紅眼睛

2007.08.31

昨天與今天, 大部分時間我都是自己一個人過, 可能大家都會覺得, 如果係咁樣, 何必要那麼早來到呢? 可能我也想有個寧靜的環境去做自己喜歡的事吧...不過其實我很想念我的家人...

自己的皮膚係曬傷後仲未完全康復, 而開始有甩皮的現象, 這倒是好的...怎料, 一波未平, 一波又起...今早起身的時候(應該係俾個staff 嘈醒至真), 我開門前照照鏡子, 驚見自己雙眼腫到成個飽咁...仲發現圍著眼的周圍紅哂, 同埋起左粒粒, 好明顯我對眼又敏感了, 我真係不明白, 自己做左呢份工後, 我對眼成日都敏感...這次的情況好似兩年半前我用左公司business class 某牌子的eye gel, 第一次敏感是係toronto, 第二次就係曼谷, 因為我兩次都有食thai food, 所以我成日都以為係thai food 累事...問題係我一向對thai food都冇敏感麻...亦因為咁, 我曾經一度都冇食thai food, 連見到roster 去曼谷都有點怕怕...係第二次去曼谷, 對眼敏感, 一回港就立即睇醫生, 醫生一見到我對眼都嚇了一跳, 立即問我係唔係用左d 新的護膚品, 那時我先知係公司那隻eye gel 累事...至於今次, 我真係毫無頭緒...我努力回想自己昨日用過什麼新的護膚品, 唯一我想到的是妹妹給我的neutrogena 的 after sun lotion...但我只係塗在面頰, 沒有塗在眼上...似乎我對眼對香料真的會很敏感, 因為那支after sun 塗完後很香...但我又有不明白的地方, 既然我的皮膚對這護膚品敏感, 那麼只係眼會敏感, 面頰反而冇事, 仲要曬傷的地方好得很快呢!

驚喜嗎?

2007.08.30

之前仔仔成日都唔肯講佢book 左邊間 apartment, 搞到孤菇好擔心...識我的人都會知, 我好小事都會擔心一大餐....

終於到左黎曼谷前兩日...仔仔頂我d 焦慮症唔順, 話我呢個人唔適合有驚喜喎, 而最後, 佢係孤菇去曼谷前, 就send 左個website 俾我睇...大家都知啦...係 website 睇到既, 好多時都同真實既好多出入麻...

但...我一開門...果然大開眼界!

以下的相片, 全部都係我自己影架...並唔係在 website copy 出黎既...

我住既係 duplex room....有兩層既...

 

不愉快入"谷"記 (下)

2007.08.30

到左曼谷, 過關的時間比我想像中快...起碼唔洗好似上次咁, 等左成30-45 分鐘先過到關...仔仔因為要返工, 所以冇辦法黎接我機, 而我都依照佢的吩咐, 利用機場的 taxi service, 點知我用了一間私人的接送服務, 價錢當然是貴...但好就好在, 所有東西都包左, 唔洗俾 tips, 有人幫手拎行李, 仲有一架好名貴的房車接我...最重要係...佢送到我去目的地...因為聽仔仔說, 那裡是小巷, 很多泰國人都未必識路, 有的司機唔識路會拒載, 有的仲慘, 可能坐坐下要落車自己行, 而這也是仔仔最擔心的地方, 所以佢叮囑我一定要用機場的 taxi service...由於係繁忙時間, 原本30 分鐘的車程, 最後搞左成粒鐘先到...

不愉快入"谷"記 (中)

2007.08.30

兩個幾小時的飛行時間很快就完結, 以我所知, business class 唔full, economy class 都唔full, 加上我發現j2 有去 economy assist, 那時我見j2 都回來了一陣子, 而economy class 的阿姐又拎左economy class 的食物上 business class, 咁即係economy class 的service 都應該做完啦...不久captain 又做左 descent announcement...我再望望飛行頻道, 見只有30 分鐘的時間, 但我order 的adaptor 依然未到手...於是再隔了一會, 我press call light, j2 出來了, 我對她說我order 左個adaptor...j2都未等我講完, 就對我說:'其實我地的 duty free service 要係做完meal service 之後先開始的...', 我本來想說:' 但我見你地做哂service 啦喎', 不過我當然冇講, 我說:'我未起飛前已經交左張 order form...', 點知j2 個樣好似有點不耐煩說多次:'我地的 duty free service 要係做完meal service 之後先開始的..', 見到佢個樣, 我真係想同佢講:' 我清楚過你好多, 我是sales team 的...', 其實我expect j2 會幫我follow up 一下, 不過佢冇...可能我阻住佢地食野掛...anyway, 我什麼都做不到, 只有等...

