懂得享受的日本人

2006.08.31

第 194 次飛行

回程兩個sector, 都好順利咁度過...如果班班機都是這樣, 就好了...

唯一我想分享的, 就是日本人的飲食習慣啊!  

日本人一向俾我的感覺, 都係好乾淨, 做乜野都有條有理, 男人既就大男人, 女人就樣樣服從個男人咁...

一個人走

2006.08.30

很多時, 到了外國, 我都喜歡自己一個人走...雖然係寂寞d, 不過我好享受自己一個人的時間, 因為那時, 人會最清醒, 又可以做自己想做的事....

今晚到了大板, 同事們一定覺得奇怪, 為何我時時都自己一個人走開...沒有什麼特別原因的, 可能又是鬧情緒的時候...

自己一個人走, 感覺真係很爽!  反而一join 番佢地, 我覺得有點不自在..

今次黎大板, 都是幫妹妹, 細佬買東西...既然都幫細佬買埋, 唔淨在買多個俾你啦!

瑣碎事

2006.08.30

第 194 次飛行

今日早左成大半個鐘出門口番工! 點解? 因為要去一去inflight sales department 搞d 野...次次上呢個dept, 俾我的感覺係...你唔大聲叫佢地, 佢地係唔多"show" 你既, anyway, confirm 左佢地收到錢同埋寫左份report 後, 就完成任務, 落canteen 食d 野先...

今日最開心應該係見番我的classmate - 茱迪啦! 哈哈!  自從train 完j class之後, 我就未見過佢啦! 睇怕佢係我咁多個classmates 中, 最耐冇見過的一人囉! 起初我仲以為佢已經冇做呢! 不過間唔中check 下佢roster, 原來佢仲係度...哈哈! 一見番佢, 佢第一時間話我知同我飛LA 呀! yeah! 我都知道呢! 好開心啊! 未試過有classmates 同我一齊飛LA 架!  今次終於都有啦....等我地諗諗去到有乜野做先... 我見到佢的時候, 佢話o岩o岩port 左sick, 要番黎chop 印...講開呢樣野, 我地又傾左一陣, 我一講完俾佢知我個roster, 佢話我 "痴線" ! 我唔係"痴線" 我只係勤力少少, 同賺多少少者...hehe!  我地過幾日再見啦!

今次我要係商務客艙工作, 成個半月冇做啦! 要我再做番, 次次都有點驚驚...好彩既係, 我之前check 過, 4 個sector 都只係1/2 loading...相信應該應付得黎既.. 第一程, 香港--> 台北, 本來只係得 10 個客咋, 點知聽講隔離有班flight 唔知係delay 定係 cancel 左, 所以d 客過哂黎我地班機度! 冇啦啦就多左10 幾個客...

基本上兩程機都冇乜特別事...我記得既只係得下面幾樣:

世界紙幣欣賞

2006.08.29

舊同事send 了個有趣的e-mail, 得到佢的同意, 係呢度同大家分享一下啦!

唔知大家鍾意邊一款紙幣的設計呢?

中國人民幣 元

 

中國香港 元

中國澳門 元

愛偷吃的老總

2006.08.25

第 193 次飛行

至於我同阿姐既野, 都有d 事發生左既, 話說做完 service 後, 我好心咁幫佢將d 剩餘的main course 放番入oven 內, 一層可以放4 個的, 如果再要放, 就會用另一個skdis 隔住, 先放多4 個係上面...我放完, 就番出去繼續做自己工作, 點知再番galley 時, 阿姐打開個oven, 當時我見到係一個main course 疊住另一個main course, 而中間係冇skdis 隔住, 佢問係唔係我放, 我立即say no! 因為真係唔係我放成咁, 我放的時候, 係一skdis 4 個, 同埋係逐層隔住的, 但我明白既, 我好心主動幫佢放, 佢自然會覺得我做囉! 冤枉啊!  最後因為咁, 阿姐搞左個小小的debriefing, 叫我地唔好將d main course 咁擺法..唉

不過我覺得奇怪, 我rest 完後, 阿姐對我的態度180 度轉變, 忽然間好好囉! 搞到我都有d 驚驚...

