忙忙忙

2006.11.30

第 215 次飛行

回程, 忙到七彩....

雖然得二百幾個客, 但因為有好多ID, 所以都幾full 下, 不過d ID 都算幾好人, 起碼冇俾hard time 我地...thanks!

原本個service 可以好快完成, 但因為想做tea/coffee 時, 有一段長時間的氣流, 搞到有時間都變冇乜時間了...最後我頂唔順, 行左一轉duty free 先, 因為我唔想一陣collection完之後做死, 因為有個客死都要我拆個travel power俾佢睇, 仲要結果用唔著, 呢度已經哂左我好多時間, 搞到我最後個幾個order, 真係好趕, 做到我死... 好彩既係, d 客都係買d 貴野, 等我賣都賣得值得既...呵呵!

酷熱的一晚

2006.11.29 to 30

當香港漸漸踏入冬天的時候, 曼谷依然都係 34 度....老實講, 孤菇真係好唔鍾意熱天, 不過要見貴人一面, 幾熱都要去....

孤菇去到酒店都差唔多5 點...期間同事都問我一唔一齊 shopping or 做massage, 以前我說我有朋友係度, 所以唔去啦, 之後大家都覺得好奇, 現在, 同事再問我的時候, 我說我男朋友在曼谷, 佢地仲更加好奇...仲有一定問好幾個問題: (1) 佢係thai? 孤菇答: 唔係, 係香港人... (2) 佢係個邊做乜? 孤菇答: 佢有自己的生意... (3) 做乜野生意? 孤菇答: blahblahblah.... (4) 咁你係唔係成日飛去搵佢? 孤菇答: 咁又唔係喎, 一個月一至兩次, 見得佢多, 佢反而冇心機做野... (5) 咁你第日要住係曼谷? 孤菇答: 唔係掛, 又唔係開始左好耐咋! 咁快諗呢d??? (6) 你點識佢? <--呢個問題...睇開我的blog 的 blog 友都知架啦! 不願多說... 以上的問題, 有成over 5 個crew 問我...下次都係作其他原因好過啦, 廢事又要答咁多問題...

約左貴人5 點半, 期間見到classmates, 原來佢今晚飛 karachi, oh too bad! 希望佢nice flight, 而我就繼續係 lobby 等貴人, 等呀等, 等呀等, 等到成 6 點幾都未黎, 雖然佢好多時都遲, 但都唔會遲成咁, 於是只好打俾佢, 佢report 俾我聽有 traffic jam, 其實佢已經見到我間酒店係對面, 但相信飛過去曼谷的朋友們都應該知個邊的highway 有幾特別架啦! 明明見到酒店係對面, 但要兜一個大圈先去到架! 就係呢個圈塞車囉! 於是孤菇一邊等, 一邊訓覺...結果我等到6 點半先見到貴人...孤菇立即跳上佢坐的 的士, dinner 去!

今晚貴人話帶孤菇去食全曼谷最好食的海南雞飯...點知我地去緊的中途, 貴人又俾其他食物吸引住....首先就係下面的 toast...大家睇下, 唔係你地屋企用緊的多士爐呀! 而係呢d舊式的...我第一次見咋! 當然要影番張相啦!

放完長假的後遺症

2006.11.29

第 215 次飛行

其實已經好累, 不過再唔打blog, 我諗有排都打唔完, 所以打住一篇先...

孤菇終於放完大假, 第一班機就係經新加坡, 再番曼谷...自己用左兩日假換番黎既, 為左見貴人, 作出了好大的犧牲, 因為如果唔係要見貴人, 兩日假, 我一定換日本機囉! 不過唔緊要啦, 話哂都叫係有d 寄託麻! 到呢一刻, 我都覺得換到我個兩日假的crew 真係執到...haha!

今日個老總都幾特別, briefing 的時候, 佢竟然要我地section leader briefing 先, 然後再一齊做briefing, 講番之前section leader briefing 傾過d 乜, 就好似一group group discussion 完左之後, 再回報俾老師知咁...哈哈....搞到個氣氛忽然好緊張,其實老總只係將briefing的形式轉左少少者，但就搞到我地驚一餐...尤其是我囉! o岩o岩先放完大假, 第一班機就咁, 真係驚架麻!

今日兩程機, 第一程香港去新加坡唔full, 都叫係賺左一程啦! 仲要做早餐, 話咁快就做完, 不過最痛苦就係好多人要 blankets, 但又唔夠派囉! 仲有人要完一張唔夠, 要兩張...唯一的方法就係調高cabin 的溫度, 不過就熱到我死, 因為我要派餐, 要走走動動麻!

第三天 - 十三陵 + 萬里長城

2006.11.16

原來打算5 點幾起身出發的, 但因為前兩日的行程令我地太累了, 搞到唔知醒, 起身的時候已經成7 點幾...

