搖頭, 同我地講, 都唔明d 客點去洗手間既...映衰哂自己的民族...我partner 同我講, 佢地係屋企既洗手間都唔知係唔係咁...我打笑說...可能佢地屋企有工人, 根本唔洗佢地洗番自己的廁所...

有時我咁諗, 作為一個乘客, 如果你用到個洗手間咁污漕, 洗廁所既係我地, 而serve 佢地又係我地...試諗下, 我洗完一個好污漕的廁所, 再serve 你, 你會唔會覺得好唔衛生?  

所以請各位搭客, 想對自己好d, 就請對個洗手間好d...多謝各位合作...

另外, 我好佩服我partner, 因為我個zone 既客成日都唔遵守機上的安全手則, 一而再, 再而三咁係降落的時候起身, 最後我partner 走左去b 佢地...勁!