杜拜過山車之旅 - 等你回來

2007.06.30

第 275 次飛行

凌晨, 孤菇就要出發去巴林...而仔仔有冇跟埋我去? 梗係冇啦...佢仲係熟睡中...同埋間房咁舒服, 佢又邊捨得走呢?

其實臨走前, 仔仔對我說想換哂d towel, 但我說我不喜歡我唔係度的時候, 有人上黎 housekeeping, 因為我唔鍾意人地掂我d 野...所以我係outport 的時候, 永遠都唔會有housekeeping 呢樣野發生...但既然仔仔咁講到, 我又唔會唔俾佢咁做既, 不過我有條件, 就係 housekeeping 的時候, 只係換 towel, 同埋丟左孤菇一早pack 好的兩袋垃圾就可以了...最重要既, 就係house keeping 期間, 仔仔一定要在場, 因為我真係好憎人地掂我d 野, 同埋唔覺意拎走d 野...太冇安全感了...

另外, 我考仔仔我幾時會返到杜拜, 我要佢記得, 因為我要佢那個時候係房內等我...這個問題, 真係要讚下仔仔啦..佢唔講我都唔知..原因次次我一post 左個roster 去google, 佢就會將個roster 背哂去...仲要連時間都記埋... 試想想, 孤菇有次一個月成 10 班機...佢都記得哂...係唔係應該錫啖佢先?

杜拜兩人行(上)

2007.06.29

第二天, 等了仔仔大半日, 仔仔先搞掂完佢手頭上的工作, 陪孤菇出去玩...

我地坐shuttle 去 deira city mall 醫左肚先, 再坐mall 既 shuttle b 去 nazzer square, 點知 等極shuttle b 都冇黎, 但shuttle a 就空空如也, 一個客都冇...等左好耐, shuttle a 的司機就車我地去old dubai, 而shuttle b 的司機就做左我地的tour guide..仲帶左我地兩個去飲野...飲完, tour guide 大慨介紹一下我地有乜野地方可以行下, 就由得我地兩個係old dubai 自生自滅了...

首先我地就一班差差坐小船去對面岸....的old souk...佢地好似未見過白種人咁, 總是對我地投出奇異的眼光....

 

杜拜過山車之旅 - 序幕

2007.06.28

第 275 次飛行

由仔仔昨晚9-10 點忽然對我說 "跟我去杜拜", 我的心情開始坐過山車....

半夜幫仔仔做listing, 同埋今天要早一點回公司...因為孤菇要幫仔仔print ticket..返工的途中, 下著大雨, 我的爸爸仲幫我拎行李拎到巴士站, 就係這個情況下, 爸爸同仔仔第一次見家長...在這種情況下見家長, 不要說他們倆, 連我都覺得好尷尬....

回到公司, 幫仔仔處理一切上機事情後, 我地的話題就返去楊生個度, 今天, 我真係唔想再多想其他事情, 只係想仔仔上到去杜拜的機, 如果唔係, 仔仔就會回曼谷了...一想起杜拜那班機overbook 左成60 幾個客, 孤菇真係乜野胃口都冇哂...但佢仲咁老定...都唔怪得佢既, 佢今日點都要上機, 只係睇下去杜拜定係曼谷..

紐約行之酒店篇

2007.06.23

話說係酒店住既頭兩日都發生d 好奇怪的事....

首先我帶左laptop 係房內上網, 第一日login 冇問題的, 但第二日login 就有問題啦, 個screen 有個msg 說我打錯了first name同 last name, 同room number 唔match,  有乜可能呢? 唔通我連自己名都打錯咩? 於是打去 front desk 問...第一次 front desk hang up 左我條線, 激死我

, 我再接再厲咁打, 有位男staff 聽..我說了我的情況俾佢聽, 佢幫我check 左, 說: "ur name appears in room 25, not room 22!" (孤菇係住係room 22, 而當時孤菇都係由 room 22 打落去的...), 之後男staff 說:" have you changed ur room?", 我說: "no...i checked in yesterday and i didn't change my room! ", 男staff 說:" it's so strange...how come ur name appears in another room..." 講完, 佢叫我等一陣...同佢d 同事傾傾傾...搞左一大輪, 男staff 說一陣打番上黎俾我...隔左5 分鐘, 他說我現在應該可以login 到...