8 點幾我地就出發去 天安門西 join tour, 果然係同一班同胞一齊join, 由於佢地成日迫迫迫, 搞到我地兩個不是味兒...

都不知坐了幾多小時, 亦唔知訓左幾耐, 亦唔知位女導遊講左幾耐野, 我地終於去左十三陵, 點知去到, 我地先知要去左睇玉石展品先, 然後去 lunch, lunch 完先入去十三陵同長城, 我地兩個仲諗住早上去哂呢兩個地方, 下午去故宮麻! 而家咁搞, 即係去唔成故宮啦! 呢樣亦係孤菇最遺憾的一樣東西...

由於我地對玉器冇興趣, 所以周圍行下, 影下相算.............

第二天 - 頤和園 + 香山公園

2006.11.15

今日問左reception 點坐車去頤和園, 我地就出發...

首先坐103 號巴士去阜城門再轉另一架巴士, 但因為太塞車, 淨係由hostel 去阜地門都成一個鐘, 所以我地唔再聽reception d 阿姐講, 而去坐一定唔會塞車的地鐵去五道口, 再坐 331 巴士去頤和園....

去到比較遠離北京市的地方, 空氣都清新d...

 

等左好耐都冇 331, 咁o岩我見到另一架 巴士都去到頤和園, 終於立即上車!

第一天 - 毛澤東紀念堂 + 國家博物館

2006.11.14

雖然已經第4 次來到北京, 但今次的旅程, 我嘗了很多的第一次...

首先...係第一次住孟公府...

溫暖的北京

2006.11.13

每一次自己出門, 都好擔心中途會出問題, 幸好一切都好順利, 最意外既係小米米今日咁o岩帶左佢"女麻女麻" 去機場行下, 就係咁, 佢地就叫係送左我機...

上到機, 唔多唔少有d 後悔點解頭先個ground staff 問我坐唔坐商務我唔坐...始終都唔習慣d 大陸人一上機就大吵, 同埋可能我自己一個人travel, 佢地又一睇就覺得我唔係北京人, 開始向我投來奇異的眼光, 連後來上機的鬼佬都係咁...後來我隔離個鬼婆仲問我係唔係去 北京做 business...哈哈!

唔洗3 個鐘頭, 終於到左北京, 晚上的北京只得10 度, 但出左機場, 冇我想像中咁凍, 可能有幾個原因既, 1. 我試過零下 10 度黎北京, 我諗點凍都唔夠個次凍.... 2. 有 "你" 接我機.... 孤菇見到你的時候, 將自己之前所有的擔心都一掃而空....

坐shuttle 出city 差唔多成個鐘, 之後去左某地方醫下個肚, 今次不是住hotel, 而係hostel, 但都唔錯架! 到達飯店時, 你的生日差不多到了....

雖然沒有生日蛋糕...(其實如果係香港, 我會整個俾你..) 但有兩壺從香港帶來的湯水....

就這樣, 在北京過了一個暖暖的晚上..........................

行到腳跛

2006.11.12

第 214 次飛行

今早喉嚨勁痛, 見公司 7 點後都冇打黎, 打算食粒藥, 一邊訓, 一邊等stand by call, 點知食完d 藥冇耐, 就有電話啦...要我去新加坡...問我ok 唔ok, 我心諗, 我可以話唔ok 咩?!

死死氣氣咁番公司, 呢個時候藥力發作, 眼訓到我死...同埋我對眼望極d 野都係黃黃黑黑咁, 開始擔心自己究竟今日仲捱唔捱到8 點幾番到香港囉! 不過我都冇時間再去想了, 因為我已經上了飛機...仲要去同番都係 full load flight....

去個程, 兩個字, 混亂, 因為我個zone 差唔多全部都係mainland chinese...佢地個個一上到機就調位, 調到離哂譜....起初我都有幫下佢地, 但後來, 我發覺已經幫唔到啦, 因為佢地已經亂坐, 咁我就由得佢地, 只要佢地唔好塞哂係條走廊, 搞到其他乘客行唔到就得啦!  去到最後, 佢地搞到有兩位乘客冇位坐...要我係咁係cabin 行黎行去搵空位...真係辛苦死我...而航機亦順利起飛!

