夢遊曼谷機

2007.05.08 to 09

第 261 次飛行

這次, 目的地又是曼谷....因為吃了藥的關係...醫生明明說那些藥不會眼訓...但感覺上我成日好似夢遊緊...當中令我深刻的事有....

這次只有一位同事port sick, 出奇地少人port sick, 梗係啦...3 程機的 loading 比 half loading 更少...我做咁耐都未試過程程都只係咁既 loading, 平時回程一定full 架!

另外, 令我覺得奇怪就係, 俾call standby 的阿哥, 一入 briefing room, 老總就問佢被call 呢班機係唔係好開心呢? 之後我好懷疑, 唔通佢係thai, 所以老總咁問?  但佢明明係香港人黎架喎! 最後去到曼谷機場, 阿哥將個suitcase 交左俾另一位阿哥, 托佢拎d 行李去酒店先....自己又走左唔知邊度...言行都實在太奇怪了....那時我心中諗到d 野, 不過當然不方便係度講....

第一程機, 見到2 R 係經濟客艙....不過我行左好多轉先見到細妹的真人...因為佢好似好怕羞, 成日低頭, 相反家姐就好好多....不過估唔到佢地只係同我差唔多高, 甚至可能仲矮過我....還是覺得細妹靚D... 而家姐的皮膚比我想像中差...

第二程, 我以為又係同胞同埋korean 的世界....點知今次兩 group 人都冇喎! 太好啦! 唔駛好似教仔咁...

到左曼谷, 仔仔又因為一點事早到了....還是覺得仔仔與我認識的男仔有點唔同...因為佢係唯一一個永遠一見到佢, 佢可以係咁同我講野既人...講講講, 講到不停, 有時我好懷疑, 佢雞啄唔斷咁講, 唔覺得累咩?  不過我就是喜歡這樣既佢...因為我份人鍾意聽多過講, 又好怕冷場, 而自己確實又諗唔到咁多topic 去講, 所以佢不斷講野, 我不用再費神去想想說什麼... 最後仔仔由成晚冇訓過咁濟, 由5 點講到9 點...再由12 點講到4 點....其實其他時間佢都應該有同我講野既...不過孤菇已經睡著了....

我依然沒有將自己想說的話對他說....總是不知怎樣開口...不過我覺得仔仔已經察覺我有點問題...