曼谷夜

2008.06.29

今次仔仔同我補祝生日.....去左曼谷NO 1 的意大利餐廳食野....而我都特登帶左套晚裝去.....

係呢間餐廳食野, 可以影相, 但只可以連人帶景影, 唔可能只係影餐廳內的東西, 所以下面呢兩張相...好明顯係我偷偷地影...

有壓力

2008.06.29 to 30

第 348 次飛行

這班機, 我覺得係近期最辛苦的....
我一直都認為, 如果客人麻煩....班機辛苦極都有限, 但如果你跟著係阿哥同阿姐麻煩, 成班機都會好辛苦....就算只係短短兩個鐘的機程, 你都會覺得好似要對住佢成世咁....

這次, 我就對住一位升左10 個月的阿哥.....印象中, 你未升個時同佢飛好好人冇乜野, 連另外一位同事都係咁講, 但點解升左做阿哥會變左咁麻煩架?!

喪行紐約

2008.06.22 to 23

今次有米仔同行, 真係唔怕會悶....

我地11 點出發, 坐 metro 去第34 街食日韓 buffet, 真係估唔到米仔食野仲少過我.....食完個lunch, 離開既時間, 我發覺我唔見左o岩o岩去日本豪斯登堡買既生日bearbear 鎖匙扣.... 原來條線斷左...嗚嗚....從此我就失去了它.....

lunch 後, 我地行到去第 52 街...行行下, 我開始眼訓, 加上唔見左隻bear bear, 好唔開心, 於是同米仔去左starbucks 飲咖啡....加上出面又落著大雨, 所以我地都留左係個度好耐.....
之後我地行番去 42街的times square 的 m & m 同埋 hershey's...再坐 metro 落chinatown, 真係唔知點解, 今日坐兩次metro, 兩次我張metrocard 都唔work...真係黑開有條路.....唉.......
去到chinatown 都差唔多8 點...但個天仲係光光的, 搞到我地以為時間尚早....哈哈! 我地去左搵washington 的tour...可惜都關門了...於是我地只好去鹿嗚春dinner...食最出名的小籠包....不過我就嫌個皮太厚啦.....食到我地好飽.....同埋唔鍾意d 職員成日好似趕我地走咁.....
dinner 完, 我地決定行brooklyn bridge 回對面岸的酒店......點知搵左一段時間先搵到條橋的入口....中途真係有d 想放棄....不過我地最後都好堅持要搵到....

我地的堅持係有回報, 就係一大堆靚靚夜景相.... 同埋又多謝米仔教我影相...如果唔係, 都冇下面呢d 相的出現.....thanks!!!!

紐約二三事

2008.06.21 to 25

第 347 次飛行

這次, 與blog 友米仔同行....仲有機會同一個galley 工作呢!

不過佢都證明左, 同我飛, 的確係會發生唔少小事....
今次紐約二三事, 全部都係發生係去紐約個程.....

與堂家姐工作

2008.06.19 to 20

第 346 次飛行

8 日的大假就咁完結左, 時間真係過得好快, 又要回到飛的日子了...不過都好既, 有野做, 就少d 胡思亂想.........

這班機係我用兩日假swap 返黎, 係一班名古屋overnight, 一大早就要回到公司....第一日返工就要咁早起身 (5am),  真係幾辛苦, 不過又係自己攞黎....

回到公司, 一睇個crew list, 打左個突....因為竟然見到堂家姐standby call 中我班機!!!! 其實下個月有班機我roster同佢一齊飛, 但我已經swap 走了(當然不是因為唔想同佢飛啦! 是自己本身唔鍾意做那班機), 冇諗到她會standby call 左黎我班機....仲要係同一個galley 做野!!!!

好友移城 - 回歸...

2008.06.16

終於...終於....到左今日, 亦都係行程的尾聲.....

本來打算 7 點半起身, 出去作最後的 shopping, 點知我地訓過龍, 起身的時候已經係到左酒店的check out time: 10 am....我地兩個立即換衫, 牙唔刷, 面都唔洗, check out 左先...之後再係 lobby 的洗手間, 搞掂流洗過程.....

