無能為力

2006.06.28

第179 次飛行

番黎呢程, 轉左aircraft, 唔駛再對住架346, 少成30 個j-class pax, 真係差好遠...

 不過呢班機發生一件小事, 好想同大家 share...

話說第一group rest 的時候 (即係我on duty 的時候), 我同紫姐無所事事之際, 忽然有個外國人入左黎galley, 佢個樣忽然間好惡咁講:"我訓唔到, 因為我隔離那個人鼻鼾聲太嘈, 令我訓唔到! 麻煩你地諗d辦法!" 其實呢位外國人已經戴左耳塞架啦! 而呢位外國人去完洗手間就番埋佢個位...佢走左之後, 紫姐就話...呢d 我地控制唔到架喎! 唯一我地諗到既, 就係行埋去有鼻鼾的男人身邊, 拍一拍佢, 等佢醒dd, 咁d 鼻鼾聲會好d...但個客始終都會番訓番麻! 到時候, d 鼻鼾聲又番番黎...

便利店

2006.06.27

今早收到s同事的電話, 有同事皮膚有問題, 不能與我地一齊operate 番香港..由於我地有兩位同事都係5 day pattern, 所以我地一直猜想是誰俾公司pull out 變番4 day...最後得獎者就係M 小姐啦! 哈哈! 不過唔緊要啦...錢都拎哂, 而家番香港又多左個day off, 都唔錯啊!

我心諗..好彩我5 day swap 番去 4 day 者, 唔係激死我都似...

禍不單行

2006.06.25

第179 次飛行

今日我做左班奪命346 機...

點解我話係奪命? 其實睇下自己做乜野position 啦! 今次我做商務, 仲要負責出trolley 的一個...346 機的j-class (商務客艙) 有成60 個客,  一上到機, j-class 對我黎講簡直係一望無際...

 我記得上次我又係做346 既商務已經係兩年前的事了, 而呢架機, 我今次應該係第3 次做...加上又要做呢個position, 所以我真係有點緊張...

無奈

2006.06.23

第178 次飛行

日本機, 我一向都好鍾意做...但有時我都有我的憂慮, 日本人, 大部分都好易satisfy, 但一 dissatisfy, 就會比一般客難搞好多....

 

去個程light loading...但我成日都話light loading 唔代表個班機一定好易做..有時咁o岩係你機上的客難搞, 就係難搞啊! 就好似呢程, 好多客都好遲先上機, headset, blanket 呢d野, 我一早派完...當然, 如果我見到有新的乘客登機, 我都會特登走埋佢地度, 俾 headset 同blankets 佢地...但我又未必個個都睇得哂麻! 之後, 可能佢地會話我點解人有佢冇...唉...之後有d 野叫"衰開有條路"...咁o岩service 的時候, 去到那個客人時, 又冇哂佢想要的choice...好明顯, 佢個樣係勁難睇, 而我個樣就係勁唔好意思...之前所有同事都同我講話冇哂d choice, 點知最後冇啦啦又走番隻雞出黎, 真係激死我!

 不過我估個隻雞應該係 crew meal release 出黎架啦...又要 release crew meal 啦....

 最後我地只係有得食勁 "聲" 的fish rice...

年資 與 年齡

2006.06.21

第177 次飛行

我好多時, 一放完 leave 第一班機的前一晚都會太緊張! 搞到我昨晚只係訓得兩個鐘! 我望住個鐘, 仲有兩個鐘就5 點, 早知訓唔到, 睇世界杯啦!

點解我緊張...因為 (1) 放完大假, 成日都凝住自己工作會生疏左 (2) 今日做個架aircraft, 我好耐都冇做過 (3) 仲要check 到自己做商務呀! 那個galley 我做左咁耐, 只係做過一次...

 (4) 我好耐冇做過j-class (5) 唔夠訓, 好怕自己朦查查, 影響其他同事...

散心到澳門去 (Part 4)

2006.06.15

第九站 - 豬扒飽

去完令人失望的碼頭後, 我地兩個真係就快頂唔順, 唔想再行個隻, 如果唔係因為燈塔事件, 我地都唔會搞成咁...於是我建議去下附近既新八百伴的foodcourt 坐下抖下, 由於我地坐8 點船番香港, 而個時只係3 點幾4 點, 所以我地就要諗諗有乜野地方好去啦! 起初我地打算食葡國菜既, 點知好多都係呢個時間休市, 於是經我地一輪商議後, 我地決定去番新馬路...

