南亞東瀛四天

2007.09.27 to 30

第 296, 297 次飛行

Day 1

這天我懷著愉快的心情飛去搵仔仔, 但首先要經一經新加坡, 今次我做business class, 本來都唔係一個問題, 點知到pax boarding, 公司竟然一份報紙都未load 上黎, 其實 ground preparation 時, 我已經摧左佢地好多次了, 但佢地只係話:" 叫緊啦, 等多陣啦!" 我真係等佢個頭呀!  我地business class 又full, 個個一上機就問我拎報紙...(已經係意料中事)..我只好同佢地解釋個情況俾佢地聽, 好彩佢地都好好人, 願意去等, 不過當中梗係有d 不友善的客人啦, 佢唔友善都冇用, 報紙係冇就冇架啦...只怪你唔一早自己買上機睇...最惱人的是, 我見到有個客有時間買新假期, 竟然冇時間買報紙??!!!  結果差唔多上哂客, 先有報紙黎...到左呢個時候, 我打算放哂係架trolley 度, 係business class 行一轉, 點知我set 緊的時候, economy class 以為我已經去哂 newspaper, 問都冇問過我, 就拎d 報紙, 那一刻, 我真係發癲....我同大家講我都係o岩o岩先拎到d 報紙要去一轉, 點知佢地問我拎一份得唔得, 我的答案係....唔得...sorry...可能大家唔會明冇報紙有乜大不了, 但business class 的客沒有報紙, 我諗我人頭會不保... 結果d 客係貪心既, 一人拎3 份報紙...所剩無幾...

問題秒秒都多 (完結篇)

2007.09.22 to 23

第295次飛行

其實做完第一個service, 大家都散哂, 點知回到galley 驚見成個galley 水浸,

唔單止地下全部都係水, 連galley top 都係水
!

原來每次我地一倒野去個sink 盤, d 水隔左一陣就會流到去地下, 起初我地只係倒水, 所以地上只有水, 之後開始有tea/coffee, 地上的水開始變色...變啡
..成條黃河咁...

..

幸好我地冇倒 tomato juice, 唔係會變紅....=.= 我地番到galley, 都忍不住 『嘩』!!!!收拾呢個殘局, 頭等的阿哥都立即係頭等客艙拎個大盤俾我地倒水....唉, 那時只係完左第一個service, 我心諗那個盤裝得幾多水呀??? 真係無眼睇
..

.

只好間唔中去廁所倒水...那一刻, 我發覺自己再唔係空中服務員, 只係一位係廁所猛咁倒水的阿嬸...=.= 亦因為我知道一陣會有杯麵戰, 所以一早悉心設計一個好方法倒杯麵, 連我galley partner 都笑說: “ 你真係好鬼死有世藝..” T.T

阿姐終於去左休息, 得番自己一個係galley 內, 我galley partner 就係另一個galley 內忙碌著...call light 一直都冇乜點停到, 叮完一個又一個...當中仲有兩個男人係我galley 外苦等, 等什麼? 一個等我得閒同佢傾計, 一個等我得閒買 duty free, 其中有個仲識講國語...係咁同我傾計...

 

最後佢地兩個足足係galley 外等左我5 個鐘....太恐怖了
!!!!

佢地兩個係咁話我好好, 笑得好, 做得好blahblah...仲話我笑得黎唔似其他同事咁假...(乜係咩?) 最後佢地兩個都話要寫 complimentary俾我, 真係多謝哂啊
! (我心諗: 講冇用架, 寫先係最實際, 呵呵!

 )

有個男人仲俾左張卡片我, 話要約我第2 晚出黎dinner, 又話要介紹佢個仔俾我識, 又話: “ my son must love you...” 我真係唔知俾乜野反應你好...=.=

不知不覺終於番到香港, 雖然係辛苦, 但有人留意到自己的用心良苦, 令我得到最大的安慰
....

經過這一次後

我相信短期內都唔會再做紐約機了, 怕怕啦!