之後我地去還返架車....出奇地, 佢地check 都冇check 過架車就渣走左, 我地兩個開心死....因為唔洗賠錢..yeah!!!!

點知呢個時候發生左d 小插曲, 就係lowbay 留低左隻戒指係酒店, 於是我一邊係地嘆咖啡, 一邊等佢吧...

好友移城 - 別府地獄之旅

2008.06.15

今天一開窗簾, 個心真係沉哂....因為出面落好多雨呀! 不過算啦, 之後3 天都好天, 今日落雨, 我地就豪俾佢啦!

我地由大分經highway 渣到去別府, 目的就係去睇地獄巡禮....總共有9 個溫泉眼....

一去到別府, 如果唔係一早知地個度有好多溫泉, 我真係以為成個山頭都火災...因為周圍都係白煙...同埋好大陣硫磺味....>.<

我地又搵左好耐, 先搵到個位置泊車...好明顯個GPS 又出左少少問題..唉...睇黎都係靠自己比較好....最後我地停左係白池地獄的停車場....一次過行左7 個地獄先....

首先我地要買飛, 8 個地獄的通行證要 2000 YEN, 仲有一個要另外去到先俾錢既....係邊個呢? 一陣話你知...
第一個就係下面既白池地獄....清白色的水... 有成 95 度....我試過, 真係幾熱....

好友移城 - 高千穗 + 再戰阿蘇火山!

2008.06.14

係熊本過了一晚夜後, 今日10 點我地就出發去高千穗呢個地方....因為去高千穗係冇highway....所以真係好多謝lowbay 咁辛苦渣車繞過d 山路....

高千穗峽係由阿蘇火山溶岩流出冷卻而成的.... 而呢個地方, 我一直都好期待, 因為我俾旅遊書內的圖片深深吸引住....果然...真係好靚....真係忍唔住講左好多句: " 嘩...嘩...嘩....真係好靚呀!!!"

 

下面就係最出名的 "真名井瀑布"...

好友移城 - 在阿蘇火山上慶祝生日

2008.06.13

今日9 點鐘出發....由 GPS 帶我地上阿蘇火山....點知GPS 指左左我地去一間民宿?!  最後我地只好用另一個方法, 等GPS 帶我地去一個正確的位置....最後搞到成 1 點半先上到火山的一半....

其實一路渣車上山, 一路的風景都好靚, 我地都停左幾次車, 忍唔住要影下周圍既風景....

好友移城 - 豪斯登堡

2008.06.12

昨天仲落雨, 今日就天公造美, 天氣非常好....我地一早起身. ..check out 過後, 就去左搵租車的地方....後來好好彩, 有lowbay 的地址, 加埋我個人對眼好犀利的關係, 竟然俾我見到間車行....

搞埋d 手續, 我同lowbay 就上車試下個GPS系統....開始我地既旅程.....因為全部都係日文, 所以只有識日文既 lowbay 先睇得明....我就真係得個睇字囉..... lowbay 渣渣下, 發覺個GPS 同平時用既有d 唔同, 結果我地唔知去左邊....哈哈!  要泊埋一邊搞搞個GPS, 了解左一大輪, 終於明白點用....點知呢個時候, 又有問題出現左.....就係發覺熄左車, 但條車匙拎唔返出黎..... 結果死死氣氣返去車行問, 原來要去 "p" 先拎得條匙出黎...哈哈!  真係太安全啦!

終於搞掂好哂, 早上 11 點正式出發了! 我地離開左福崗, 踏上高速公路, 去長崎附近既豪斯登堡.....

由於lowbay 第一日係日本渣車, 所以佢話唔俾我訓覺, 因為佢怕搞唔掂, 為左唔訓, 我飲咖啡, 同佢傾計, 同埋影下佢....哈哈~!

大家睇下我地架車車先啦...ok 架!

好友移城 - 空服篇

2008.06.11

原本今次放大假打算去德國, 但因為孤菇爺爺既離去, 要空出兩日辦喪事, 所以最後改為去日本九州...

