香港旅行團

2007.05.31

第 266 次飛行

今日standby 被call 了一班即日來回的日本機...都算不錯吧!

最開心係....business class...

去程 - 9 個客

回程 - 6 個客

yeah~~!

由於兩程 business class 都 light loading, 所以我大部分時間都會去economy class 做assist....cocktail service 就係中間的galley 幫手, 到左meal service, 就去後面galley 幫手...

去程...差唔多全部都係香港人, 佢地分別來自3 個香港旅行團....其實我一向並不討厭香港旅行團, 有時仲覺得大家都係香港人, 係我工作的時候, 會方便很多...可惜今天的旅行團...令我覺得佢地有點討厭...

今年的最後聚會

2007.05.29

今次睇怕都係今年最後一次見到新加坡這位朋友了...因為佢下個月中就會出發去另一個國家...最快都要下年先再見到面啦!

本來朋友要OT到9 點幾10 點先見到面既, 但臨時又唔駛 OT 喎! 所以我地又去番orchard road 食雞飯...

小事幾則

2007.05.29 to 30

第 265 次飛行

這班機上的特別事不多, 去程後面成個zone 都係同胞團...而回程後面成個zone 都係新加坡團...不過佢地都比我想像中易serve 呢! 所以問題不大...

印象中只記得以下幾件事...

落機恐慌

2007.05.25

話說呢排公司炒左幾位同事, 因為佢地將機上某d 東西拎左落機, 而呢d 物品係屬於company's property...之後公司就出notice, 話所有有公司 logo 的東西都唔俾拎落機..除左...

- up to two drinks purchased using drink coupons obtained from the Cabin Crew Services Counter;

- unconsumed items of crew catering supplies, specifically placed on board for crew consumption;

- one newspaper per person, which has already been read by passengers.

飛花 @ Mainz

2007.05.22 to 23

第一日落左機, 訓左兩三個鐘就與同事a 去左lunch, 再行街街...同事a 係一位好鍾意食野既人, 佢最恐怖就係食緊lunch 的時候, 已經諗緊 dinner 食乜野好....更恐怖就係...最後一日同佢dinner 的時候, 佢竟然已經諗定下次再黎frankfurt 時食乜野好....令我當堂噴水...

第2 日...與同事a 食完早餐後, 本來想出frankfurt downtown 既, 但覺得自己都係不在狀態, 所以最後自己一個人帶住相機, 係酒店所在的 Mainz 內走走便算...

五月的frankfurt 真的很熱...現在已經有成30 度了..仲好曬添!

由她吧!

2007.05.25

第 264 次飛行

回程, 只有大慨 200 位人客...他們都很好人...service 亦都順利...

不過開始頂唔順其中一位同事...她就係從中國東方航空過黎我地公司training 的同事, 大慨係我地公司飛完一年, 就會回到佢地原本的公司繼續飛...聽講, 如果有機會係我地公司實習, 回到佢地自己公司時, 升職會比其他同事快..不過這些從東方航空來的同事c, 同事說她們有些很懶...有時我都唔想對佢地有偏見...但這次...對著這位同事, 不知道應該說她真懶定假懶...

一切從巴士開始...

2007.05.21

第 264 次飛行

都未返工, 就差d 俾巴士公司累死...

我一向都會係 briefing time 前兩個鐘就出門口...行去巴士站都要成15 分鐘...今次如常, 但不幸...我送車尾...要等多 15 分鐘...點知等呀等, 等呀等...等左成半個鐘都冇車黎...最後...我等了成 45分鐘...先有車...那時, 只剩下一小時就到 briefing time...

一路上, 想睡, 但睡不著, 只是擔心自己趕唔趕得切...個心越急, 就越覺得個司機駕駛得好慢...起初仲諗番返到公司做d 瑣碎事, 但因為巴士遲來而告吹了...

公司高層

2007.05.21

入職時..完全不知道誰是公司高層...就連個樣係點我都唔知...

後來做做下, 成日都聽到同事講陳南祿...同埋 peter 呢兩個名字...我還記得, 我以為陳南祿個名係咁寫既: "陳藍綠"....而家有時自己諗番起都覺得好笑...

