我愛大阪機

2007.03.03

第 239 次飛行

公司有航線去日本5 個地方, 而我就愛大阪機...但你問我點解, 我又答唔到你...可能次次去到大阪, 總是有好多新產品吸引著我...

今個月有3 班大阪機, 而今日呢班就係即日來回的...

昨日係曼谷番到黎, 都未recover, 今日又要一早起身, 真係好辛苦呢! 同埋成身都覺得好痛, 都唔知係唔係又係病的先兆...

番到公司, sign in 時, 見到隔離機的 loading 都唔full, 偏偏自己個班機都去同番都好full, 立即要飲杯咖啡提下神...不過想起一陣去到大阪可以食一頓好豐富的午餐, 就感到興奮...

另外, 今日終於收到公司的開工利是, 唔駛今年又蝕俾公司...hehe..

上到機, 總是遇到不同種類的人, 有好多香港人, 但大部分都好 easy going...只係一開始service, 第一位我serve 的客人, 竟然說今日的 fish 同 beef 兩個choice 佢都唔食既...佢問我可以點...嘩! 我都唔知可以點喎! 不如唔食..好冇? haha!  唉! 心就係咁諗, 但當時梗係唔會咁講啦...起初我地打算heat up 個印度素菜俾佢, 但後來阿姐去左商務拎左個chicken rice 俾佢...事件就解決左...其實如果佢有咁多野都唔食既, 好心佢就一早order 特別餐啦!

不過以上只係小兒科, 點都唔夠機上的一位日本人咁乞人憎... 話說boarding 時, 有位日本人黑口黑面上機, 坐低冇耐...就問我要inflight magazine...起初我誤會左, 以為佢要日本雜誌...但後來先知佢要機上的 discovery magazine, 由於佢係坐door 3 的第一行, 所以佢咁問都唔出奇...於是我都拎左俾佢...點知佢一拎左本discovery, 就將另一本duty free 的書一手丟係地上...仲要我執走去...其實你唔要既話, 大可以要我拎走去, 唔洗多此一舉丟係地上, 再要我執走去喎!  連坐係隔離既香港男人都搖頭...都好, 仲有人認同呢位日本人乞人憎...事後, 與我partner 傾開, 原來佢都領教過呢位日本人既野...我心諗, 你係日本男人既, 唔係大哂架喎! 唔知點解, 我真係越來越睇唔起d 日本男人...sorry to say this...

剛剛3 小時的機程, 終於到左大阪...我地有3 小時transit, 所以可以去大阪機場行一陣...今日終於有得食蔥吞拿魚拖羅魚生飯了!  真係好好好好好食呀!!!!  黎緊仲有兩班日本機, 希望仲有得食啊!

食完野, 可能呢排黎得太多, 所以都冇乜野好買, 只係同貓生買左個circus 玩具, 同埋幫朋友買左d 紅茶, 就回飛機上...但由於3 月1 日所有乘客都唔准帶liquid 上機, 所以security 個度排好長龍, 如果第日要去日本旅行既話, 我都係勸大家早d 去機場啦!   同埋仲見到x ray 機上面有好多水樽....

終於回到機上, 做完ground preparation, 休息了15 分鐘...睇黎我真係好累, 只係15 分鐘, 我都可以訓得著... 雖然訓得好短時間, 但都夠我捱埋番黎個程...

回程, full load...日本人同香港人一半一半loading...但問題總是日日新鮮, 又有位香港女人唔肯放佢個袋係椅子下面...同我partner 講 : "乜斜揹都唔得咩?" , 仲要 "gip" 左一聲...我partner 番到galley 係咁同我complain 呢個女人...唉, 女人真係要袋唔要命.... 不過呢位女人都係麻煩架啦! 我賣 duty free時, 佢竟然問我follie follie 隻錶的出產地係邊度...呢個問題真係考起我...... 事後由於有好幾個order, 所以多得有同事幫我搞掂呢位女仕...係呢度, 真係好多謝同事i...
另外, 呢班機 的日本人, 大部分都唔識聽英文, beef 同 chicken 佢地都聽唔明, 令我做service 的時候, 難上加難...

仲有, 原來今日前港姐季軍胡家惠的媽媽坐左係我個zone...唔怪得佢同老總咁好傾啦! 唔知大家知唔知, 胡家惠前個排係我地公司做過空姐架! 不過聽講冇乜人喜歡佢啦...仲有好多負面新聞...不過我未同佢飛過, 所以作為旁觀者, 我永遠對所有事都有保留...但我個人意見係...胡小姐的媽媽靚過胡小姐本人好多...哈哈!

終於番到香港, 仲早左成45 分鐘..但我雙腳已經累到唔想行了...雖然好累, 但我依然幾喜歡呢班機..

不過壞消息就係...我明天仲要番工...