無奈 (2)

2010.02.25

第 456 次飛行

睡了一覺後, 就出發做班台北turn....

同之前個班日本機一樣, 去個程很 light loading, 只係回程 full 哂.....再一次心想: 也好....

這次去台北採用的飛機的經濟客艙, 是前陣子被公司加建了幾行...現在卻變了長長的經濟客艙....由第一行行到最後個行, 起碼用上成分鐘....

經濟客艙的galley 也由兩個變了三個, 而每個galley 都需要一位purser, 即係而家由兩位經濟客艙既purser 變成有三位....

由於我係第一次係新的經濟客艙工作, 所以前一晚抽了點時間望望個service flow....

一心諗住台北turn, 好易做....點知....

briefing 的時候, 我好記得有人說自己好 easy-going....但上到機完全是另一回事.....

去程, loading 少過一半.....foodcart 只得4 架, 所以我們6 位小同事, 有兩位就去one-man cart, 另外四位同事就分成兩組, 去two-man cart...

我與同事S準備開始一齊派餐時...A說: "你地是旦一位去 one-man cart 得啦...另外一位by hand 去 tea/coffee"

於是我就負責派餐, 同事S 就by hand 去tea/coffee....

既然有同事會緊隨著我去tea/coffee, 咁我只顧派餐, 不用再問客人想唔想飲tea /coffee....那就更好...

點知我派餐派了都冇兩行, B(那位自稱easy going 的人)對我說: "你派餐時, 要問埋d 客要唔要茶/咖啡的..."

那一刻我心諗, by hand 去tea/coffee 的同事已經係正我後面, 我為什麼派餐的時候仲要問客人要唔要茶/咖啡呢?

其實個一刻, 我真的很亂,  一個想我一邊派餐, 一邊問茶/咖啡....另一個想我只係派餐, 由其他同事負責去茶/咖啡....究竟A 同B 想我點做個service 呢?

無奈 (1)

2010.02.23 to 24

第 455 次飛行
 

有時班機 light loading , 未必一定是好事....

飛的前一天, 我去看看loading, 只得63 位乘客, 心想: 真好, 賺了一程...

想不到那天回到公司時, 發覺公司將兩班日本機結合成一班機(因為兩班機的loading 實在太少了), 結合後, 都只得 165 位乘客, 還好...

而由於兩班機結合了, 所以其中一班機既所有機組人員都被安排作為乘客飛去日本, 然後第二天執勤回港....而幸運的同事們當然沒有我份....

到差唔多乘客登機時, 老總說總共有23X位乘客, 再加 14 位作為乘客既機組人員....即是差不多 full load...

那一刻, 實在有少少無奈.....

其實這樣都不緊要, 但我很不喜歡其中一位作為乘客既高級機組人員不斷對執勤既同事說: "I am very happy!!!"

你唔講, 我都知你好開心....

孟買市遊

2010.02.20

因為今次應該係我最後一次做4 日孟買 pattern, 日後得返3 日pattern 要出去行下睇黎比較困難啦...加上隊長同埋佢老婆介紹了個方法出去 sightseeing, 所以我與幾位同事決定出一出去看看吧...

做完班奪命shuttle, 小睡幾個鐘, 就坐酒店派來既私家車出去孟買市....

大慨坐 45 分鐘車, 就到達downtown...

首先去左睇睇印度人洗布既地方....

洗大塊既布, 一塊 20 Rupees ($5 HKD 都唔洗), 洗細塊既布, 一塊 5 Rupees ($1 HKD 都唔洗)....

又係BOM

2010.02.18 to 21

第 454 次飛行

這班機, 有點苦....

第一程前往孟買, 出乎我意料外, 有成100 個位剩...

但不幸的是....要同所謂既 TOP 10 老總飛....

可能同佢飛過幾次, 都知道佢對於service 既準則係點.....只是要立即去應call light 呢樣野, 比較有難度.....因為對於佢黎講, call light 一著, 5 秒內唔應, 對佢黎講已經算係好慢....佢一定會花時間打電話去我所工作既 galley, 叫是旦一位同事去應call light....

第一程因為幾light loading, 所以唔係太辛苦....就係我以為相安無事時, 有d 麻煩事發生左...

孤菇去水既時候, o岩o岩有位印度人A 要去洗手間, 佢經過我身邊既時候, 忽然無啦啦用手臂撞到我手上個盤水.....衝力太大....成盤水就倒左落一位中國女子, 印度男人B 同埋我既身上.....我安慰自己好彩盤上得返3 杯水, 同埋那些只係水, 而唔係其他飲料....但又如何? 倒瀉左就係倒瀉左....一個字"慘"....
好彩既係, 呢個情況俾位印度阿姐同埋我partner 見到.....知道係有人撞到我而倒瀉水....