........

不愉快入"谷"記 (上)

2007.08.30

飛完 Hell A, 打算小睡 3,4 個鐘, 就坐飛機去見仔仔..

.

點知起身的時候, 已經 12 點半, 我要坐的是差不多3 時50 分起飛的航班, 即係最遲要2時50 分到機場check in...起身梳洗要一段時間, 之後知道太后買左野食俾我...又係我最鍾意既食物, 我梗係食完先走啦! 我仲差d 連passport 都唔記得左帶....-_-  搞搞下都差唔多一點半先出到門口...到左巴士站, 等極都冇巴士, 又唔記得左帶員工乘車優惠證, 加上又驚塞車, 最後都係揀坐 E車去機場...

完結 Hell A 之旅 (下)

2007.08.29 to 30

第 290 次飛行

4個幾鐘的當值時間終於過去了, 換來的是4 個幾鐘的休息時間...醒來的時候, 我看見好幾個duty free order, 亦不幸地, 到這個時候, 我先知其中一個compartment 與老總俾我條key 完全係唔 match 既...即係開極都開唔到...結果當然係有些產品不能發售了...幸好內裡放的都不是很貴的東西, 我的損失也不算太嚴重...乘客總是喜歡臨降落先買野, 最後我當然又係做到手都震哂, 亦因為香港實施左新的保安管制, 有位客人買兩支酒, 4 條煙, 要我分3 張單, 真係煩....>.<

完結Hell A 之旅 (上)

2007.08.29 to 30

第 290 次飛行

回程, 幸好是夜機, 否則將會好辛苦啊, 一日3班LA, 前後兩班機, 回程都只得百幾個客, 唯獨是自己那班機有成二百三十幾位客人...客人亦比來程的麻煩點....加上對面 aisle 有得2 man cart, 自己就要一個搞掂, 亦唔知點解, 等左好耐, 都冇人repenlish 我...阿姐第一次 repenlish 我時, 對我說很多東西已經沒有了...我望著身後仲有那麼多行的客人未 serve, 眼見自己 main course 的choice 越黎越少...真係有少少想放棄唔做...最慘係...問d 客要乜野drink...10 個有7 個都要飲鮮奶....女人又飲鮮奶, 連男人都要飲奶.

..

曬傷in Santa Monica

2007.08.28

由於前一日又傷風, 又肚痛, 所以打電話俾 lowbay, 問佢遲一個鐘出門口得唔得..另外其實還有一個原因, 就係孤菇希望仔仔會打個電話黎...他說會打麻...但結果都係冇打...在網上知道, 佢的 order 很多, 做也做不完...我是理解的...

在準時 11 時, 我地兩個就出發...幸好自己今次帶左藥, 所以今天已經好了很多...係酒店附近坐 3 號巴士, 大慨30-45 分鐘就到santa monica...去到第一時間就係去醫下個肚...我同lowbay 都叫左個chicken pizza, 點知...原來係兩款唔同的 chicken pizza, 我的辣到飛起, 我諗辣到我呢一世都會記得...嗚....食飽飽, 我地就往海邊的方向走...

 

 

crew bunk 累事

2007.08.26

第 290 次飛行

差不多成3 個月冇飛過long flight, 亦差不多3 個月冇飛過jumbo 機...所以這次LA機我沒有 swap 走...其實我幾喜歡LA 這個地方...因為曾帶俾我甜蜜的回憶麻! 不過我真係好怕過security check, 好怕等過一條馬路要成10-15 分鐘, 最慘係等左成10-15分鐘, 只換來10秒過一條長長的馬路...

還有一個重要的原因, 就係今次lowbay 都係與我同一時間去到LA, 約埋一齊去 santa monica 麻!

上堂日

2007.08.24

今日上左公司為我地員工"度身訂造" 的 ppw - premium product workshop...最開心既係, 教我地既, 不再是老總, 亦唔係紫姐, 而係紅姐!  感覺上都輕鬆好多, 老實講, 老總有幾可會係機上做service 呢? 所以由紅姐教係最好!

