好友移城 - 回歸...

2008.06.16

終於...終於....到左今日, 亦都係行程的尾聲.....

本來打算 7 點半起身, 出去作最後的 shopping, 點知我地訓過龍, 起身的時候已經係到左酒店的check out time: 10 am....我地兩個立即換衫, 牙唔刷, 面都唔洗, check out 左先...之後再係 lobby 的洗手間, 搞掂流洗過程.....

之後我地去還返架車....出奇地, 佢地check 都冇check 過架車就渣走左, 我地兩個開心死....因為唔洗賠錢..yeah!!!!

點知呢個時候發生左d 小插曲, 就係lowbay 留低左隻戒指係酒店, 於是我一邊係地嘆咖啡, 一邊等佢吧...

之前好辛苦迫自己飲少d 咖啡, 因為對自己個胃同埋心臟都不是太好....但這幾日來...我這個壞習慣又回來了....可能個人唔開心, 又有點苦惱, 同埋要保持精神, 所以又飲番....

咖啡....絕對適合形容我這陣子的心情.....甘香...但同時....苦澀........

回程港龍機full 哂, 訓不著, 有留意下佢地的service, 見到佢地成日都2 man cart, 同埋仲可以用手套收野, 我真係好羨慕.....

回到香港, roster 出了, 一堆垃圾... 我d day off....真係要用放大鏡先見到有幾多日...可想而知, 我d day off 真係少得很...仲要連飛6 日先得一日假...有冇搞錯? 同埋仲有班 ultra long flight, 睇見都想死... 半年飛4 次 ultra long flight, 係唔係公司嫌我既 radiation 唔夠勁?

今次日本之旅, 其實真係冇諗過同lowbay 都幾夾....所以我地可能考慮下年要 encore 多次九州....希望真係成行吧!

同埋諗到少少野啦.....我決定乜都唔理, 總之我去做一d 令自己開心的事....後果...不到我去控制...對嗎?

很想去做....但又怕, 有顧慮, 但如放棄, 不太甘心, 不捨得.....你是否也是一樣?

好啦...我感慨完.....好開心你黎接我機, 我不會忘記這個trip 及這一天....

p.s 今次懶得揀相的關係, 所以我upload 了兩天, 將今次影了的500 幾張相, load 哂上我的photo album 內., 想睇, 可以 click 留言俾我的那個bubble, or 呢度...九州 Kyushu Trip in Japan, Jun 11 - 16, 2008 , enjoy~~!