我的日籍同事

2007.07.16 to 17

第 283 次飛行

這次孤菇又重覆做多次大阪機...

這次同前幾日的大阪機一樣, 我前後兩個partner 都係日籍同事, 後面是一位senior 的同事s , 前面就係一位junior 的同事r, 不同的是, 同galley 還有一位日藉同事c及 香港同事j, 而我地既阿姐都係日籍, 老總又係日籍...其實我都很久冇試過與咁多日籍同事一起工作...以前我成日覺得, 如果大家都係同一國籍, 應該份外friend d既, 但原來日籍同事的階段觀念都幾重下.... 

首先, 我對呢位老總好有印象, 事源上次同佢飛個日本turnaround, 因為日籍阿姐冇跟足 service plan 去 english tea, 結果俾呢位日籍老總b 到喊....所以我一見到佢個名, 我就係咁提自己一定要去 english tea....好似上左腦咁...hahaha!

跛腳位

2007.07.15

第 282 次飛行

今日我被派往business class 工作...而我做既位係一個跛腳位....即係同紫姐一樣要出車的那個位..點解我話係跛腳位, 係因為成個galley 得4 個人, 紫姐, 紅姐, 及J1, J2, J1 係孤菇做既跛腳位, J2 的責任就係 assist 紫姐, 而紅姐主要負責galley 既工作...很少出cabin...所以如果班機係 full load, J2 只係assist 紫姐, 幫都唔幫下我, 而紅姐又永遠唔出cabin 既話, 我就會呼天不應, 叫地不聞啦...不過我今日就好好彩, galley 多左位同事幫手, 係一位o岩o岩升左, 今日係機上實習的阿哥...

冷面

2007.07.13 to 14

第 281 次飛行

這次同家兒去左大阪...

家兒比較幸運, 去了一個快樂的 galley 工作, 至於我, 隨著黑色星期五的效應 (我都唔想去信, 但...) 我真係由頭黑到尾....

首先今次跟左個就快升既阿姐, 佢好少笑....加上佢個樣唔笑真係幾惡, 搞到我都有d怕佢..人就好衰, 一怕一個人, 做野既時候一定會神不守舍...我同自己講:"相信佢平時都係咁既樣..." 咁我個心好過少少...但當我做duty free 時, 我感到好大壓力, 好似第一程, 都未起飛, 佢就同我講: "一陣唔好接economy class 的 duty free order...去左做business class 的order 先...唔係一陣做唔切..." 這個, 唔駛佢講, 我都知道要做business class 的order 先, 但都唔洗咁絕唔俾我接 economy class order 掛....

到做完 service, 我先做duty free, 同事們都話幫我手...點知阿姐係猛叫d 同事食野, 搞到我真係好想有人幫我, 都唔敢出聲...最搞笑係同事們唔多理佢, 堅持幫我...但阿姐一邊叫佢地食野食野...我聽係耳內覺得有d 難受...仲搞到我好難為情...而佢呢句說話, 4 程機都有講過...其實我諗阿姐冇心既...但佢咁講, 會俾我覺得佢好唔鍾意我賣 duty free...所以有時...同事們話幫我, 我見order 真係咁多, 其實自己一個都搞得掂, 我都堅持自己搞掂去....

點解我成日話阿姐冇心既...係因為佢程程都有幫我留main course...不過我真係希望佢笑多d, 唔好成日俾個冷面我歎....

寄情工作

2007.07.12

第 280 次飛行

今日做左班好簡單的 新加坡即日來回...

點解話簡單? 因為今日用左個新的 service, cocktail service 變左一tray tray 咁出, 唔洗再出cart 啦...起初我與同事都擔心會有好多客問拎 special drink, 但後來我地發覺擔心是多餘的...一切都好順利...乘客都幾滿意....

試用 AUBE Loose & Line Eyes

2007.07.11

近排鍾意左用sofina 條line 的產品, 前個排睇中左下面呢隻新出的 eye shadow...經過幾番考慮, 前幾日去成田的時候, 決定用 2500 yen 買黎試下...