紐約行之迷失篇

2007.06.22

上午去左麥記醫肚後, 就行左去 central park!

 

紐約行之購物篇

2007.06.21

 

 

這天, 與同事 L 去左食 steak, 之後就去左time square 行街街...一路上, 我一直都說他的樣子同我classmates 好似...同時他又對我說, 我個樣實在好似 "zita"...仲叫我璇妹, 真係多謝哂... 

首先我地去左孤菇好想去 既 M & M store...目的就係為左買d 手信番香港...一入去, 有成3 層高, 身邊的同事L 仲興奮過我...一邊走, 一邊跳, 成個大細路咁...又一邊叫我 "師姐, 你睇下呢邊!" 唉, 話哂我都細你好幾年架! 俾你叫我老鬼哂.... 還記得上次同佢飛, 佢又係成日咁叫我, 我唔多鍾意囉, 不過今次, 俾佢叫下叫下, 仲要叫足 5 日, 已經習慣哂... 每次當佢叫我師姐時, 我都係度諗: 如果同事係junior 過佢既, 佢又會點叫呢? so far 到左尾聲, 我依然冇機會知道....

都係講番正題...入去M &M store, 我地都係影相多過睇野...其實好多野都好得意, 好想買, 但諗落買左返去又冇用...加上真係好貴....淨係買下面的東西, 都用左我差唔多成 $40 USD....

空服不是奶媽!

2007.06.20

第 274 次飛行

這次孤菇要去的地方就是地球的另一邊 - 紐約!

一如所料, 好多都係一家大細咁上機...出奇地, 越南人與印度人都好少數, 所以這次的洗手間比起我上年做那班紐約機乾淨好多...

一切似乎都好順利, 但起飛不久, 問題發生了...

做完第一個service, 阿姐發覺個chilling system 壞左...個雪櫃仲好焗...冇發臭已經偷笑了... 因為chilling system 一壞左, 加上dry ice 又唔夠, 所以食物keep 唔到太耐.... 因為呢個原因, 原本打算降落前先做的 2 nd service, 改為第一組同事休息完後做左先....

除了2 nd meal 出現問題外, 放係雪櫃內的鮮奶都出現問題...

身心已經很累

2007.06.17 to 18

第 273 次飛行

今次3 程機...又係 roster 既, 避唔到... 

第一程去曼谷, full load, 好多港人同外國人..呢一程應該係3 程中最易做的一程...

第二程由曼谷去新加坡...成個經濟客艙都係國內同胞...佢地其實都ok, 不過佢地又係做左一樣我最憎佢地做既野....就係....影相....你地自己影就好啦, 點解要影空服?  如果你叫我同你地合照, 還可以, 但千祈唔好次次我一出 cabin, 你地就影, 好冇? 出 cabin 又影, 我做service 又影...連我轉身俾杯野飲你地時, 你地竟然用手機影著準備著...影! 不過我係咁同自己講..."可能人地唔係影我呢...係影我的男同事partner 呢......", 但最後做collection 時, 因為我係自己一個人去做collection, 這次佢地又影...仲要係機尾隔住條aisle 咁影過黎...我立即叫對面aisle 的同事c 幫我叫佢地唔好再影...相信個一刻我個樣一定好惡...

雞同鴨講

2007.06.16

第 272 次飛行

孤菇飛左幾年, 除左好憎做馬尼拉機外, 最怕就係做越南機...

這次是roster的, 調極都調唔走, 唯有認命...

如我所料, 除左係一班full load 機, 每位客人都拎著重到3,4 個人都拎唔上行李櫃的行李外, 仲會有好多雞同鴨講的情況出現....

