由她吧!

2007.05.25

第 264 次飛行

回程, 只有大慨 200 位人客...他們都很好人...service 亦都順利...

不過開始頂唔順其中一位同事...她就係從中國東方航空過黎我地公司training 的同事, 大慨係我地公司飛完一年, 就會回到佢地原本的公司繼續飛...聽講, 如果有機會係我地公司實習, 回到佢地自己公司時, 升職會比其他同事快..不過這些從東方航空來的同事c, 同事說她們有些很懶...有時我都唔想對佢地有偏見...但這次...對著這位同事, 不知道應該說她真懶定假懶...

話說去個程, 因為佢要長期睇住位菲律賓籍的婆婆, 所以很多事也不用她去做...回程, 我做duty free 都幾忙下, 我都未做完, 第一group 已經去左 rest...而係 upper deck 工作的另一位同事又未落到黎當值...期間我睇到同事c去左check 後面4 個洗手間, 到我做完自己的 duty...我就check 埋前面兩個洗手間, 再順便check 多次後面4 個洗手間, 唔係我唔相信佢, 而係黎個程, 我發覺同事c check 完洗手間, 都好似冇check 過咁, 因為我一入到去, toilet roll 又冇, 同埋洗手間內仲好污漕...這件事, 連upper deck 落黎幫手的同事n都知...然後自己一手一腳 prepare 好哂第2 餐的野, 包括杯麵...幸好, 我仲有同事n...搞掂哂d 野後, 同事c 同我講佢係door 5 坐 (我地當值的galley 係 door 4), 佢仲話後面d call light 佢會去應...點知後來我與同事n 都發覺, 佢唔單止冇應call light, 有段長時間仲人影都唔見, 搞到我成日好似個傻婆咁問同事n 佢去左邊...同事n 有次仲同我講同事c有時坐係個crew rest 訓著左..唉..我已經唔想理...由得佢...過左成3 個鐘, 終於到我去rest 了...

到我醒左, 同事c 的 partner 同事i 走黎問我: "頭先你地on duty 時係唔係好忙...", 我話都唔算既...我問同事i 點解咁問...原來同事c 冇close bar cart...(其實呢d 野冇話邊個做既, 不過通常遲d 去rest的同事做)....同事i 仲問我點解佢咁懶都唔出聲...我心諗, 我可以說什麼? 同事c 做多一排都回老家啦! 仲可能升得添...就算講左出黎, 佢都唔會在乎...anyway, 最後同事i 都係叫左同事c 去做野...話要幫我出番啖氣喎!

終於番到香港, 可能真係好耐冇做過long flight, 所以覺得比平時更眼訓...不過同時, 我都好 enjoy long flight 的感覺啊!

最重要就係...將會有3 日假...呵呵!