Arabian Experience III

2007.01.31

最刺激就係係坐著車係沙漠上飛馳..真係"dun" 到我死死下...

Arabian Experience II

2007.01.31

lunch 完, 我地就去左Hatta Hertiage Village...

Arabian Experience I

2007.01.31

今日10 點半出發...

上午去左睇mountain landscapes...值唔值得去, 就真係見人見智啦! 不過上山時, 架車拋得都幾勁...

杜拜購物節

2007.01.30

今日9 點就起左身, 與同事去報 tour, 本來想去帆船酒店既, 但最後因為 buffet full 哂, 同事y 同佢家人book 左另一間 restaurant, 但因為要散叫, 所以我就冇去啦...都係下次先啦...

11 點, 與一班同事去左 mall of emirates shopping, 因為而家係購物節, 所以好多野都好平, 我食左個quick lunch, 就開始 shopping 之旅...

 

一切由轉position 開始

2007.01.29

第231 次飛行

由於我係第一次去 杜拜, , 之前又check 左自己應該做經濟客艙, 亦因為呢排真係太忙, 所以只係準備左有關經濟客艙的資料...例如個service flow 係點...等等...點知briefing 一開始, 老總 assign position 時, 我竟然變左負責商務客艙... 事後, 有人同我講因為本班機有一個好耐都冇升的同事, 佢本身係做商務客艙既, 因為怕佢太懶, 所以老總轉哂大部分同事的position...但我真係唔明, 其實老總只係轉那同事與其中一位同事就可以了, 點解仲要調哂大部分同事的position 呢? 仲要搞到我冇得sell 野...同埋....帶俾我一班不是太快樂的機...仲有....一樣野...等我寫回程的時候先講... 其實同事有問我點解唔同老總講唔好轉自己個position, 但佢係top 10 喎, 我邊敢問呀? 成個pattern 成5 日, 我唔想因為咁而有hardtime...加上, 始終我覺得一切自有安排...

果然...上主俾左個屎位我做...不過可能係上主俾我的一個考驗黎既...

不求人

2007.01.27

第230 次飛行

3 點半起身, 番到公司差唔多早上6 點, 天都未光, 人都冇隻...影番張相先...

 

AEQ第三天 - Assessment

2007.01.26

今日最後一天的training, 首先一開始就係溫習一下illnesses, 包括那些illnesses 的特徵, 同埋應該點處理, 等等...再教埋 bandage...呢兩樣野, 好快就過了...

第一個assessment 就係smoke drill, 我地要一pair 人入去一間模擬充滿煙的房搵番隻bear bear 出黎...我照樣同紫姐一group...入去搵...紫姐真係好認真, 明明都知間房係冇人, 但依然都講: " is anyone here?",真係要向佢學習一下, 好快, 我地就搵到隻bear bear出黎... 同時, 我地要放另一隻bear bear 入去, 俾下一pair 同事入去搵, 有個老總好衰, 竟然將隻bear bear 放係椅子下面...

之後就係test 啦, 55 條題目...要o岩 80%, 其實唔難...但要小心d 睇題目...用左大約20 分鐘, 同以往兩年一樣, 我check 都冇check 番, 就click 完成..見到100, 安落哂...離開間房, 出去透下氣好過...

AEQ第二天 - 好痛

2007.01.25

今日training 第2 日...一樣辛苦...

首先就係train security, 例如機上有d 唔聽話的乘客點對付.唔同程度的唔聽話, 當然有唔同的方法對待, 又教我地用手扣的方法, 又有教點制服對大家有威脅乘客, 同埋新加既...機上有炸彈點應付...等等...之後仲要上mock up 模擬做多一次...有同事用手扣扣我雙手的, 重重打落我的背上, 聽到好大聲"bom" 嚇到佢地好驚...而我? 梗係痛啦! 仲痛到笑囉!  當教我地點令到客人痛到唔反抗時, 因為我partner 做不到...所以trainer 做俾佢睇...受害者又係我! 搞到我隻耳背, 近搏頭的位置都好痛啊!

AEQ第一天 - 問書

2007.01.24

每一年, 所有空服無一幸免..都要上 aeq - annual emergency procedures training, 一連上3 日, 要 pass 哂, 先可以績牌, 繼續operate, 繼續空服呢一份職業...而今日係第一日...

由於第一日一定會問書, 所以前一日已經溫好哂書, 準備自己...因為唔識答問題, 會好麻煩的...

8 點半, trainer 行左入黎, 一睇, 好似係傳聞好哽的s 小姐...

果然, training 一開始...佢就問書...雖然佢俾大家打開書答佢的問題, 但好多人都唔識答, 好彩自己昨日苦溫...不過有d 同事...連最簡單的 CSCP/CACP 係邊都唔知...唔通佢地做個架機的時候, 連個screen 都未見過?

愉快回程

2007.01.19

第 229 次飛行

今日的天氣比昨日更差, 天色好灰暗, 搞到個人都冇乜mood...

回程都幾順利...雖然我個zone 有兩三位麻煩的客人, 例如要左好多杯special drink, 同埋我未見過日本d 女仔食咁多野既, 一個service, 一人飲 4 杯drink, 食完lunch無耐, 又話要cup noodles...同 galley 的同事覺得佢地冇乜禮貌..係杯麵減料...雖然我覺得唔係太好, 但我都係隻眼開隻眼閉... 最後佢地竟然差唔多成個杯麵都冇食到... 就係咁, 人類係世上又浪費了一樣食物...

