電召入星戰

2007.03.29 to 30

第 247 次飛行

今日11 點鐘開始 stand by..一邊等公司的call, 一邊同仔仔傾下電話咁...等到兩點都未有call, 仲諗住今晚可以出街陪下仔仔工作添...點知3 點幾, 竟然有call, 又係call 我最唔鍾意的星機...一日5 班星機, 我最唔鍾意就係做715/716, 715 的客還好, 但 716 的客總是比較癲既...sorry to say that... 同埋唔知點解, 10 次 standby, 起碼有9 次都被call 做呢班機...就好似電腦一早set 好左, 我永遠stand by 都要做呢班機似的... anyway, 被公司安排了工作後...打俾仔仔, 仔仔聽到我要飛, 反應係:" 唔係掛...."

最後...因為我被call, 仔仔也跟我一起走...不過我就去新加坡, 仔仔則回曼谷...我地二人立即坐車番公司, 係 canteen 食個dinner, 我就入briefing room, 而佢就到機場去...臨別前, 還做了一樣係公司未做過, 但又令我極難為情的事...

趕時間

2007.03.26

第 246 次飛行

今日差d 唔知醒, 最後搞到早餐都食唔切就要上機工作了...

今日冇昨日咁好彩, 因為full load, 加上只有兩小時,所以時間都幾rush, 唯一好彩既係, 我地係 serve breakfast, service 比較簡單..起碼唔駛serve 酒同雪糕..hehe!

雖然時間好 rush, 但其實以平時的speed 咁做, 都應該做得切, 但我partner實在太快, 快到我都追唔上, 甚至透不過氣來...

最後係 full load 的情況下, 做完個service, 仲有1 小時剩, 同事們的速度真係驚人...

當中有段小插曲, 有個鬼佬冇啦啦鬧我地... 原來佢話我地做service 同埋做collection 的時候, 成個cart 塞左係條aisle, 阻住佢去洗手間喎...唉, 呢樣野, 其實你好聲好氣叫我地俾你過一過, 我地會樂意俾你過的...但你咁惡...真係唔多想讓你喎...同埋如果我地唔拉個cart出黎cabin, 點做service 同埋 collection 呢? 我體諒你之餘, 也請你地都體諒下我地啦....

終於落機, 成個人都鬆哂...

獨個兒在曼谷

2007.03.25

第 246 次飛行

飛左成4 日, 而昨日只係訓左3 個鐘都冇, 今日要早機去曼谷, 真係眼訓到死, 不過都係自己攞黎, 昨晚太后同阿羊都勁叫我去訓, 不過因為同二少傾計, 我完全唔當眼訓係一回事...今朝起身真係知死...仲有點頭暈暈...

機上紀念品

2007.03.23 to 24

第 245 次飛行

今日做到個筍位, 係商務客艙做, 除左第一個sector 外, 其餘3 個sector, 我個zone 都係冇客既...所以好悠閒... 仲去左經濟客艙幫手添... 其實真係幾enjoy 去經濟客艙幫手的感覺, 因為完全冇壓力...如果次次都係咁就好啦....不過到左最後一程, 經濟客艙都light loading, 所以我就冇去幫手, 反而想係商務客艙主動叫紫姐俾我出 trolley, 因為上次做同一班機, 被b 事件, 好難忘記, 所以趁今日咁少客, 除了可以俾自己practice 一下, 仲藉著今次的機會, 打破自己的心理障礙... 始終我都係有d 精神緊張, 成日手震震...唉.....

雖然有3 程機都唔full, 但當中都發生好多小插曲, 有d 我都唔想提, 唯獨是有件事想講下...昨天去大阪時, 有位台灣女人入黎galley 問我地拎playing card...點知唔小心冼低左, 仲撞到個頭...起初佢冇事既, 但後來開始頭暈, 唔多舒服, 最後去到大阪要坐輛椅, 唉, 見佢為左兩副playing card 搞成咁, 真係唔知講乜好...

講開機上紀念品, 好多客人, 尤其是國內同胞同埋台灣人, 都好鍾意拎機上的物品做紀念品...當中有..

騎呢名古屋之旅

2007.03.21 to 22

第 244 次飛行

放完大假番工的第一日, 好多事同時間發生了...實在有太多騎呢野...

首先今日一番去公司, 打算去 mailbox 拎 newsletter...點知除左newsletter 外, 仲收到兩封 complimentary letter, 再加一個黑白信封, 次次見到黑白信封都有d 驚驚地, 一開...原來我中左公司的 incentive programme...賣左指定數量的某items, 所以有禮物...都算係我今日番工一個好好的開工禮物...

入到briefing room, 見到阿哥 m, 呢位阿哥半年內飛過3 次...點解我咁記得佢...唔係因為佢靚仔, 除了因為呢半年內同佢飛過3 次外, 仲因為佢的行為絕對無法令我忘記...當然佢都記得我, 我都未介紹自己, 佢已經問我近況好嗎...噢..真係謝謝你的關心...萬萬想不到, 今次佢又係我galley 內的阿哥...加埋後面仲有一位奇怪的日本阿姐, 這班機應該會發生好多事...

有成個wk 冇番工, 加上今日又full load, 所以真係有點緊張..做完 service, 仲諗住冇人買野, 可以抖下, 點知business class 勁多人買野, 仲要有位客人幫我買左兩支5000 蚊的筆...(佢想買3支, 但我最多得兩支..), 之後有兩位日本男人幫我掃哂所有lancome 同 dior 的貨...淨係做佢地幾個生意...已經做左成2 萬有多...這個是我完全估唔到的...