到左之後, 我地打算去搵地方食豬扒飽同葡撻! 搵呀搵, 搵呀搵, 我地終於見到有間茶餐廳話自己d 豬扒飽出哂名, 咁好啦! 我地就入去試一試, 果然真係好好食, 仲有值得一提就係個杯奶茶好滑, 好好飲呀!!!

 後來玥係附近食左個葡撻, 滿足哂我地兩個的願望!

散心到澳門去 (Part 3)

2006.06.15

今日我地都打算8 點半就起身, 點知我地兩個都唔願醒呀! anyway, 點願醒都要走啦! 因為我地唔可能浪費時間啊!

首先就係去樓下食個buffet, 冇諗過早餐都會有三文魚, 哈哈!

第六站 - 鉅記

食完早餐, 第一件事就係去買手信, 我地行番去新馬路, 去左鉅記, 但個度令我的感覺不太好, 因為d 職員的服務態度好差! 話說排係我前面的女人俾錢的時侯, 要求要多個大袋, 點知d 職員話: " 我地俾你呢個袋o岩o岩載得哂架啦!" 個女人就話: " 但我想要多個大袋麻! 俾多個我有乜所謂呢?" 個職員就話: " 你買咁多野, 俾得咁多錢(唔夠一百蚊), 就係得呢個袋咋, 大袋你要買多d, 俾多d 錢, 先有架!" 最後個職員死都唔俾多個大袋個女人, 而個女人亦都冇再出聲, 淨係係度望望下...唉, 呢件事如果係香港發生, 一定會會好大件事! 個職員真係炒左佢都得囉! 我心諗, 人地只係想要多個袋者, 咁都唔俾, 真係好過分呀!

散心到澳門去 (Part 2)

2006.06.14

第三站 - 龍環葡韻住宅博物館

經過一輪兜路, 我地終於落o岩左個站...忽然我想講講澳門的司機, 你話佢地服務態度唔好又唔算, 起碼d 乘客上車問佢地經唔經某某站, 又或者問司機到那個站未, 佢地都會答你既, 但佢地答得黎, 係好唔願意個隻..anyway, 我的要求都唔算太高, 總之d 司機冇教我落錯車就得啦!

 係岸邊到氹仔個邊大慨係半個鐘的車程, 當我地落車時, 那條街只係一條細巷, 其實望下周圍, 真係唔覺有乜野特別的地方好睇, 結果我地又要上少少斜路, 終於見到我地想去的 "住宅博物館" 啦!

散心到澳門去 (Part 1)

2006.06.14

今日帶著去散心的心情, 坐10 點鐘的船出發到澳門去! 其實都有d 唔開心架, 心諗, 早知個結果係咁, 我寧願去日本, 唉, 而家後悔已經太遲了...

大約11 點, 我同黑摩里就到左澳門啦!

 想不到佢係第一次黎喎! 而我自己就應該有成10 幾年黎啦, 以我記得, 上次我去澳門的時候, 仲讀緊小學咋!

其實今次我地都冇話有乜野地方想去既, 一切都係隨緣吧...

第一站 - 新馬路-->議事亭前地-->大三巴-->天主教藝術博物館-->大炮台-->澳門博物館

出左碼頭, 我記得妹妹講過, 去邊度都好, 最好就係去左新馬路先, 因為個度有好多唔同路線的巴士坐, 於是我地就出發去左新馬路先, 由此我地坐個架車都幾兜路, 所以坐左成半個幾鐘先去到新馬路...

忙

2006.06.10

第176 次飛行

仲以為個 loading 會有d 變化添, 結果都係全爆呀!

比起黎的時候, 我覺得好了點, 至少 video 再冇壞, 而我又唔駛收 voucher 先啦!

雖然冇左呢個問題, 但當然又會有新問題出現啊!

世界杯開鑼!

2006.06.09

好悶呀! 好悶呀!

又訓唔到喎! 我又唔係跟香港時間訓, 又唔係跟美國時間訓...我睇番我訓的時間, 我好似係跟左歐洲個邊的時間訓呀! 點解呢排成日都係咁既???

不過都好既, 我冇跟呢度的時間訓, 即係我仲可以同香港的家人同朋友 chat 一下呀!

休息日

2006.06.08

凌晨 3 點幾先訓, 點知 8 點幾就起左身啦! 有d 不尋常啊! 因為平時做完班long haul, 一番酒店, 我一定會訓over 12 個鐘, 所以今日起身的時候, 真係有點兒不相信...