起飛後, 開始打仗啦! full load 的新加坡機, 想少d 麻煩, 最緊要就係做乜野都要快手快腳, 唔係佢地一陣要 2 nd helping drink, service 係3 個鐘內一定會做不完的, 有時唔係我地空服唔想做2 nd helping, 但時間真係唔容許我地咁做呢! 請體諒一下我地.... 不過呢班mainland chinese 已經比我想像中好好多啦, 都算幾乖既, 不過就成日聽唔明佢地的國語囉! 幾經辛苦, 終於做完一個service, 不過仲未完, 因為仲有duty free, 好彩有同事幫下手者.... 係呢程機, 發生左一個經常會發生的笑話, 話說有位外國人搵緊 washroom, 咁我同我partner 當時做緊service, 經過washroom, 見到有間washroom 係 "vacant" 於是就打開左, 打算叫那位外國人入去...點知, 我地一打開, 見到個mainland 女人坐左係度如廁...haha!  嚇到我同我partner 都尖叫一聱...仲要對到正...睇到哂d 坐姿....連位外國人都嚇親呢!

峰迴路轉

2006.11.11

第 213 次飛行

昨晚, 同你傾完, 諗住月中打後先會成行, 於是我重新搞過哂d booking...點知今日凌晨, 我訓訓下覺, 你打個long d 黎...說一係今日出發, 一係月中打後出發, 我地商量左兩個鐘, 因為今日同下星期出發都有好同唔好的地方, 最後傾到成凌晨5 點, 終於決定你今日上京, 我過兩日先再去, 唉, 其實真係好想同你一齊去...但冇辦法, 要 stand by 兩日...

真係估唔到呢單野最後會搞成咁...雖然係峰迴路轉, 又要我再改多次d booking, 但結果都算不錯吧!

今日7 點開始stand by, 但我訓到8 點先醒, 仲要係媽媽叫醒我, 話我知有notification, 又會咁怪既? 我 7 點始stand by, 如果有flight 應該會打電話黎我屋企架喎! 點解仲要acknowledge..諗左好耐, 最後都click 左, 睇完係飛乜野機後, 孤菇又係時候出發了....

沮喪

2006.11.10

第212 次飛行

今日又係飛即日來回, 但又唔駛飛成日, 飛半日者, 不過昨晚同你傾旅行plan 的問題傾到成兩點幾, 之後我4 點幾又要起身番工, 加上所有野俾公司搞到衰哂後, 到呢一刻好多野都未confirm, 所以今日都冇乜心機番工, 同埋覺得自己的笑容都幾假囉!

班機就冇乜特別, 做左咁耐, 第一次係那架aircraft 的商務客艙工作, 起初都怕自己唔掂, 但都尚算ok 啦! 另外, 好多謝阿姐的教導, 今日我又學多左d 野啦!

今晚同爺爺慶祝生日, 期間又收到你的電話, 告訴我機票的事宜, 最快都要黎緊的星期三, 四先知, 佢同我傾電話時, 都仲係笑笑口, 但今晚佢終於說了心底話...

方寸大亂

2006.11.08 to 09

第 211 次飛行

平時的孤菇, 一定會分兩日咁寫blog 既, 但因為我而家的心情係惡劣, 冇心機打兩日blog, 只好 combine 一齊寫........

一切就由我出門口番工開始,

昨晚睇左3 集一公升眼淚, 睇到我今早隻眼腫到上唔到妝....

等等下車, 望望錶...先發覺自己隻錶壞左, 最後只好帶住隻壞錶番工...

坐坐下車, 聽到自己跌左d 野落地, 但又搵唔到, 又唔知自己跌乜野, 就落左車...

sign in 完, 望下自己, 發覺扣係 jacket 的wing 的扣斷左...立即上uniform section 拎番個, 點知係d 阿哥面前扣新的一個時, 又斷呀!!!! 有冇搞錯?!  同完阿哥講句唔好意思後, 又拎左個新...今次好小心咁扣番上去, 阿哥話, 而家個d wing 係另一間公司整既, 所以差好多...唉, 都睇得出公司越來越cheap, 有邊樣野公司係掂架?

ISPY

2006.11.08

今日係我今個星期的唯一一日假期, 但我連今日都俾埋公司...

話說, 8 月的時候, 我參加左公司一個programme 叫 ispy = inflight sales person of the year, 呢一個programme 係 自願性質...參加左之後, 就睇我9 月同10 月的total sale amount, 之後會揀最top 個20 個係呢兩日去做一個assessment, 然後再係每日揀兩位出黎, 揀出黎的4 位, 就要用多一日時間training 同做assessment, 再係 4 位揀兩位出黎去London 同其他airline 比賽...

今日我幸運地去參加這個assessment...其實呢排飛得好辛苦, 見今日咁難得的一日假, 真係有諗過唔去, 但還掂自己一個人係屋企又冇野做, 又成日自己一個人亂諗野, 所以當去拎個experience 吧!

今日有8 位同事參加, 上午就係聽書的時間, 聽到我差d 訓著...中午就去左lion rock 食 buffet, 但因為心情唔多好, 所以我只係食左appetizer 同埋dessert 咋, 真係哂左高層的一番心意...

下午就係assessement 的時間...