澳門日與夜 - 日篇

2007.03.19

張床果然好好訓...訓到差d 過左食早餐時間...

食完早餐, 當然要係 check out 前, 係露台影番幾張海景照啦!

 

好似落左一陣雨, 加上又大風, 所以覺得好凍...

澳門日與夜 - 夜篇

2007.03.18

從曼谷回來的第2 天, 就出發去澳門...行程十分緊密...

係13: 45的船, 一小時的船程就到達澳門, 我地去了酒店放低行李及check in 過後, 就坐車去路環...

目的只有一個, 就係去試下出名的安德魯葡撻...

 

貓貓都想食一份啊!  

向泰國出發 day 5 - 終於回港

2007.03.17

今日一早起身, 差不多9 點到機場, 等位上機, 起初諗住上唔到, 因為 ground staff 說這班機比較full, 同埋有樣野好唔明, 竟然見到好多大陸人都同我一樣係度等stand by, 唔通佢地都係 id crew???!!!  等了半個鐘, 終於有位俾我地上機了, 唉, 忽然有個念頭, 如果上唔到呢班機, 我可以同貴人相處多幾小時...

向泰國出發 day 4 - 滯留曼谷

2007.03.16

今早6 點, 貴人佢地就出左去滑浪, 我就選擇繼續訓, 因為昨日只係落左一陣水, 身體有d 部分出現少許敏感, 這個貴人從不知道, 我亦無打算同佢講...因為唔想掃佢興, 所以昨日我一早對他說, 因為今天下午要回港, 想休息多點...

雖然我對華欣的陽光與海灘冇緣...但都有postcard 安慰一下自己...原來真係那麼美....

 

向泰國出發 day 3 - Hua Hin 華欣

2007.03.15

雖然昨晚飲了很多酒, 但今天一早8點幾9 點就醒左, 貴人亦都係, 因為對面房的貴人朋友couple 應該訓到豬咁, 所以我同貴人決定唔叫醒佢地, 我地自己兩個出左去附近食早餐, 同埋係河邊的公園散下步, 享受下二人世界...

11 點, 我地回到 guest house, 貴人的朋友couple 仲訓緊...真係厲害, 唔通佢地冇諗住醒?  我地叫醒左佢地, 就坐的士出番去city 租一日車, 本來打算去東南面的芭提雅, 但因為貴人唔鍾意個度太多香港人...所以最後去西南面的 Hua Hin - 華欣這地方, 我地1 點半出發...起初好多問題, 又冇油, 要入油, 之後因為我地冇地圖, 所以貴人唔多識行邊條路去到目的地, 後來要去油站買地圖, 知道點去後, 又塞車, 又整路, 搞到本來兩個半鐘頭的車程, 要差唔多成5 點幾6 點先去到華欣...由於我地4 人都係第一次去, 所以去到華欣, 找了一會兒先去到外國人stay 的guest house...我地住的 guest house 附近有好多bar...仲有好多人妖...睇到我打冷震...

雖然差不多天黑了, 但貴人佢地仲堅持要落水玩...因為我對於海水好易敏感, 所以我真係落左一陣水, 就要回岸...回岸時, 天已經黑哂, 我地仲要摸黑找回自己的物件, 孤菇差d 唔見左部相機....

沖一沖身, 就去dinner...今晚係全海鮮餐, 係下圖的地方 order 完後...

 

向泰國出發 day 2 - Kanchanaburi

2007.03.14

第2 天, 10 點去左7 仔食早餐...真係要多謝7 仔, 全靠你, 唔係我地4 人一定成日餓死...

10 點半, 我地4 人包左架車出發今天的 tour!

第一個節目就係去騎大象...見到咁沙塵滾滾, 真係有d 怕...

我地兩個人騎一隻象...首先就係坐係紅色的位置上, 但後期如果夠大膽, 可以輪住騎在大象的大頭上的...而我同貴人一人試了一次... 大家可以係"個人照片"內睇到..

向泰國出發day 1 - 前往Kanchanaburi

2007.03.13

今天早上5 點幾就要起身, 乘搭9 點的客機前往曼谷...在機上,  遇見位曾經飛過的同事...大家咁o岩一齊黎泰國玩..哈哈!   落機的時候, 我仲聽到有工作中的同事望著我說: "呢個一定都係crew 黎既..."  乜crew 真係有樣睇嗎???

話咁快, 兩小時幾的機程就到曼谷, 但immigration 就等了好耐..因為佢地做野真係做得好慢, 仲要我排個條龍, 兩位工作人員輪住黎close...唉....始終到而家都唔多鍾意曼谷機場...

會合了貴人後, 就坐shuttle 去 city centre 會合貴人的朋友couple...期間孤菇發覺自己唔記得左帶短褲, 於是就係街邊買左條, 後來我俾呢條短褲玩死, 不過一陣先再講...anyway, 我地唱哂錢, 黎左quick lunch, 就坐的士去bus terminal...再轉兩個半鐘頭巴士去泰國西部的 Kanchanaburi...

去到Kanchanaburi, 大家都有點餓, 去左附近掃街, 食左少少野, 就坐好似tuktuk 的的士去到河邊的一間 guest house 放下行李, 換埋衫先再出去...

我地住二樓..