完

問題秒秒都多 (回港篇2)

2007.09.22 to 23

第295次飛行

仲以為可以安安落落做service 啦, 點知呢隻機的 ptv 就係唔得既, 仲慘過黎個架機...當中, 坐係66 H 的差差係最煩, 幫佢reset 左3 次ptv 都係唔work, 同佢講過n 咁多次reset 時, 千祈唔好搞個control unit, 但我次次reset 完, 行去佢個位時, 我.都見到佢搞個control unit, 真係激屎我啦!

最後我打算放棄佢, 點知佢走入黎galley 等我...仲問我呢15,16 個鐘點算? 班機比較full, 但都仲有少少空位, 咁我只好幫佢搵個位調, 點知佢又要求多多...(其實仲有好多客的tv 都唔work, 但一話要調位又係要求多多) 又話唔係窗口位, 又話唔要中間位, 坐係差差隔離位小姐的 ptv 又係唔work, 但我又唔明點解佢坐窗口位, 都唔肯調去中間位囉, 我認為如果你地真係咁想睇電視, 應該什麼位都肯坐先o岩麻! Right? Anyway, 我終於搵左個走廊 bulkhead (即係第一行) 的位俾差差坐...但bulkhead 位的 armrest 係唔可以拉起的...我亦以為搵到個走廊位, 事件就告一段落
...

 

點知Service 完左, 我竟然見差差坐番自己位..咁我就問佢點解唔坐那個bulkhead 位, 佢竟然話那個位太窄
????

問題秒秒都多 (回港篇1)

2007.09.22 to 23

第 295 次飛行

回程, 雖然冇好似黎個程咁, 因為engine 的問題 delay左成個幾兩個鐘, 但回程比黎個程更難捱....

首先我partner 令我哭笑不得, 明明我地兩個去緊 menu card, 點知我去到door 3 時, 我竟然見到佢係galley 內 chill bar! 佢仲同我講: “ 我仲有幾行menu card 未去, 但我而家要chill bar 呀!!!” 因為係 new york on ground, 我地係唔可以break 任何bar cart 的 seal 同 lock, 所以要chill bar 既話, 一定要take off 左先做...但問題係當時我地係派緊menu card 架麻! 佢做乜冇啦啦做左一半又走去chill bar 呢

?

不過算啦, 我打算幫佢派埋就算, 問佢去到邊, 仲話仲有幾行, 撞鬼佢囉, 佢所謂個幾行= 半個
cabin....

悶熱紐約

2007.09.19 to 21

Day 1

去到紐約, 我地班機已經delay 左 (因為我地上機的時候,先知道engine 出左問題, 所以delay 了1-2 個鐘), 點知去到紐約, 竟然話我地的房間未準備好??!!! 我地只好去crew room等, 好彩都唔係得左好耐, 而好意外地, 這次我的房間又是比較大...

第一天總是我的休息日, 出去隔離食個dinner, 食完就訓..而我記得第一晚的天氣是十分清涼, 大慨秋季已經來臨了...

Day 2

孤菇等少爺lo 黎到紐約, 點知佢又係未拎到房...之後我地就相約去 time square 買飛準備第2 天去 washington 之旅, 點知只見到個bus stop, 而係冇售價處的, 仲要個bus stop 的標誌完全不當眼...最後我都諗到最壞的打算, 就係這次 washington 之旅應該不成了, 我又沒有特別唔開心, 相反少爺lo 就真係有失落啦~!

買唔到去 washington 的車票, 我好只好行番去酒店同老總及阿姐j 回合dinner, 想不到原來少爺lo o岩o岩先同阿姐j 飛完 vancouver, 世界人太多, 但總是太細.. 我地4 人一齊去jap restaurant dinner...雖然我覺得係貴左d, 但都值既, 因為真係好多野食....下面係其中一樣...

問題秒秒都多 (去紐約篇)

2007.09.19

第 295 次飛行

這個紐約之旅好像沒完沒了....

