2006.06.15
第九站 - 豬扒飽
去完令人失望的碼頭後, 我地兩個真係就快頂唔順, 唔想再行個隻, 如果唔係因為燈塔事件, 我地都唔會搞成咁...於是我建議去下附近既新八百伴的foodcourt 坐下抖下, 由於我地坐8 點船番香港, 而個時只係3 點幾4 點, 所以我地就要諗諗有乜野地方好去啦! 起初我地打算食葡國菜既, 點知好多都係呢個時間休市, 於是經我地一輪商議後, 我地決定去番新馬路...
到左之後, 我地打算去搵地方食豬扒飽同葡撻! 搵呀搵, 搵呀搵, 我地終於見到有間茶餐廳話自己d 豬扒飽出哂名, 咁好啦! 我地就入去試一試, 果然真係好好食, 仲有值得一提就係個杯奶茶好滑, 好好飲呀!!!
後來玥係附近食左個葡撻, 滿足哂我地兩個的願望!