基本上成程機我地都冇停過, 可能係 Day flight 的關係吧! 雖然係咁, 但好多客人都係好nice...我serve 又serve 得開心, 加上我地又成日講下不同的inflight 笑話, 兩 group rest 的時間又唔多, 所以感覺上, 時間過得好快..做下做下, 去完一個又一個杯麵...又係時候到我去休息了...孤菇越來越鍾意個s bunk...哈哈!

巴黎獨自遊 IV - 羅浮宮 & 凱旋門

2007.01.18

行了15 分鐘, 終於到了 Musee du Lourve 羅浮宮了...大家睇下, 天色真係好差, 呢個時候, 又係大風, 又落雨, 剛剛黎呢度參觀的學生, d 風一吹黎, 佢地就係咁叫叫叫...

巴黎獨自遊 III - 西堤島一帶

2007.01.18

係 Anvers 坐2 號線皇Nation 方向, 去下一個站Barbes Rochechouart, 再轉4 號線去Cite 呢個站, 就會到達巴黎內的一個小島 - lle de la Cite 西堤島...

首先第一個目的地就係Cathedrale Notre Dame - 巴黎聖母院...今次呢度果然以我上次黎少人好多...

巴黎獨自遊 II - 聖心堂

2007.01.18

係Bir-Hakeim 坐6 號線, 再係Ch. de Gaulle-Etolle 轉2 號線去到Anvers 呢個站, 就到達了Montmarte - 蒙馬特...再行大約3 分鐘就到第2 個目的地 聖心堂 - Basilique du Sacre-Coeur...

巴黎獨自遊 I - 艾菲爾鐵塔

2007.01.18

由於同事們都去了買名牌, 唔多好名牌的我, 又獨自一個人去 sightseeing 了...

今次係我第3次到巴黎, 都唔明點解, 年年都係冬季先有機會黎巴黎...次次天氣都係唔好既..

昨日諗好左行程, 希望今日可以去得哂啦! 9 點鐘, 巴黎o岩o岩天光, 就立即出發!

係station 一口氣買左一套 10 張的 carnet 票, 方便自己去sightseeing, 唔駛次次坐車都先買票!

坐6 號線去Trocadero 呢個站, 一行出去, 就係第一站就係Palais de Chaillot - 夏佑宮, 因為係呢度, 可以睇哂艾菲爾鐵塔的全貌...

一出MTR, 大風到差d 連我都吹走埋! 另外順帶一提, 呢幾日巴黎的天氣都好差, 多雲, 天又黑, 又落雨, 又大風...所以今次影的相片都不是太好, 最後有時我索性用黑白mode 影算了, 因為我覺得彩色同黑白影出黎的效果都冇乜分別, 相信大家睇完下面的照片都會有同感...加上大風, 好多相片都blur 左...

其實我都係第一次係呢度望過去鐵塔...好遺憾, 天色真係好差....

向法蘭西出發

2007.01.16

第229 次飛行

好開心, 咁快又有班long flight 做...

今次的目的地係法國的巴黎, 已經有成年冇去過, 不過我又冇乜野好期待, 因為我對法國的印象麻麻, 我最期待, 就係去到酒店拎那些 allowance 咋!

番到公司, computer 個邊完全俾人罷哂, 個個都check swap, 呢個時候, 俾我見到punpun, 傾左一兩句, 原來佢去隔離的法蘭克福..早知個次我都accept個crew, 咁就可以一齊去啦! 老實講, 我鍾意法蘭克福多過巴黎, 不過通常公司roster 俾我的歐洲機, 我都會keep 既, 因為我怕一swap 走左, 唔知幾時先會roster 番黎...

briefing 的時候, 本來好輕鬆既, 點知問到 safety qs 時, 有位新人唔係好識答, 嚇到我死, 其實係人地唔識答者, 但我都唔知點解, 自己都驚埋一份...

轉呀．轉呀

2007.01.15

第 228 次飛行

今日係不願意起床的情況下上班去...

今天兩程都只係1/2 loading, 加上來回各4 個飛行小時, 所以做完 service 時間都多得很...還有很多時候與同事們傾下計, 咁o岩老總問開我duty free 的問題...傾下傾下, 又係傾到個度, 估唔到老總知道唔碌得卡的反應會咁大...

今日又遇番係公司都幾出名的同事b, 上次同佢飛的時候, 都唔知佢咁出名, 後來過左成年, 我先知佢出名俾hard time 俾 junior 喎! 不過計埋今次同佢飛, 我都感覺唔到人地所講的hardtime感覺...咁當然, 佢就黎升, 咁梗係似阿哥架啦! 呢樣野我可以接受既...佢自己都知自己俾人唱, 對於佢係呢個情況之下, 仲可以處之泰然, 真係要寫個"服"字俾佢囉!

好辣．好甜

2007.01.13

都未試過咁多同事同行, 成8 個人啊!  首先就係去買化妝品, testimo 某隻eye shadow + eye liner 次次都想買, 但次次都係兼佢太油, 同埋唔夠深色, 所以冇買, 但我又次次都掛住佢喎! 真係唔知自己想點...最後反而買左d 朱古力, 仲有兩支 eye make up recover, 第一次試aube, 希望ok 啦...鬼叫自己而家用緊個隻cheap 牌子, 成日搞到我對眼 "啦" 到死咩!  

之後就去左食拉麵...唔知點解, 今日的味覺怪怪地, 覺得個拉麵好辣! 另外仲買左donut番酒店食, 平時食都覺得o岩o岩好, 但今日...覺得...好甜...係唔係同心情有關呢?

最後當然係去 supermarket, 好想買魚生飯架! 但買左又冇機會食, 結果都係放棄...

下面就係戰利品啦!