首先展開序幕係一位婆婆, 佢一上到機就話自己俾多左一百蚊, 點解個ground staff 都俾左個咁後的座位俾佢, 當時我都唔知俾乜野反應佢好, 不過婆婆叫我如果前面有空位, 可唔可以麻煩幫佢調一調, 這個我可以幫手, 不過去個程只得百四個客, 所以婆婆所坐的zone 有大把空位, 而佢隔離的位也是空著的, 所以佢絕對可以成程機都攤係座位上訓, 反而如果婆婆調左去前面既話, 不但人多, 而且要坐著訓, 相信14 個鐘對佢黎講係好辛苦, 還有一個問題, 就係調婆婆上去前面唔係唔得, 但佢隔離個位乘客肯唔肯又係另一回事, 所以最後我都說服婆婆坐番原本的位置...而婆婆當然都好開心...

四天

2007.09.15 to 18

第 293, 294 次飛行

Day 1 & 2

經過前一天係家中暈倒後, 今天好了點再次工作去...亦多謝大家的關心, 我會睇醫生架啦, 不過我覺得睇左都冇乜野用, 畢竟都唔係第一次...唯一自己可以做既, 就係1. 休息多d, 2. 不再為duty free 跑數了, 跑得咁辛苦, 去到top 10 又怎樣? 公司大條道理, 一隻字 discrepancy, 就hold 起哂你成幾個月的 commission...還要搞到自己身子亮起了紅燈...

這次是日本overnight, 再一次與剛剛飛完888 的男同事一班機, 不過這次不是我partner 了..我partner 是一位遲我一班的女同事, 真係好多謝佢, 來回程都係派tray, 她說她喜歡派tray, 其實我都鍾意架...不過我怕近日自己的狀況, "MOU" 低起身又會暈, 所以兩程做drink 對自己都好一點...雖然4 程有 3 程都full, 但客人都沒有大問題, 係大阪shopping, dinner, 很快又回到香港...

今次與剛剛飛完 888 的男同事dinner, 傾傾下, 我先知佢起初覺得我的樣子嚇親佢, 因為我唔笑...其實我都知道自己係咁樣, 哈哈, 好多新識的朋友, 同事, 男朋友, 甚至太后, 都話過我第一次見到人的時候, 都"起哂杆" 咁...搞到人地唔敢接近, 可能這就係自己性格啦...保護自己麻...不過識我耐d 既人, 都知我並不是那麼難相處吧....加上那天, boarding 時, 好多大件行李要處理, 又加上我要take over 埋 y 1 的 duty ( 因為佢去左 business class幫手), 所以想我笑都好難啊...

BB 客機

2007.09.11 to 12

第 292 次飛行

由於相機的受傷, 令我的心情也不多好...

上到機, 有成38 個BB 等緊我地...連bb 安全帶都唔夠派, 要係隔離機拎多幾條...而整班機, 幾乎有成 415 個活生生的人...真係未試過那麼多人...

boarding 時, 到做safety demo 時, 仲有好多客企哂係度搵位坐, 場面一片混亂... 有個男人仲大吵大鬧....幾經辛苦先令事件平息....講真, 分開哂坐, 大家都唔想, 你想成家人一齊坐既, 唔該下次早d 去check in 吧...

整班機上, 都沒什麼大事發生, 只係不斷沖奶, 洗奶樽, 倒奶...同埋杯麵...有d 客好過分, 前幾個鐘倒左d 奶俾佢地, 點知幾個鐘後, 竟然俾番樽奶我, 同我講d 奶隔左好耐, 話唔去, 叫我倒d 新既俾佢...實在太浪費, 我忍唔住同佢地講, 機上的奶有限, 除了給你, 仲要俾好多bb 飲用, 請你們珍惜一點...對方笑笑口說謝謝, 就走了...

回程, 成日都氣流, 我地已經check 左每一個bb 都有扣安全帶, 點知頭等個紫姐明明係休息中, 走左黎check cabin...再打電話俾我, 同我講economy 所有bb 都冇扣安全帶! 我心諗有乜可能?

失落於 North Vancouver

2007.09.10

既然 家兒 standby call 去 vancouver, 我就提議join tour 去 whistler, 去前, 我同家兒都訓得唔好, 結果今日係出發前, 我叫左家兒不如上黎我房食個早餐先...

係我間房望落去就見到酒店門口, 所以我地等到有tour bus 到, 先飛奔落去....那時7:30 am...