飛機上的男朋友們

2006.08.25

第 193 次飛行

空服工作的時候, 好多時都會遇到麻煩的客人, 如果麻煩的客人係男性, 而呢位客人又坐係自己負責的zone, 又或者那個客人成日纏住你唔走, 同事們都會叫呢d 人做 "男朋友"!  當呢個麻煩客又有麻煩野的時候, 同事就會對我說: " 你男朋友又黎搵你啦!"

今次回程的機上, 雖然light loading, 但男朋友們反而多了....

有壓力

2006.08.22

第 193 次飛行

有時當我覺得我跟著的阿哥阿姐有問題的時候, 我會自我反省, 其實個問題會唔會係我度呢? 好似o岩o岩個班紐約, 阿姐有點懶, 我會想, 是否我自己唔識做呢?  又好似o岩o岩個次台北, 阿哥成日乜都話冇, 我會想, 會唔會所有事都應該自己做呢? 我又會唔會做得唔好呢?  今次呢班LA 機, 做service 個一刻, 我已經覺得阿姐串....甚至我覺得俾佢串完之後, 我覺得自己係個galley 係一個無能的人...

唔夠飲

2006.08.21

第 192 次飛行

一向我都唔鍾意做馬尼拉機的, 見親都swap 走的, 今次standby 俾公司捉番去做馬尼拉機...算啦...間唔中一次, 我接受得到.

今個月馬尼拉機就做新的service, service 同台北機差唔多, 所有drink 都set 好哂, 唔駛再問客人要什麼飲品, 其實呢個方法都幾可行, 可惜菲律賓人出哂名係勁飲的民族..得一盒細細的juice 又點會滿足到佢地呢?

 pre-set 係tray 上面的juice 根本都唔夠, 第一程機, 我地已經要用埋 return sector 的juice 了...結果番黎個程, 我做左都未有10 行, d juice 已經冇哂, 最後又要開番一pack pack juice, 逐杯倒...不過都ok 啦, 因為我冇問佢地要飲乜, 一律orange juice!

 但有樣野都係避免唔到既, 就係n 個人要water 囉! 我真係記唔到有幾多人要水, 最後決定成 tray 去, 廢事煩...

精神虛脫了

2006.08.20

第 191 次飛行

實在太累了, 唔到最後一分鐘, 我都唔想起身...

 加上一諗起, 昨日又full load, 一陣個兩程又full load, 真係冇眼睇...

首先第一程, 台北到東京...

呢一程我覺得係最慘烈...

 點解?

台北自由行 (下半部)

2006.08.19

由於太熱, 我地坐的士去"鼎太豐" lunch!

 雖然要等位, 但因為可以一邊等, 一邊order 左食物先, 加上又唔係等好耐, 所以都ok 啊! 一入到去, 太開心, 有冷氣...不過由一個好熱的地方去一個有冷氣的地方, 將會係我的致命傷...

 不過都唔理啦! 食野啊!

小籠包, 必叫啦!

 塊皮係唔會穿既, 因為個底係用布墊住既...

台北自由行 (上半部)

2006.08.19

一番酒店, 梳洗一下, 就出發去台北市了...

 我地排隊買飛..之後入閘的方法, 我就真係好耐冇試過...係要打個hole 架! haha!

 同埋, 火車站的型式真係好舊囉! 係出面望過去, 完全唔覺係一個火車站...

熱鬧

2006.08.19

第 191 次飛行

今日全班機組人員, 有過半數的同事, 我都是曾經與他們飛過, 有的FD 飛過, 有的前一排見過, 有的o岩o岩紐約機飛完, 有的上次7 day rome 飛完, 有的很久前做台北又見過, 還有一個是o岩o岩我做個班紐約機做乘客呢! 佢仲問我認唔認得佢...我一早覺得佢熟口熟面, 但就是想不到幾時見過她, 經她這一說後, 原來係o岩o岩個班機..哈哈! 又會咁o岩既...不過起初我好驚架! 因為當她問我是不是前3 天的紐約機回港, 而我又說"是" 的時候, 我以為個單野連佢都知添....好彩.....唔係呢回事...唉...

晨咁早起身, 但可能今日有lowbay 同我飛啦, 所以心情是愉快的, 說話都多了...

 平時一大早番工, briefing room 一定好靜的, 但今日我覺得少有既熱鬧啊!