老頑童

第 658 - 661 次飛行

每隔一會兒, 總會遇到一些蠻不講理的乘客...

以下又是一個好例子...

這天, 有位大嬸走入廚房告訴我們她的胃不舒服, 想要一杯熱水...

當時, 不幸地, 安全帶的燈號亮著, 而架機強烈搖晃中...

莫講話給她一杯熱水, 我們連走路都有困難....

我提議既然你的胃不舒服 (有太多胃氣), 不如服粒maalox plus ...但她又不肯...

之後就嚷著要熱奶...

我們一而再再而三告訴她, 安全帶燈號亮著期間, 因為安全條例, 我們不能給她熱飲....

然後她無奈地回到自己的座位....

後來她嚷著要吃東西, 幸好, 第一餐我留了一些沒有翻熱過的麵包, 立即翻熱給她吃....

再過了一會, 囡囡出去應了一下服務燈....

她回到廚房後, 就告訴我大嬸不斷鬧她....當然又要鬧我們又不給她熱水熱奶之類....

我實在為囡囡抱不平, 於是去與大嬸傾傾..

(節錄)

我:"你頭先有冇食野呀? "

大嬸:"有, 但d 野全部都係凍既, 俾埋哂d 雪糕呀, 蘋果汁呀..."

我: 咁你有冇食主菜呀? 主菜係熱架喎!

大嬸: 有! 咁夜仲叫我食埋d 咁heavy 既野, 又俾埋哂d 凍野我食, 又要我食雪糕..(又重覆)...

我: 小姐...其實如果你唔想食雪糕, 唔想飲凍野, 你可以同我d 同事講, 可以唔食架喎! 又或者我地可以搵其他野俾你食... (搞乜講到好似我地揸住支槍迫你要食咁..)

大嬸: 其實我又唔係有好多要求者, 又唔係要貪你d 咩! 只係想要熱水...(下刪一百字), 我又咁大份, 食咁少邊度夠? 你地d 服務真係差! 我d朋友/親戚都話你地"惡哂"d 服務差...

  (咁你又坐我地公司?! 坐其他公司服務仲差呀! 首先你唔想食凍野可以同我地既同事講, 你亦可以選擇唔去食凍野, 有熱食你又嫌太重口味, 而你個胃唔舒服但又唔肯食藥但同時又要食野, 你都幾自相矛盾架喎, 比著其他人, 仲邊有人特登叮個包俾你食? )

當然, 這番話絕對不能對她直說吧....

之後我向她解釋一下為何不能在安全帶亮著的時候給她熱水...

點知....

大嬸: 但我見到你地俾熱水其他人!!!!!!!!!!

 (呀大嬸, 你咁樣無中生有法...我真係唔想再理你.....)

其實我懷疑大嬸自己都知自己太無理取鬧, 忽然爆出一句:"你地唔好再黎煩我呀!!!走走走!!!!"

坐在她身邊的朋友都用手示意"由得大嬸"....

最後呢?

早餐時, 本小姐見到她又飲蘋果汁, 還好開心品嚐杯凍到死的乳酪!

(大嬸...凍架喎! 乜你唔係唔鍾意食架咩?! -_______-)

正一老頑童!