有一次去london 的航班, 忽然有個鬼佬入黎galley 度...企左好耐...當時我都幾忙...這乘客忽然問我:" are you tired?", 我記得當時我答:"yes! It's a busy and tough flight!" 說完, 就出去應call light...過了一會, 我聽到同事說peter 係我地機上乘客....我問是誰...同事說: " 頭先同你傾計那個囉..." 我立即O 哂咀...早知佢係 peter, 頭先我的答案一定唔會係咁....呵呵!

忍痛去曼谷...

2007.05.19 to 20

第 263 次飛行

諗左好多次飛唔飛這班新加坡曼谷機好...每次痛一痛, 我都有想打破自己未port 過sick 的紀錄...但當我諗番手術費用好貴, 自己又冇買醫療保險, 還是選擇番工, 加上3 程機都只係1/2 loading, 我想我應該ok 的....

回到公司, 望望個list, 好彩冇port sick, 如果我都port sick, 這班機就會有3 位同事port sick, 而呢班機就會自動變左co flight, co flight 即係, 如果成日有人port sick 的機多過3 個人port sick, 下個月就會俾番同一班機你..仲要swap 唔走既...雖然話哂仔仔係曼谷者, 但co 喎, 頂死個roster swap 唔到, 好麻煩架!

老總的 briefing都幾特別...一開波就講左20 分鐘佢自己的 flying experience, 一大早要上堂聽書, 真係好鬼眼訓....

直至到assign position 時, 我就醒哂, 因為我明明之前check 到自己有得賣bar, 但老總assign 的時候, 點解會變左係另一位同事既?

杜拜巴林五天精華遊

2007.05.12 to 16

俾咁多tips 俾大家, 不少blog 友都估中左我去邊度啦....yes! arthur 估得最o岩, 就係杜拜+巴林!

第一日

晚上先到達杜拜, 果然熱得很, 晚上都有成34度...仲要我地出左機場, 等左成半個鐘先有酒店的shuttle 黎接我地...連d 風吹埋黎都係熱既....

去到酒店, 最開心就係拎到可觀的 allowance, 同埋好緊張自己間房係點既樣, 上次我住35 樓, 冇廚房, 但間房超級大, 洗手間係平時的兩倍...仲有得浸俗, 連俗室用品都係名牌黎既...

 

無形的壓力 (下)

2007.05.12 to 16

第 262 次飛行

4 程機, 只有頭尾兩程機比較full, 而最辛苦都係頭尾兩程機, 客人主要係國內同胞, 印度人, 同埋菲律賓人...今次的國內同胞都幾煩下, 一上機就要求多多, 可能佢地係廣東人, 所以煩d 啦....煩都算架啦..但態度差呢樣野係我最唔欣賞...去個程, 我做第一次pre take off check 時, 有個男人將份報警放左係走廊上, 我以為冇人要, 打算拎走...點知隔離有個男人話仲要份報紙, 咁我俾番佢啦, 點知佢又好似嫌多左份報紙阻住佢, 咁我就打算幫佢將份報紙塞落seat pocket 度...點知佢一句:" 咁樣會頂住我對腳喎!" 我心諗: "咁你想點?" 我回答: "那麼你想放在那裡?" 之後我都唔理佢, 走了...做第2 次pre take-off check, 份報紙又要地上, 今次只有一半凸左出黎, 另一半個男人踏住, 這次我打算將那一半凸出黎的報紙塞番入去個位度, 點知個男人說: "我而家唔要啦!" 有冇搞錯? 踏完份報紙先俾番我?

無形的壓力 (上)

2007.05.12 to 16

第 262 次飛行

係我未開估今次我去邊度之前, 首先講下班機先....

今次與一位"非一般" 的老總飛, 所謂"非一般", 佢當然係與一般的老總不同....

佢一入 briefing room, 就派俾我地一人一張紙, 紙上面有兩個part, 分別係service 同 safety, 寫左成10 幾個point, 要我地跟住黎做...同埋佢再一次強調, call light要立即去應....

