第二天 - 頤和園 + 香山公園

2006.11.15

今日問左reception 點坐車去頤和園, 我地就出發...

首先坐103 號巴士去阜城門再轉另一架巴士, 但因為太塞車, 淨係由hostel 去阜地門都成一個鐘, 所以我地唔再聽reception d 阿姐講, 而去坐一定唔會塞車的地鐵去五道口, 再坐 331 巴士去頤和園....

去到比較遠離北京市的地方, 空氣都清新d...

 

等左好耐都冇 331, 咁o岩我見到另一架 巴士都去到頤和園, 終於立即上車!

坐了半小時, 終於到達了!  今次已經係第3 次了..........

呢度係慈禧太后睇戲的地方...

頤和園一帶的風景真係相當美...

下面呢條係 17 孔橋...

行過7 孔橋, 我地就坐小艇去對面岸....

再一步一步行上去頤和園的最高處....

由於時間的關係, 我地冇可能行哂成個頤和園, 只好從北宮門離開, 離開前, 仲有下面很美的清朝市集...

而我地就係呢度享受我地的下午茶 - 揚洲炒飯...

離開頤和園, 我地趕住係日落前去香山公園...睇紅葉, 不過去到有點兒失望, 因為都唔靚既...
係途中, 我地遇到一位外國人, 於是我地就一齊上呢個琉璃塔, 上到去, 先發覺呢個塔係行唔到上去...
其實上到呢度已經係香山公園的最高點, 但外國人仲話要行高d, 我地同佢行左一陣, 我發覺有點唔對路, 因為天就快黑, 如果再唔快d 落山, 一陣都唔知點算好, 加上那些山路根本唔係人去行既...好彩貴人都識做, 又覺得有d 唔對路, 立即同位外國人搵左個藉口說要照顧我, 所以要折番, 最後我地兩個落山先, 外國人就繼續爬山.... 事後我問貴人, 如果我唔係度, 佢會唔會繼續同佢癲埋一份, 因為孤菇唔想因為自己搞到對方要為我而唔做原本想做的事...貴人說唔好傻啦, 天都黑, 一陣點番落黎...想不到, 過了10分鐘, 個天真係黑哂!

行行下, 我地開始餓, 於是開始係香山公園附近掃街....

呢個就係我的戰利品... 真係好好食....

 

入夜開始凍了...再行落少少, 見有火煱, 於是我地又入左去..作為我地的dinner...
我叫左個清湯...

貴人叫左個麻辣...

大家估下呢一餐幾多錢? 就係兩個人夾埋都係 $50 咋! 係唔係好抵呢?!
番到city, 貴人打算買個suitcase, 但點知好多地方都關門了, 加上我地越來越凍, 所以就去食宵夜, d 小籠包真係yummi!

再番到hostel, 已經成11, 12 點了.......明天仲要早起, 真係去玩仲慘過番工....