2007.05.12 to 16
俾咁多tips 俾大家, 不少blog 友都估中左我去邊度啦....yes! arthur 估得最o岩, 就係杜拜+巴林! 
第一日
晚上先到達杜拜, 果然熱得很, 晚上都有成34度...仲要我地出左機場, 等左成半個鐘先有酒店的shuttle 黎接我地...連d 風吹埋黎都係熱既....
去到酒店, 最開心就係拎到可觀的 allowance, 同埋好緊張自己間房係點既樣, 上次我住35 樓, 冇廚房, 但間房超級大, 洗手間係平時的兩倍...仲有得浸俗, 連俗室用品都係名牌黎既...
而今次呢...住22 樓, 間房冇上次個間咁大, 洗手間都細了很多, 不過就有個open kitchen....第一次住有 open kitchen 既房, 立即樣樣野都掂下..哈哈!
唯一美中不足就係....冇得上網.....
第二日
與同事a,g,i 同埋阿姐j 去左大型的 shopping mall - Mall of Emirates....由於今次冇big sales, 所以我對shopping 興趣不大...不過最後都係抵受唔到誘惑, 買左下面呢樣野...呢條鏈本來好貴既, 但後來孤菇好壞, 用左一個方法, 令自己買既時候便宜d...至於我做左d 乜, 當然唔講得啦...嘻嘻...
行左一陣, 大家覺得好口渴, 去左mall 內一間coffee shop tea 一tea....
然後再去supermarker 買手信同埋今晚的晚餐...下面呢d係紅棗朱古力, 上面那兩盒, 朱古力內係一粒粒紅棗朱古力, 就係家人要的手信了...加上一粒粒朱古力係獨立包裝, 食又方便, 送禮又好好睇睇...下面那3 盒就係紅棗蓉...買的原因係因為上次同事請我食, 覺得味道唔錯, 所以今次一氣過每樣買5 盒返黎送俾親戚...
當然唔少得每次都要寄的postcard 啦!
好鬼死鍾意駱駝個幾樣, 佢地的表情樣衰得黎又幾搞笑..呵呵! 
回去休息一會, 那晚就出發去巴林....
第三日
去到巴林已經是早上6,7 點, 由於我地只會係巴林逗留大約6 小時, 所以起初仲諗住唔會有同事出去lunch 既, 點知有同事提出去lunch, 我當然跟大隊啦! 哈哈!
結果我地訓左3 個鐘, 11 點就去左crystal cafe 食indian food...點知我地等左成個鐘先上菜, 亦由於wake up call 係12 點半, 所以我地要係半個鐘食哂個lunch, 希望趕得切聽個wake up call, 可惜最後我地都係趕唔切, 我地7個人回到酒店, 經過reception 時, 酒店的staff 問我地住邊間房...睇黎我地嚇死班酒店staff 啦...11 位同事, 有7 位冇聽電話..哈哈! 我地立即回房, 換番uniform, 就開始由巴林回杜拜的行程...雖然飛行時間只係50 分鐘...loading 只得 50 人, 但我就賣bar 賣到忙到死...想不到...只得50 人的loading, 我可以賣過萬! 真係多謝d 油王啦! 我還記得, 有位油王叫我教佢講廣東話, 我說當然可以, 但你要幫我買一樣東西, 我才教你說一句話...逗到油王好鬼死開心...哈! 回到杜拜, 已經晚上時分了, 去了附近食日本菜, 就回房休息...
第四日
本來想join city tour, 但因為前一日太遲報名, 所以去唔成, 其實我地可以join 個bus tour, 但因為我地晚上要operate 番香港, 覺得唔係咁抵, 所以最後同事a,i 及我只好坐的士去我地最想去的地方 - Burj Al Arab...
由於我地冇permission, 所以最多只可以行到呢度, 影張相留念就要離開....本來仲想去其他地方sightseeing 一下, 但因為係40 幾度的高溫, 我地3 位已經拎住把遮檔太陽, 但都頂唔順, 最後去左Deira city centre 行下算了...點到個mall, 竟然見到兩位阿姐係度行街街, 於是我地又約埋一齊lunch, 傾下計, 再坐shuttle 回酒店休息, 準備晚上回港...頭3 晚我都訓得好好, 偏偏臨回港那晚訓唔到...搞到我回港個程極之眼訓...
第五日
中午回到香港, 全靠阿姐j 的 latte, 我先頂得住..自己都唔敢照鏡...因為我已經成24個鐘冇訓過...
出左閘口, 見到太后同小表妹黎接我機, 那一刻真係好感動.
...那一刻, 我發覺我好掛住你地....
...那一刻, 我發覺我好掛住你地....
No comments:
Post a Comment