峰迴路轉

2006.11.11

第 213 次飛行

昨晚, 同你傾完, 諗住月中打後先會成行, 於是我重新搞過哂d booking...點知今日凌晨, 我訓訓下覺, 你打個long d 黎...說一係今日出發, 一係月中打後出發, 我地商量左兩個鐘, 因為今日同下星期出發都有好同唔好的地方, 最後傾到成凌晨5 點, 終於決定你今日上京, 我過兩日先再去, 唉, 其實真係好想同你一齊去...但冇辦法, 要 stand by 兩日...

真係估唔到呢單野最後會搞成咁...雖然係峰迴路轉, 又要我再改多次d booking, 但結果都算不錯吧!

今日7 點開始stand by, 但我訓到8 點先醒, 仲要係媽媽叫醒我, 話我知有notification, 又會咁怪既? 我 7 點始stand by, 如果有flight 應該會打電話黎我屋企架喎! 點解仲要acknowledge..諗左好耐, 最後都click 左, 睇完係飛乜野機後, 孤菇又係時候出發了....

同時, 上主話我知最快都要 13 號先可以出發........

講真, 我真係俾公司搞到好唔開心..但選擇左去番工, 就要笑著面對......公司令自己不開心, 但客人是無罪的....

去個程full load, 不過台灣人一向都不錯的, 所以都做得幾開心既, 係番黎個程, 差d 番唔到黎囉! 因為臨起飛之前, 機長話2 號engine 開左3 次都唔著....要番去 parking bay, 叫個engineer 上黎睇, 點知泊番去個bay 後, 又話冇engineer 係度喎! 搞左一大輪, 又話2 號engine 冇事...照飛....好彩冇事者, 唔係今晚又唔知幾多點番屋企了......

回程light loading, 加上又有上次同我 & lowbay 一齊飛的阿哥m 幫手, (今次佢好過上次好多啦, 不過依然成日話乜都冇囉...haha!) , 所以都唔難做...不過做完開始病病地...應該係因為今日係 briefing room 坐正個冷氣風位吹到出事了....

落左機, 第一時間開手機, 收到你的短訊, 個心都安落d, 但點知我發覺你又唔小心睇錯左我d msg, 以為我聽日上京, 但其實我話左後日先上麻! 激死! 立即send 多個sms 話你知, 希望你收到啦, 唔係聽日有個傻佬企係機場等孤菇就搞笑囉!

唉...聽日又唔知call 乜野機啦, 仲要係星期日...
題外話, 今日同左位台灣同事飛, 佢講左d 笑話, 因為好多香港人成日讀錯哂d 國語, 最後變左另一個意思..
例如:
1. 今日機上的餐是"火雞" 包....好多人讀左 "火機"
2. 你要飯嗎?  要飯只會bagger 先會說, 我地應該說: " 你想吃米飯嗎?"

3. 呢個係3 個裡面最好笑的...話說有同事問一位印度人, 問佢係唔係訂左印度餐, 印度的國語應該讀作 "in do", 但往往好多人讀左 "in 導", 即係 "陰道"....孤菇聽完, 當然笑左好耐......

p.s 今日係天星碼頭的last day, 真係好想去行多次, 但...身體不容許我這樣做了...成個wk, 日日只係訓得兩個鐘...真係心力交瘁......

孤菇好想快d 見到你...