小孤菇長空中往返: 好友移城 - 高千穗 + 再戰阿蘇火山!

2008.06.14

係熊本過了一晚夜後, 今日10 點我地就出發去高千穗呢個地方....因為去高千穗係冇highway....所以真係好多謝lowbay 咁辛苦渣車繞過d 山路....

高千穗峽係由阿蘇火山溶岩流出冷卻而成的....

而呢個地方, 我一直都好期待, 因為我俾旅遊書內的圖片深深吸引住....果然...真係好靚....真係忍唔住講左好多句: " 嘩...嘩...嘩....真係好靚呀!!!"

下面就係最出名的 "真名井瀑布"...

本來有遊覽船出租去親身係峽與峽之間享受瀑布的震撼....但因為那天水流太急的關係, 所以冇得坐船, 真係有d 失望呢!

那時都差唔多成兩點, 肚餓了, 又係時間搵野食...俾我地發現左有流水冷麵食....d 麵由職員放係下圖所見的水道上....流出來, 而我地要用筷子夾起, 唔好以為好易, 真係有d難道, 好彩lowbay 最後搵到個好方法去夾.....咁先好少少.....

夾唔到d 麵唔緊要, 因為最後d 麵會跌哂係職員事先準備的兜兜內....俾番我地再食...哈哈! 大家睇下我地夾麵的水準有幾差吧! 哈哈哈哈!

去完高千穗, 我地就渣車上左國見丘.....係個度, 可以睇哂阿蘇五丘, 同埋高千穗的風景, 好靚架!

去埋國見丘, 都只係下午 3 點, 仲有好多時間, 於是我就問lowbay, 有冇興趣再試試去多次阿蘇火山西面睇火山口....lowbay 都話可以試多次, 還掂都係渣車, 如果又唔俾上去, 先回酒店都未遲....
於是我地懷著半希望心情再上阿蘇.....上到去, 果然冇令我地失望....今日俾我地上火山呀!!!!!

我地都好興奮, 立即渣架車上去...

仲好抵添, 因為坐纜車上去單程都要 410 yen, 但我地渣山上, 來回只係要 320 yen 咋! (因為我地渣細車, 所以好平...)
上到去, 好凍....我唔夠衫, 但一睇見個火山口, 真係乜野凍都唔記得哂啊!

阿蘇火山有7 個火山口....呢個係第一火山口, 亦係最 active 那個....亦係大家睇到嘩嘩聲那個....

下面就係第3 火山口...已經唔再active 啦....仲開始有植物的出現....

其實仲有第4,5,6,7 既火山口睇...但唔知點解封左唔俾行入去睇....不過唔緊要啦, 封左自然有佢既原因, 安全第一麻...!

然後我地去左另一邊睇哂阿蘇五丘, 分別係(由左起): 根子丘, 高丘, 中丘, 杵島丘同埋烏帽子丘......

睇完火山, 都5 點啦, 我地要起程去西面的大分過一晚夜....同昨日一樣, GPS 又係搵唔到間酒店, 所以我地又只好渣到去大分站先再慢慢搵.....因為由高千穗去大分係完全冇highway....所以整日都要lowbay 渣住架車行山路, 真係好辛苦, 最衰我冇apply 到國際牌, 如果唔係我可以分擔下, 不過lowbay 一定唔放心俾我渣...哈哈哈哈!

不幸地, 中途發生左d 小意外, 因為山路大部分都係單程路, 所以周不時會有迎面黎既車....要好小心先得....有一次, 我地為左閃避一架車車...lowbay 扭左軑去左邊....雖然唔係高速, 但因為條路真係太窄, 所以個左邊車頭"hi" 到舊石....刮花了!!!!

lowbay 好緊張, 因為還車時俾佢地睇到, 就要賠麻....不過唔係花得好緊要, 我地只好希望不用賠得太多吧.....但搞到我地兩位有陣子都冇乜mood 囉!

渣左好多山路, 終於到左大分, 亦好好彩一去到個站附近就俾我睇到間酒店....不過搵位泊車真係好有難度, 搵就搵到邊度有位泊, 但我地十世都搵唔到條路入去(因為條路係單程), 而 GPS 教的方法又錯哂....搞到我都有D 炆....坐靠lowbay 成日講個句: " 唔緊要, 錯左再兜過, 一定得既...", 我先好d....就係咁, 我地係間酒店出面兜左大半個鐘先泊到個位...哈哈!

那時我地已經餓到死, 好彩仲有拉麵店未關門....計埋隻蛋, 都只係 850 yen..唔錯...!