由於報名的時候, 我只用了自己的姓報了兩個人參加, 所以那個driver 一直以為我地兩姊弟係兩公婆...仲叫我地做Mr. and Mrs....

去到vancouver downtown 已經8 :15am, 我地係 downtown 等埋另外5 位團友, 大約 9 點出發去North Vancouver, 再上 whistler...

上 whistler 前, 分別停左係 Brittania Beach 同埋 Shannon Falls, 其實我同家兒一致認為呢兩個地方都可以skip 左唔洗去...前者, 一d 都唔似個beach, 後者, 又唔覺有乜特別, 講真 香港都有類似咁既 falls 睇...

下圖的家兒的背影, 其實唔想影佢, 點知佢行得實在太快...哈哈!

大到有d 驚

2007.09.09

係new york 回vancouver 個程, 因為時間多得很, 加上d 客都好靜, 所以我地galley 內的同事,連crew rest 都放棄左, 傾計啦, 點知傾傾下, 講埋鬼故, 有d 仲要當事人親身經歷, 聽完, 真係驚餐死...

去到溫哥華, 照樣 check in, 去個程, 我住的房細細的, 暗暗的, 點知今次一開門...意外地, 間房super 大...係之前那間房的兩倍...有時總係有些奇蹟發生係自己身上...

無理取鬧

2007.09.07 to 09

第 292 次飛行

成班奪命888, 最好做應該係中間兩個sector...皆因唔會full flight...但由於中途出發了突發事件, 搞到我去到new york 訓到死去活來, 連同事的 lunch 都失約...

回程我心情靚靚, 因為係 new york 收到少爺lo 的msg, 話佢standby call 去 vancouver, 而到達的日子與我回到vancouver 的日子一樣, 仲要同我同一班機回香港呢!

不過上機冇耐, 又俾個客無理取鬧...

花花世界 - 維多利亞

2007.09.06

係溫哥華休息了一個下午, 第2 天便與同事c 去左 victoria...而 victoria 位於 vancouver island 上..

我地的tour bus駛到船內, 上了deck 5 食野, 再上deck 6欣賞風景, 個半小時就過去了...

到了 victoria, 我地首先去左出名的 The Butchart Garden..

雖然之前有同事說已經不是看花的最好時候, 不過園內的花, 已經很美啊!

我的乘客真瘋癲! (三)

2007.09.05

第 292 次飛行

我起身後, 4 隻生蟹, 已經變左蟹粥....wahahahahhahaha! 老總拎左去頭等, 叫阿姐搞掂去...真想不到, 到頭來, 得益既係我地...但因為captain 都知道呢件事, 所以要老總寫report, 有同事問老總:"如果第日公司問你點處置d 蟹, 你點交代?"  不過我就食唔落隻蟹, 可能成件事我都有involve到, 見到隻蟹, 總係覺得佢仲係未死咁..

亦想不到, 我起身後, 癲婆愛上左我partner 同事k(我partner 係男仔黎), 話說癲婆要green tea, 我整左俾佢, 點知佢話要用佢的 own tea bag, 於是我問同事k, 佢的 own tea bag 係邊, 我先知同事k 幫佢keep 起左一個green tea bag, 於是我這次用一隻杯裝熱水, 一隻杯裝 tea bag 咁俾佢, 點知佢睇到個tea bag 濕左, 話唔要, 咁佢用過的 tea bag 就梗係濕架啦! 這時候, 同事k 係我身後出現, 癲婆一見到佢, 就好開心話:"i like the one that he makes..." 唉, 原來用乜野 tea bag 都冇問題, 最重要係邊個整杯green tea 俾佢... 我向同事k 說:"以後佢要的 green tea, 你幫佢整..我唔會再整..." 由於癲婆鍾意左同事k, 所以佢地兩個之間就以 "my friend" 相稱...做service 時, 我做drink, 佢又要 green tea, 這次, 我說:" your friend gives this to you.." 佢終於冇再將杯 green tea 打回頭... 同時, 我仲收到一張 duty free 的 order form....同埋叫我俾張comment form佢..