 

大出血呀~~~!

2007.07.08

與blog 友水晶同埋丹尼斯去左aeon centre shopping...首先去左買 cosmetics...用左3000 yen...

10 點去左supermarket, 買左下面呢d 野...

首先有上次同仔仔爭食既杯麵...不過已經搵唔返個d 款....只有下面呢d...左上角的麵鼓湯係買俾父親大人...

 

一種諷刺

2007.07.08 to 09

第 279 次飛行

這班日本機, 老總係我FD (實習) 那班機的老總, 可能係第一次飛就同佢飛, 所以到呢一刻我仲記得佢...個時自己入世未深, 睇野睇得未夠真...但這次...總算睇真了...

來回兩程都full load, 本來一切都風平浪靜....但卻發生一件不幸既事.....(以下係老總同阿姐s 分別單獨跟我講既經過.....)

話說去個程, 同事x 唔小心彈左d 水點去呢位日籍女乘客c 身上...之後再倒瀉左飲料係乘客c 身上..其實咁都冇事...點知日本阿姐collection 時, food cart 唔小心撞到個乘客c 的手睁...之後乘客c 就complain, 仲要喊哂咁添! 乘客c complain 時, 我在場, 但我又唔覺佢隻手好瘀...我見阿姐係咁say sorry, 而我絕對相信日本阿姐唔係猛力撞到乘客c 的...後來老總知道了, 那位乘客不但要 complain, 仲要claim medical 添! 嘩! 駛唔駛咁嚴重???!!!  其實一般的情況下, 老總通常都會俾service voucher, 同埋寫番個report 就算了, 但聽說乘客c 唔肯要 voucher, 老總之後又 complimentary 送左條mild seven 俾佢, 仲upgrade 佢去 business class...我聽完...心諗: " 撞瘀左隻手, 喊兩喊, 就可以被 upgrade 去 business class, 有冇攪錯? 咁我下次俾個cart 撞瘀左, 我係唔係可以喊兩喊就唔洗再做其餘既service 呢?"  

愉快越戰

2007.07.07

第 278 次飛行

今日, 孤菇大戰越機...

去個程, economy class overbook 左成 50 幾個...幸運地, 今次我係business class 工作, 避免左我最怕既大大大 baggages....

同估計一樣, 依然係好多人port sick, 我上到機, 我partner 都仲未到...自己一腳踢幾乎做哂所有 基本既ground preparation, set newspaper trolley, chill bar,同埋準備埋 pre take off drink...可能好眼訓既關係, 只係抱著快d 做完, 快d 落機, 快d 返屋企的心態...

雖然economy class overbook 左, 但business class 最後只係得34 位客人...而我個zone 只係得 27 個, 實在太好了!  但飛行時間, 竟然兩個鐘都冇! 所有同事聽完 captain 的 announcement, 都嘩然!

上年今日

2007.07.05

其實今次呢班曼谷機係自己swap 返機, 而swap 的時候, 純粹只係想見下仔仔, 並冇諗過會有其他意思...但有時d 野, 真係撞日子都冇咁o岩....(大家睇埋下面就知我講乜...)

仔仔如常 8 點先到...佢話今晚既 dinner 俾左4個choice 我揀...

1. 睇曼谷夜景的旋轉餐廳buffet.

2. 係 siam 附近一間 buffet, 係即叫即正整... 

3. 就係我地開始個日那間河邊餐廳 in love...

4. central plaza 的 金魚缸

其實聽到呢4個choice, 孤菇已經覺得奇怪...因為 3間都係貴野黎...冇啦啦做乜去食貴野呢? anyway, 本來想揀1 既, 但今日孤菇著左涼鞋, 短褲, 個dressing code 好似唔係太好, 想揀3, 但怕又落雨, 4, 今次唔係太想...所以最後揀2..

