向泰國出發 day 5 - 終於回港

2007.03.17

今日一早起身, 差不多9 點到機場, 等位上機, 起初諗住上唔到, 因為 ground staff 說這班機比較full, 同埋有樣野好唔明, 竟然見到好多大陸人都同我一樣係度等stand by, 唔通佢地都係 id crew???!!!  等了半個鐘, 終於有位俾我地上機了, 唉, 忽然有個念頭, 如果上唔到呢班機, 我可以同貴人相處多幾小時...

9 點35 分要到 boarding gate, 但我成 25 分先拎到 boarding pass, 過immigration, 又係例牌慢...最後成50 分先上到機...後面仲有個男人走緊, 佢應該都係用 id ticket, 仲大叫: " 我都係去香港架! 你唔洗走咁快..." 哈哈! 笑死我...

上到機, 鬆一口氣...我終於可以回港了, 因為呢幾日太忙的關係, 就算買左postcard 都冇時間寄...只係趁係機上的時間快快寫好, 待下星期我再來曼谷先寄...另外睇番今次個trip 的照片...忽然眼有淚光...想起剛剛臨別前貴人深深的擁抱, 孤菇真的不想放手, 很想一直被抱下去.... 

回到港, 出發去睇公公, 去到醫院, 我先收到消息今晚唔駛去爺爺個邊食飯...唉, 早知係咁, 我就坐夜機番啦....但而家知道已經太遲...