上午主要係教新機艙 product, 座位一些新設的功能...又教我地點派 tray, 點收tray...等等...雖然上午的時候有得practise 一下, 但我已經覺得好悶啊!

意外的一日假

2007.08.23

今日本來要番工, 做一個KL 即日來回, 點知昨晚收到 notice, 轉我做standby....然後今日又冇call....事後check 左, 原來轉左一隻我仲未train 的 aircraft...haha! 前日先同仔仔講, 勁唔想做KL, 因為d 客好煩, 今日就真係唔洗做...真係好啊!

而聽日, 我就會同幾位 classmates 一齊番公司 train 呢隻新機啦!

扯火

2007.08.22

前幾日check payslip, 好開心公司終於出番1-3 月的 star commission 俾我, 點知再睇睇, 發覺 5 月 individual 的 commission ( 8 月係出 5 月的) 冇出俾我...而5 月的 sales 係完全冇shortage 既...於是今日打去問...

聽電話的人已經不太友善...之後我仲要等左成兩個鐘先有reply...

" 你 6,7 月都有 shortage 喎, 你4 月都有喎, 你要番黎settle 先有 commission 架!"

" 我一早上左黎settle 左..."

" 但都仲話你有shortage 喎, 你快d 上黎settle 番..."

" 我都話我一早上左黎settle..-_- "

隔左一陣, 我問:

七巧節

2007.08.19

第 289 次飛行

今天, 爸爸叫我繼續訓, 如果公司打俾我, 才叫我起身, 結果去到 9 點...公司打來了..係台北即日來回...都估到架啦...之前因颱風關係 cancel 左好幾班機..所以應該full load 囉...

台北機, 都沒有什麼特別, 唯一我覺得唔同的是...今次兩程機上, 都好多bb 啊!

就這樣, 過了一天, 聽d 阿姐講, 今日係七巧節...回家路上, 嘗試睇下天上看不看到那條橋, 當然是看不到...因為香港太光了...

standby 終於完結...繼上個月放左兩星期大假, 再加埋呢個兩星期standby 好似冇返過工咁..我發覺自己已經"dum" 懶左個身, 唔想返工了...

頭痛

2007.08.18

今天由 5點開始standby...等到 7 點, 真係頂唔順, 回到床上再睡..呢排都訓得唔好啊! 因為樓上日日裝修...今日屋企出面仲要整水喉...搞到我個頭...痛到好似就快撕裂咁...

幸好, 最後等到下午3 點都沒有call...

明天仲有一日...要加油!

依然無call

2007.08.17

今日的standby 時間係 11 點到 18 點...仲以為前3 日都冇call, 今日一定call 啦... 11 點到 18點, 真係乜野機都有機會call 到...但點知...白等...一個call 都冇...

頭幾日standby, 我都會著定uniform, 等call, 但到左今日, 孤菇到左12 點, 仲係張床上面訓緊.... 簡直視standby 無到...

多了個大假

2007.08.16

今晚都係沒有call...真係意想不到啊! 繼飛完seoul turnaround, 放埋個short break...後, 已經3 日冇call 了...感覺就好似放緊個extra 大假咁...都唔知好定唔好, 搞到個人越來越懶.....

今日係出roster 的大日子...我都幾滿意... 全部都係幾多 allowance 的機黎架! 有兩班機, 仲有機會係 outport 見到家兒添!

雖然如此, 但都係繼續swap...要換再多d 錢的機...係換機的過程中, 都唔係太順利, 亦出現好多掙扎...

最後, 要捨棄賣 "bra"....

第六晚

2007.08.15

第六晚standby, 如我所料, 一個call 都冇...係我不斷打機的情況下, 好快就完左個standby...

standby 一完左, 就同左家人去食宵夜...

今日的確有d 事唔多開心, 不過已經初步同仔仔解決左個問題, 我亦都唔希望呢個問題再發生, 畢竟大家都係好珍惜呢段感情...不可以被外來因素影響...亦好多謝仔仔成日提點我, 要對呢段感情有信心...

當然都好多謝細佬家兒...你真係好成熟啊, 竟然仲要你話番我呢個家姐轉頭...唉...........

好啦, 雖然食完宵夜立即訓會肥, 但都唔理得咁多啦! 再訓夠, 再迎接聽晚的!standby ( 我估明晚應該有call )

第五天

2007.08.14

今日的standby 已經完結, 想不到, 竟然一個call 都冇, 莫非呢排真係好少人port sick?