點知去 siam 途中塞車塞左好耐, 去到siam 都成 9 點幾...人地 10 點就收工, 俾咁貴, 但只係食得一個鐘, 好唔抵喎! 所以最後我地決定轉地方....我地決定揀1...但首先我地要解決塞車的問題...那時我地兩個已經餓到死...只好係街邊買d melon 黎頂住先...最後我地決定坐 skytrain, 離開左最塞車的範圍先, 再坐的士去目的地...

15 分鐘就到了Baiyoke Sky Hotel...由於旋轉餐廳要 reserve, 冇book 位既我地只好買左以下的 boarding pass, 揀左旋轉餐廳下一層既 crystal grill食 buffet, 就直上 82 樓...

 

谷氣

2007.07.05 to 06

第 277 次飛行

睇到個topic "谷氣", 大家都估到今次孤菇飛得不太愉快....

不過講到最令我唔開心既, 就係第一程香港去新加坡呢程, 一boarding, 就俾位星男人噴到我一面屁...

簡單台北機

2007.07.04

第 276 次飛行

今日做左班好簡單的台北即日來回...孤菇仲係有 special duty, 淨係賣 duty free 添...

不過生意就麻麻啦, 所以後來我都冇再賣, 幫下同事做下tea/ coffee 同埋 collection 仲好...

其實本人唔係太鍾意這個special duty, 因為次次見住d 同事忙碌咁做service, 自己就賣 duty free, 梗係有種怪怪的感覺...可能我一向都係慣左做哂 service 先賣duty free 既人掛...

來回都好順利, 是一件好事, 不過今日記性比較差, 仲要都未開工就界傷左隻手腕, 好彩傷口唔算太深咋! 同埋好多時都反應遲鈍, 連例牌要做既 seal, 我都唔記得左做, 到最後走的時候, 又seal 漏一個cart...哈哈!  十分多謝同事j 幫我打電話去拎個security code! 多得同事們的幫手, 孤菇先大步攬過... 

杜拜過山車之旅 - 閉幕

2007.07.02

第 275 次飛行

到左機場...security check, 仔仔搞左好耐, 我立即拎埋佢的 suitcase check in...check in 完, 同事都問我有冇留低d 錢俾仔仔...以防佢上唔到機...要係杜拜濟留, 我說沒有, 我諗佢有信用卡, 應該搞得掂掛...同埋我覺得仔仔應該上到機囉...忽然仔仔走埋黎同我講好多人standby 緊, 如果上唔到機, 咁佢點算...其實我都唔知道會點...那一刻, 我覺得佢個樣好可憐, 連阿哥都話我: "如果我係你男朋友, 我一定鬧死你, 一個錢都唔留俾我..." 最後孤菇俾哂成袋allowance 俾佢, 這時, captain 走埋黎同我講...由於business class reserve 左個位俾cockpit 去 rest, 所以如果仔仔上唔到機, captain 會同ground staff 講俾仔仔坐 business class 那個jump seat for take off and landing...實在太感謝captain 啦...講開呢個captain, 如果佢戴埋頂阿拉伯帽, 再加埋佢個名, 我覺得佢個樣真係好似阿拉丁...

上到機, 依然好擔心...1. 好怕車行的人真係冇黎收車, 2. 真係好驚仔仔上唔到機... 可以話, 一路上, 我個腦都係空白既, 心情仲緊張過係香港出發的時候...

杜拜兩人行(下)

2007.07.01

這天, 我地都要成點幾先出到門口....

起初我地打算join bus tour 遊下個city 既, 但同事說不如坐的士仲好...所以打算坐的士去city 內的景點算了, 點知仔仔忽然說: "不如租架車仲好!" 就係咁, 我地兩點就租左架車, 想去邊, 就去邊! 我負責睇map, 睇仔仔應該行邊條路, 而仔仔就負責駕駛...佢仲叫孤菇試下添, 我唔得架...左軑我唔掂架!

第一個目的地, 當然就係望到帆船酒店的 beach 啦! 那天成43 度, 真係熱到飛起! 我恨左同男朋友係呢度影相好耐架啦! 今日我終於做到啦! yeah!  影完相, 我地仲去左帆船酒店門口影多張相呢!