聽說這老總對聲音非常敏感....只要call light 一叮! 無論個call light 係 economy class 又好, 係 business class又好, 而老總係 economy class 又好, business class 又好, 佢都會立即出去應....試過老總係 business class, 聽到economy class 有 call light...都立即飛去應...仲驚嚇都有, 老總明明rest 緊, 但點知call light 一響, 佢立即起身去answer,真係嚇死我地....亦因為咁, 我地economy class 兩個galley 內的 同事都有共識, 我地將個cabin 分開兩個part, 後面call light 就我地應, 前面call light就佢地應...情況才好一點, 不過做service 的時候係最辛苦...我地一人one man cart...有call light的時候, 因為我地要睇住個cart, 所以唔可以分身去應call light...呢個時候, 我永遠都見到老總好緊張去睇d call light, 有時佢企係我個cart 隔離, 我寧願要老總幫我睇住個cart, 我去應個call light 好了...結果我就成日係60 幾行, 行行行, 行到上30 幾行應call light, 一來一點, 真係累到爆!  做完第一個service, 我已經俾老總玩殘左.....

夢遊曼谷機

2007.05.08 to 09

第 261 次飛行

這次, 目的地又是曼谷....因為吃了藥的關係...醫生明明說那些藥不會眼訓...但感覺上我成日好似夢遊緊...當中令我深刻的事有....

這次只有一位同事port sick, 出奇地少人port sick, 梗係啦...3 程機的 loading 比 half loading 更少...我做咁耐都未試過程程都只係咁既 loading, 平時回程一定full 架!

另外, 令我覺得奇怪就係, 俾call standby 的阿哥, 一入 briefing room, 老總就問佢被call 呢班機係唔係好開心呢? 之後我好懷疑, 唔通佢係thai, 所以老總咁問?  但佢明明係香港人黎架喎! 最後去到曼谷機場, 阿哥將個suitcase 交左俾另一位阿哥, 托佢拎d 行李去酒店先....自己又走左唔知邊度...言行都實在太奇怪了....那時我心中諗到d 野, 不過當然不方便係度講....

第一程機, 見到2 R 係經濟客艙....不過我行左好多轉先見到細妹的真人...因為佢好似好怕羞, 成日低頭, 相反家姐就好好多....不過估唔到佢地只係同我差唔多高, 甚至可能仲矮過我....還是覺得細妹靚D... 而家姐的皮膚比我想像中差...

你係豬扒!

2007.05.06 to 07

第 260 次飛行

今次被派去商務客艙工作, 因為老總同紫姐的名都係 not disclosed, 所以真係有d 驚驚架! 不過後來發覺老總同紫姐都係超級大好人....加上4 程機, 只有第2 程 full load...老總又肯cut 左一部分的 service, 所以都做得幾開心啊!

雖然做得開心, 但紫姐做service 的速度完全令我流汗....紫姐好似著左turbo 咁, 做得超級快, 令你對面aisle 做緊的我完全追唔上, 加上我個邊的客, 又要 dry martini, 又要jack daniel, 又要 vsop, 好多drinks 我架車上面都冇準備到, 搞到越來越慢... 同事們笑說: " 你今晚要訓多d, 唔係聽日點同阿姐賽車..."

感冒的先兆

2007.05.03 to 04

第 259 次飛行

這次又是新加坡, 我也不想的....

去個兩程都唔full, 話就快就做完, 去左新加坡....這次的老總對grooming 有一定的要求, 她說, 我地去到酒店拎門匙時, 鮮紅的口紅依然要留在唇上...亦因為她這句話, 我時時用黎開玩笑..還去叫機上的男同事快d 塗唇膏.....hehe!

其實第一日兩程機, 平時做到好累的我, 都不會"放蚊", 但這次就由上機放蚊放到落機...落機後, 同事們發起係orchard road 整不同形狀的crew tag, 由同事f 出去order...但因為我想親自去揀, 所以就隨同事f 出去orchard road, 順便諗住係個度行一陣, 揀左自己喜歡的 tag 後, 感覺到自己唔多舒服, 於是要麻煩同事f 兩小時後幫我將製成品拿回酒店....

回酒店前, 買了dinner, 食完即訓... 本來晚上打算待朋友上完個jap course 聚一聚的, 不過他打電話給我時, 我全身乏力, 唯一等下一次吧! 放心, 我大把新加坡機黎緊...