這樣也好, 過了今天, 就要到明晚8 點再 standby, 呵呵...

standby 一完, 立即去左附近的 delifrance 黎左last order 的 tea break..yeah!

short break

2007.08.13

今日有個SB = short break, 做完個turnaround, 回到家, 足足昏睡左左整整12 個鐘...

但到呢一刻, 我仲覺得好頭痛, 同埋好暈....

這個short break, 一如其名, 真係好短....明天又開始一連6 日的 standby...

祝我好運...

超時工作

2007.08.12

第 288 次飛行

今日第3 日, 早上7 點開始 standby, 等等等, 等到 10 點幾, 終於有call 叫我做個 seoul turnaround...好久都冇做過咁晏的 turnaround 啦...其實好唔鍾意, 因為回到家一定已經到左第2 天了, 但又怎可以 refuse duty 呢?

發呆

2007.08.11

今日係standby 的第2 天, 仲以為今日係 星期六, 一定有call, 點知8 個鐘內, 一個公司電話都冇...整日坐係屋企, 不斷係度發呆, 同埋發夢...

8 個鐘內, 有仔仔陪我msn 傾計, 一邊幫我倒數, 有家人買lunch 俾我食, 我就一邊打機, 一邊打blog, 同埋一邊斷斷續續睇完一本又一本小說...

第2 天都冇call, 好耐冇試過....但我相信, 明天星期日....冇 call 就奇啦....

因為冇call, 太后話要出街食飯慶祝一下...嘩哈哈!

但今天有個call, 比起公司打來的call 更驚嚇, 全身抖震的反應又出現了...

帕布

2007.08.10

今日係2 wks standby 的第一日, 亦都係今年係香港打得成的第一個風 - 帕布...多謝帕布, 令大家都好擔心今日standby 的我是否要番工, 同埋坐乜野車番工...當然,大家都唔希望孤菇今日番工啊!  謝謝大家關心, 今天並沒有 call...

諗起今日先係第1天, 仲有 10 天, 真係攞命...

心聲

2007.08.07

第 287 次飛行

好多時係工作中, 見到乘客的表現, 同埋聽到佢地既說話, 我都好想同佢地講d 野, 但無奈係 service industry, 我心中的說話..又唔可以講出口喎...

乘客登機的時候, 有位婆婆要利用拐杖走路, 而因為安全的理由, 我就同佢講支拐杖係起飛同降落都要放上行李櫃內, 點知婆婆的反應係..."放左上去, 我驚一陣我唔記得拎喎!" 個一刻, 我好想笑...心想: 婆婆, 你起身要行的時候, 就自然會記得要拎拐杖啊..."

好味到...

2007.08.05

今次同仔仔去左sukishi dinner....聽仔仔講,以前只係得set dinner, 而家有埋 BBQ...因為我地兩個都好鍾意韓燒同埋日本野, 所以唔理有甩牙的危機, 照入, 抱著 "真係甩先算" 的心態入去食..

第3 個tray

2007.08.05 to 06

第 286 次飛行

這次...是3 程的曼谷機...仲以前香港去新加坡個站好癲添, 點知第2 程新加坡去曼谷個站仲癲, 幸好機上那些比較煩的"差差" 唔算太多...唔係孤菇真係俾佢地玩到嘔血...

工作外的傷

2007.08.03 to 04

第 285 次飛行

今次的飛行冇乜特別, 因為4 程都唔 full, 仲好順利, 老總又好人, 又遇過半年飛左3 次的同事, 總算有個伴行下街, 食下野...所以今次唔想多講inflight 的事了...

反而最令我不快就係返工前同埋放工後發生的事....

返工前, 如常坐巴士, 今次個司機都唔知點"ja" 巴士既, 佢一開車, 踩行油咁, 當時我準備去上層, 由於衝力太勁, 我盤骨個鎖位撞到條柱正一正, 仲"碰" 一聲, 我除左講左句粗口外, 個鎖位係痛到眼淚都標!  足足痛左成個鐘...之後好似冇乜野咁, 點知係機上工作中, 開始又忍忍作痛....到左今日返到香港, 到我而家打blog 呢一刻, 仲好痛囉...我打算complain...

復工日

2007.08.01

第 284 次飛行

今日復工, 換了一班 東京即日來回黎warm up 一下...

