向泰國出發 day 4 - 滯留曼谷

2007.03.16

今早6 點, 貴人佢地就出左去滑浪, 我就選擇繼續訓, 因為昨日只係落左一陣水, 身體有d 部分出現少許敏感, 這個貴人從不知道, 我亦無打算同佢講...因為唔想掃佢興, 所以昨日我一早對他說, 因為今天下午要回港, 想休息多點...

雖然我對華欣的陽光與海灘冇緣...但都有postcard 安慰一下自己...原來真係那麼美....

 

佢地沖完身, 大約 10 點, 我地就要開始駕車番去曼谷, 趕係 1 點前還番架車, 再買手信, 然後孤菇要趕 4 點半那班機...回程起初好順利, 冇塞車, 仲諗住會有大把時間番曼谷市買手信, 我地駕了一半有多的路程時, 貴人諗住打電話問下朋友係邊度買太后想要的手信...就係呢個時候, 貴人先發覺自己留低左部電話係華欣的 guest house 內...當時已經差唔多 12 時....我知道那電話對貴人好重要...話哂都係生意人, 冇左個電話, 後果都幾嚴重... 由於係高速公路上, 冇車回曼谷市, 貴人當然唔會俾孤菇自己一個人去機場, 所以只有一條路揀, 就係折返....代價就係(1) 孤菇今日回不到香港, (2) 1 點前回唔到曼谷市還車, 遲一個鐘要多 120 泰銖...遲 6 個鐘就當租多日咁計... (3) 我地要用雙倍時間坐車回曼谷... 最後用了2小時回到華欣..本來諗住趕最後一班機回香港的, 但去到華欣已經 3 點幾, 7 點要到曼谷機場, 似乎不可能了, 所以我放棄, 決定明天才回港...番唔到去香港唔係問題, 問題係點同太后解釋...我心想太后一定會鬧我的, 貴人叫我不要向太后說, 但又怎可以呢! 因為我一早對太后說我今天回去的, 無論點都要向太后說一聲, 就算真係俾佢鬧都要講...其實我都明白貴人點諗, 事件因佢而起...佢都知太后惡...廢事我俾太后鬧...結果打了長途回去...向太后解釋了, 幸好太后冇鬧...不過仲有一個問題係, 我一早book 哂今日回去的, 如果要 cancel, 要4 小時前cancel, 但因為我遲左 少少cancel...不知道公司會唔會有 record...唉...我冇嬲貴人, 只係忽然發生件咁既野, 個人好亂者... 發生這事後, 貴人當然要對我特別好啦....為左你, 我回不到家...
係華欣番曼谷市, 因為繁忙時間, 所以又塞車, 尤其是番到曼谷市, 塞了兩個鐘先還得番架車俾車行, 最後我地用多左6 個鐘...成晚上7 點幾先番到曼谷...貴人駕了9 個幾鐘頭車, 而貴人的朋友 couple 及我就遊了 9 小時車河...想不到, 一個電話...會搞到大家咁狼狽...

還完車, 我地坐 bts (即係香港既 mtr), 再轉 taxi 去搵guest house 落腳...然後就去 china town 食魚翅燕窩醫肚...之後再去行夜市...阿菲了左心願, 整左個body paint...因為我知道明天的flight 比較 full, 擔心上唔到機, 成日都心掛掛, 所以都冇乜心情...回到酒店附近, 立即找一間 internet cafe 上網check loading, 再list flight, 因為明天我要晚上8 點前回港...而明天的flight 都好full, 所以睇怕都要逐班機等...加上今天又係出roster 的日子...令自己個心更亂...

唯一孤菇諗到回不到家的好處...就係可以見多貴人一日....