之前叫過大家估下我同邊位blog 友去玩, 好多人都估中左, 就係lowbay 啦...!

其實我都好期待同lowbay 一齊玩, (1) 第一次同佢去玩, (2) 今次我地租左車, lowbay 負責渣, 兩個女仔渣住架車周圍走, 都係第一次....(3) 孤菇未試過正式去日本玩過....
那天, 約左lowbay 早上7 點係機場等, 之後check in....食個早餐....之後就慢慢行去 boarding gate....

點知臨上機時, ground staff 叫我個名, 睇黎幫我地 check in 既staff 未訓醒, 竟然只係入左lowbay 的 passport info, 冇入我既....
anyway, 入番就有得上機啦.....

地獄HELL A

2008.06.05 to 09

第 345 次飛行

4 個月冇做LA 機, 想不到今次真係好地獄之旅....

 

而今次亦都係公司請左LA based 後, 第一次同佢地飛....黎個程, LA based 同事有兩位, 其中一位係我地galley, 幸好佢唔係我partner, 因為佢係懶到出汁....

 

 起初我都以為係自己錯覺同埋偏見....但俾我親身經歷了... (1) 派 special meal 時, 佢永遠遞個tray俾其他同事派, 自己就企係個galley 度... (2) 另外個邊aisle 既 crew 全部都join 左 3 個月都冇, 做得慢唔緊要....但佢地派完tray, 那位 LA based 既男同事係唯一一個企係個galley 連tea/ coffee 都唔去既人....一切睇係眼內, 我忽然好同情佢partner, 又係做左 3 個月都冇既同事 v....但v 同事好乖, 真係好乖...我好鍾意佢....但我又唔明老總睇佢唔順眼, 覺得佢做得唔好....唉...真係人夾人緣.....

激氣但開心

2008.06.02 to 04

第 344 次飛行

連飛既第5 日, 就係飛3 day bangkok....即係我第一日bangkok overnight 既加長版....

 

老總係 briefing 問邊個唔係跟佢回香港時, 我舉了手, 佢問我是什麼flight pattern, 我說3 day bangkok, 好多同事都嘩....how nice, 及露出羨慕既眼神....
其實有苦自己知啦....呢班機我係用一班台北turn 再犧牲兩日假換回來的...

 

今日又執到個幾好既位....好耐冇做呢個位, 感覺真係好新鮮....

 

 但我個zone 通常都係坐d tour group....第一程香港去新加坡, 有成團韓國人....佢地一上機就打我patpat 真係少不了....

 

 點知今次有個男人仲扯住我隻手唔放.....原來佢想話我知佢要 blankets....

 

 我隻手差d 俾佢扯斷...

愉快與揮霍

2008.05.31 to 06.01

第 343 次飛行

今次飛左班幾開心既 flight!

 

雖然4 程機, 有3 程都係full 左, 但有一班好好玩既同事, 所以完全不成問題....

當中都發生左d 幾得意既事, 有好幾位同事我都飛過, 一入 briefing room, 同事J 問我: " 你做y3 呀?" , 我說: " 唔係呀, 我冇跑數啦...", 其實呢個問題近排好多同我飛過既同事都有問我, 因為個個都覺得好出奇點解我忽然唔再跑數....我略略說了箇中原因, 帶過就算了....上到機, 今次賣bar 既同事又問我點解唔跑數, 那時我先知道....原來連佢以前都有留意我每一季的排名....(真係有d 恐怖, 因為我係第一次同佢飛..haha), 真係估唔到咁多人都知....

另外, 我見到一位男同事, 一見到佢覺得好熟面口, 但梗係記唔起幾時見過佢, 到上左機, 我忽然記得啦, 應該係差唔多兩年前係南非見過佢, 因為那時我以為 "側田" 去左南非....佢又係衰既, 個次係南非戴 cap 帽, 加上個樣又似側田, 搞到我以為側田去左南非.....哈哈哈哈!
 而佢以為 "葉璇" 去左南非, 因為我個樣似佢...