而撞到我既印度男人A, 竟然一句"sorry" 都冇就走左去....而我就不斷同兩位濕身既客人say sorry....

那中國女子就話唔緊要, 而印度男人B 就話: "you should not be the one who say sorry..."

然後, 我同印度阿姐就清潔返倒瀉水既地方....而我就問兩位客人需唔需要調位, 但兩位就話唔需要....
我以為事情就咁過左一段落....

Hyacinth & Tulip

2010.02.12 to 15

終到打到呢篇blog!

呢幾日yahoo blog 好多問題, 對我影響最大既問題就係upload 相....我upload 左 17 張相, yahoo blog 都話我已經upload 左 17 張相, 但最後我得返 10 張....

我試完又試, 今晚終於俾我搞掂左....

真係把鬼火想將yahoo blog closed 左, 搬去另一處.....

講返正題.....

本來想去隔離 Belgium....但因為天氣實在太凍既關係....所以取消左行程.....只係出左Den Haag centrum 行下算啦....

見臨近新年...今次再次買花回港....

今次冇買百合, 因為想買下其他花....

原本只係訂左鬱金香, 但後來係酒店大堂見到有盤風信子都幾靚, 於是臨check out 時買埋風信子...

整班機, 只有兩位同事冇買花回港....

而我地將d 花放左飛機上一個神秘位置...

有同事係crew rest 或者得閒既時候就會去一去呢個神秘位置賞花....

鬱金香我幾年前係荷蘭買過, 今次買佢係貪新年七彩顏色會開心d....

反而風信子, 我係第一次買, 開花時, 令我眼前一亮.....

未開花前, 冇乜特別....

2 月 9 日

2010.02.09 to 13

第 453 次飛行

翻查過往既紀錄, 計埋今次, 做了好幾年, 這只是自己第三次黎到阿姆斯特丹(AMS)....

而公司係這些年來, 只係roster 4 次 AMS 俾我....(不得不說, 真係太少)

上年既 2 月9 日, 公司俾左AMS 我, 但我因為某些原因而要swap 走...

估唔到今年既同月同日, 我再有返呢班機....

唔通係整定?!

鬥耐性

2010.02.04 to 07

第 452 次飛行

為左要多d allowance, 又係揀無可揀之下, 我決定換班bombay 返黎做....

好好彩, 換左bombay兩日後, 公司就加左留係bombay 既外站津貼....(不過這種pattern 去到 3 月尾就唔會再有, pattern 應該會更短, allowance 自然會更少....亦自然更加少人肯做)

這是我二月既第一班機, 公司剛剛轉左新既 briefing 程序, 大家都緊張萬分, 因為老總將會問至少4 條safety questions....係至少....聽聞有d 變態既老總....會問成十幾條safety questions, 每一位機組人員都要答.....而d 問題係一月既時候已經有得係網上download, 總共有大慨二百多條題目....雖然我剛剛完成左一年一度既AEQ, 但我呢位緊張大師, 係公司一出左個二百條safety questions 後, 立即print 左出黎溫.....

雖然係有準備, 但點都會有D 緊張, 尤其是見到個個企係 briefing room 出面拎住一大疊題目係度溫既時候...

這次 briefing, 自己被揀中左, 不過是一條很common 的問題, 所以過關...

工傷

2010.02.06

前幾天, 因為工傷, 寫左份cabin safety report 後, 5 日內要睇公司指定既專科醫生....

諗前諗後, 最後決定去睇....

我同醫生說明自己點樣整親後, 醫生循例同我檢查下, 她說問題不大....暫時不用照x 光...

我問佢係唔係之前整親過一次, 所以好易又會再拉傷等等既問題...

佢話初期最多好得70-80%, 剩返個10-30%需要好長既時間先會好得哂....(所以咁多同事一整親就要請咁耐病假都係咁解....點解公司又唔明白呢?)

然後醫生竟然對我說: "你下次一見到乘客既行李就有咁快走咁快, 唔好幫佢地拎..."

我心諗, 如果下次有乘客叫我拎行李, 我可唔可以話: "醫生叫我唔好再幫你地拎行李喎!"
我相信咁講完, 一定等收一封長長既投訴信都似....

成田山新勝寺

2010.01.30

一直都聽同事說過酒店附近有座成田山新勝寺, 聽了很多年, 亦想去很多年....但次次都因為不同既原因而去不成.....

今次infight 時, 阿姐忽然問我有冇興趣去成田山新勝寺....

"有..."

就係咁, 阿姐, 我, 同埋同一galley 內工作既另一位同事到酒店換衫後就出發坐shuttle 去station, 再行經表參道去成田山新勝寺...

經過下面呢間車仔檔, 試食左圖二個串東西....(起初我地3 個都唔知係乜野黎)
問我好唔好食的話, 我會說, 我應該不會食第2 次....(食後覺得應該是什麼內臟來的)