已經有成兩星期冇開公司的 mailbox, 一開, 好full 呀! 3 份ccnl, 1 份 cx world, 1份 FAU notice, 1份 typhoon procedure, 最唔開胃就係那份 new aircraft A33B, 睇到個business class split 開兩個cabin, 仲要得一個BC (bar and cabin) 係 business class 就想死... 仲有1 份 roster, 同埋係成田機場工作的公司 ground staff send 番黎的 apron...真係多謝哂呀!

來回都full, 去個程差不多全部都係香港人...仲有好多小朋友添, 每次做日本機, 見到咁多小朋友, 我都有種感覺: 而家d 小朋友真係幸福...細細個就有得去日本玩...我自己到左今日, 都仲未真正係日本玩過....

當中, 我遇到一位唔多聽話的小朋友(雖然佢已經 15 歲, 但係我眼中, 佢依然係一位小朋友), 話說佢坐係emergency door 隔離那個座位...如果坐係個度, 所有行李都要放係行李櫃內...我一早都已經同小朋友講左, 但佢都冇放喎, 就咁將佢的袋放係地方, 用雙腳夾住, 過左一陣, 我叫佢放係行李櫃入, 佢一句"得" 埋黎: "冇位喎!" , 我立即說: "我搵到個位俾你放喎..." 之後我幫佢放左個袋...然後我就繼續派 blankets..等等, 點知行多兩轉, 又俾我見到位小朋友拎番個袋落黎, 又用雙腳夾住...問題係, 佢拎個袋落黎, 又唔係要係袋內拎野出黎喎, 於是我又再重復頭先既說話, 再將佢個袋放係行李櫃入...呢個情況, 係乘客登機的時候, 重覆了好幾次..叫佢放個袋上去行李櫃內, 同埋我幫佢放個袋上行李櫃的次數, 10 隻手指都數唔哂...最搞笑係佢阿媽完全唔當係一回事... 好彩我今日第一日返工, 心情好...如果唔係, 我的語氣一定唔多好囉...到起飛前, 一樣的情況又發生...這次我問小朋友: " 請問你仲有冇野要係個袋拎出黎? 如果冇, 我幫你放個袋上行李櫃內.." 另外...我還說: " 要起飛啦, 唔可以打 psp..."  不過算啦...話哂佢都係一位小朋友黎, 小朋友的心情, 我好明白既...hehe... 其實, 叫位小朋友放個袋上行李櫃, 總好過叫d "自以為自己個袋係寶"的女乘客放個袋上行李櫃內...實在唔鍾意同佢地玩心理戰啊!

回程又係full load...話說有位女乘客(唔係坐係我個zone既)的ptv 播video 時有d 花花地, 但其實仲睇到既...咁佢有要求, 我就去 reset...過左好耐, 因為我身不由己, 我拜託我partner 幫我double check那位女乘客的 ptv, 點知佢都唔去睇下, 就話:"佢都冇野...", 唉, 我都廢事同佢講...(因為事前我已經因為某d 事, 俾佢搞到我唔多開心) 最後自己去 check 好過...那部ptv 都係有d 花, 不過已經好過之前好多, 而那位女乘客都冇乜野, 不過因為部 ptv 始終都係有d 花, 最後我offer 左本雜誌俾那位女乘客, 然後我就報左情況俾老總聽...希望佢可以mark 低去, 等係 香港 or outport 時, 有 engineer 整下...而唔係要 voucher...點知老總不理三七二十一, 就話: " 俾 voucher 啦..." 唉, 慘... 我一俾左疊 voucher 俾老總, 佢就係咁開 voucher(因為佢之前已經開左幾張...), 我唔明, 個客都話冇事, 又唔係要 complain...點解仲要俾voucher?? 好似太容易了... 不過算啦, 每一位老總的做事方法都唔同, 只怪我多口... 最後我當然要做幾單冇commission 收的duty free order....

講番d 開心野先, 今日踏入8 月, 機上的tray, 杯杯碟碟都轉哂新款, 當中我最鍾意就係白色的 pvc cup... 之於個tray 就一般, 唔知點解, 覺得好似重左d 咁...anyway, overall 都唔錯既...不過個food card 依然好殘舊....同裡面的 tray 一d 都唔襯...

行左12 個鐘...死左半折...成身酸痛...