我記得同kit 姐約過如果今早大家都起左身就食breakfsat, 點知我msn 佢的時候, 佢已經食左早餐, 原來佢之前打過去我間房, 我聽唔到呀!

於是我地就係電話傾左一陣, 我就講番我程LA 有幾糟俾佢聽, 大家狂笑一餐又過左粒幾鐘, 之後因為佢要report duty, 所以被迫收線啦!

有時真係覺得同我kit 姐都幾白痴, 係hk的時候, 我地又 msn, 去到outport, 仲要係去同一個地方, 住係同一間酒店, 只係唔同房間, 我地都係用notebook chat, 唉, 大家都係悶人...至衰佢咁早走啦! 唔係我一定捉佢同我出去行下, 玩下都好...

漫長的一天

2006.06.07

我係香港出發時, 又係 6 月7 日, 而家黎到LA, 都仲係6 月7 日呀! 今日真係漫漫長啊!

係坐車去酒店期間, captain 好好, 買左個cininmon蛋糕俾成set crew食, 真係多謝哂呀!

 仲好好味添! 一邊食cininmon 蛋糕, 一邊令我懷念2 月時一段小插曲...

死去活來! (降落前)

2006.06.07

第 176 次飛行

起身後, 我既同事又帶來一個令我震驚的消息! 就係, 我勁多order 呀! 全部都係俾 voucher!

 我一入galley, 佢地就話: " xxx, 你唔駛做第2 個service 啦! 全世界扢緊你!"

之後佢地俾左好多 voucher 的order 俾我, 仲笑住話: " 你而家駛唔駛開機門逃生呀?" , 我就話:" 我真係想...而家就跳出去 evacuate!"

結果頭等有個阿姐落左黎幫手, 而我最後真係唔想做service, 剩係賣bar 都得啦, 我整個cabin 忙碌及飛快地穿梭著, 忙到死...

死去活來! (飛行中)

2006.06.07

第 176 次飛行

有一段時間, 得我自己一個係galley, 忽然有個客入黎同我講佢朋友又嘔...我一聽到, 就大慨估到係邊個, 其實之前已有兩位同事同我提過下有個客成日嘔, 但我冇為意, 加上我連個客係邊個都唔知...anyway,因為個客同我講佢朋友又嘔, 所以我就叫個客帶我去睇下佢朋友點, 點知我地係 washroom 見唔到佢, 真係有點嚇親, 因為個客同我講佢朋友都幾嚴重, 萬一佢朋友唔知走左去邊, 又冇左知覺的時候點算呀?? 之後我地搵左一陣, 終於係另一個washroom 搵到佢朋友, 鬆一口氣...

 但件事仲未完...

死去活來! (起飛後)

2006.06.07

第 176 次飛行

航機終於起飛啦!

 點知呢個先係開始!

 其實美國呢個country 都幾煩, especially 派landing card 呢個部分, 因為只有美國公民, 加拿大人, 同有綠卡的人唔需要填landing form, 其他人都要, 同埋人人都要填custom form, 但就可以一個家庭一張...所以要逐個問佢地係有乜野passport, 又要問佢地係唔係同一家人, 但佢地就成日十問九唔應個隻, 真係講到我口水都乾...

派完landing card, 以為可以安安心心做service 啦! 點知...老總打個call 黎, 叫我地去cabin check 每一個客的video play 緊的movie 有冇問題...救命呀! 成差唔多200 個客, 點逐個check?

死去活來! (起飛前)

2006.06.07

第 176 次飛行

大家睇完以下的文字, 就會知道點解我會話呢班機死去活來...

首先就係唔知點解, 呢幾日我條尾勞骨忽然痛起來, 到了今日, 仲痛, 雖然沒有對誰說過, (畢竟說出來都無補於事), 但我是有點擔心, 痛的時候, 我就諗番係唔係之前inflight 整親呢? 我番工的時候, 好多時整親自己都唔知道, 又或者整親後, 覺得應該冇乜大礙, 不了了之, 係到回到家後, 見到身體有d 地方有成隻手板咁大的瘀痕, 又或者夜晚痛到起身的時候, 先知自己有大鑊...

 anyway, 小小痛楚我忍得到, 我要堅持, 反正一工作, 我可以忘記所有痛楚...

今次呢個老總之前同佢飛過, 覺得佢冇乜問題, 但今次同佢飛, 完全令我改變哂對佢的睇法...