2008.06.15
今天一開窗簾, 個心真係沉哂....因為出面落好多雨呀! 不過算啦, 之後3 天都好天, 今日落雨, 我地就豪俾佢啦! 
我地由大分經highway 渣到去別府, 目的就係去睇地獄巡禮....總共有9 個溫泉眼....
一去到別府, 如果唔係一早知地個度有好多溫泉, 我真係以為成個山頭都火災...因為周圍都係白煙...同埋好大陣硫磺味....>.<
我地又搵左好耐, 先搵到個位置泊車...好明顯個GPS 又出左少少問題..唉...睇黎都係靠自己比較好....最後我地停左係白池地獄的停車場....一次過行左7 個地獄先....
首先我地要買飛, 8 個地獄的通行證要 2000 YEN, 仲有一個要另外去到先俾錢既....係邊個呢? 一陣話你知...
第一個就係下面既白池地獄....清白色的水... 有成 95 度....我試過, 真係幾熱....
至於要另外俾錢既, 就係下面呢個金龍地獄, 但我一直都唔明點解呢個要另外俾錢, 有冇人答到我? 唔通因為條龍要貴D????
大家睇下下面呢張相, 係唔係造左個條龍噴煙的假象呢?
係呢度, 我講左好多句: " 嘩! 我好驚呀", 搞到Lowbay 都頂我唔順.....
所以呢個地獄仲有一個名, 叫 "鰐魚地獄"... 真係好恐怖.....好嘔心添......
這個時候, lowbay 餓了....所以我地去食溫泉蛋....我地一人食左成 4 隻...yummi....
然後我地繼續行, 去第5 個地獄 - 山地獄....因為d 氣係山群中噴出黎, 所以就叫山地獄....
再到第6 個地獄 - 鬼石坊主地獄, 呢個地獄係咁多個地獄中, 我最鍾意的一個....灰色的熱泥呈大大小小的球狀沸騰的樣子像是和尚的頭一樣, (我影得唔似個頭), 所以以鬼石的地名, 叫為鬼石坊主地獄....
有兩位日本人見到我跌低左, 仲係度尖叫....都唔知係我嚇親佢, 定係佢地嚇親我.....==.==
我地渣車上山.....去睇第8 個地獄 - 血之池地獄....這是日本最古老的天然地獄, 大約 78 度....點解要血之池地獄, 相信唔洗我講, 大家都知點解....睇下d 色就明啊!
最後我地黎到龍卷地獄, 這溫泉最特別的地方就係 "間欠泉", 這是別府市指定的天然紀念物, 佢會以一定的間隔時間噴出熱水和噴氣....我地大慨等左 15 分鐘, 佢開始噴啦!
我地真係好狼狽架個日....去完別府, 我地立即飛車去最後一站 - 湯布朗....我地兜左上去由布岳, 同埋狹霧台, 睇下呢個景境, 但點知因為太大雨的關係, 乜野都睇唔到, 最後我地只係去左金鏻湖行下....雖然落緊雨, 但呢個地方都仲好靚...
大慨兩小時左右, 我地回到福崗啦! 但出面仲係咁落雨, 真係落足成日....我地去到福崗, 個GPS 又教錯路, 搞到我地又兜錯哂.....搞左一大輪先去到酒店, 同埋今次酒店個度係冇得泊車既...所以我地只好捱一晚貴既泊車費....
最後一晚的晚餐, 我地係去返天神站的地下街encore 多次個豬扒飯...但我覺得今次既冇上次那個咁好食.....
這天...真係好累.......同埋隻右手仲好痛.....仲有少少腫....好彩唔算嚴重.........
這晚, 多謝lowbay 同我玩塔羅, 雖然玩完....都係冇乜結果....不過佢又講得幾o岩既....anyway, 謝謝你....
No comments:
Post a Comment