通常一boarding, 首先會上坐輪椅的老人先...我地帶到佢地去座位後, 就問佢地有冇重要野要拎出黎先... 例如藥物...等, 但佢地完全係聽唔明既...然後到正常的 boarding, 好多都係大家族咁上機...一上機就塞哂係條走廊傾揀座位坐的問題...搞到後面d 客等左好耐...由於佢地聽唔明英文同廣東話...基本上我都做唔到d 乜...有對老人仲勁, 二人分別企係左右一條aisle, 用越南話講野, 叫極佢地坐低先慢慢傾都冇用, 都係個句, 佢地根本係聽唔到我講乜...幸好剛剛有位越南ground staff 上左黎, 我只好用英文叫個ground staff 快d叫佢地兩個坐低....因為我已經見到後面的客人黑哂面了... 

青瓜味汽水

2007.06.14

與同事晚餐後, 就去左shopping, 其實主要都要買d 野食俾太后....唔知點解, 今日機場的店舖好快就關門...個個都好似趕住走咁, 連賣 cosmetic 那間, 平時係收 10 點, 但今日9 點半就已經拉哂d 野入去, 準備關門...

最後又係去左 lawson 掃貨, 同埋買早餐食...意外地俾我發現下面呢支野...

 

 

青瓜味汽水....唔知味道如何呢? 結果決定買兩支返香港試試去...

第 271 次飛行

2007.06.14 to 15

第 271 次飛行

今次班機冇乜特別...4 程機, 差唔多程程都full, 同埋差唔多全部都係日本人, 最後個程, 亦係我最累最眼訓的時候, 偏偏全院滿座....

幸好我的 zone 的客都唔錯...只係有兩部tv 壞左...同埋成日有人問我拎playing cards...比較起上黎...對面aisle 的客就差好遠囉.....詳情我就唔係好清楚, 只知有客好似因為冇choice, sake 又黎遲左, 又話要等好耐先有得食而 complain...見到同事們的樣子都好無奈... 

我未忘情

2007.06.11

第 270 次飛行

今天又係早機...坐最早個班巴士番公司, 點知差唔多上龍翔道時, 架巴士壞左冷氣...當時巴士滿載, 起初大家都以為係壞車唔行得, 點知原來只係壞左冷氣....下層有些乘客鼓噪起來...有人說: "x 你x母, 只係壞冷氣咋...照開囉! 趕時間番工!" 之後又講粗口...一有人出聲...其他人又出聲...其實我唔知如果壞冷氣係唔係一定要停駛, 不過對於當時既我黎講, 都係返工準時要緊...最後車長繼續送我地返公司.. 成架巴士都好熱, 不過我頂得住...因為我夜晚係屋企訓覺唔開冷氣, 仲熱過係呢架巴士上...落車時, 我有同車長講"唔該", 因為我都覺得佢好難做....不過最搞笑既就係...有乘客係巴士訓到....落車時先問點解咁熱囉! 唉...連壞冷氣, d 客嘈哂, 都嘈唔醒佢...勁!

自私的港女乘客

2007.06.08 to 09

第 269 次飛行

這次新加坡曼谷之旅, 冇之前個班咁困獸鬥...一切都好順利, 除左係昨日因為香港天氣差的關係, delay 左成個鐘先起飛...最恐怖係, 航機已經停係跑道準備起飛, 但強風吹到航機內的我們都搖搖晃晃...

3程機既乘客都好nice, 除左最後一程, 坐係34H 的自私30-40 歲港女乘客...

成田12小時

2007.06.06 to 07

第 268 次飛行

冇update個blog 幾日, 我已經飛完東京回來了....

這班機並沒有什麼特別...清一色日本人, 同埋去程, 唔知點解會 full load 既, 同事們都說, 時時做這班機, 唯獨是今次係full...不過飛行時間咁耐, 做完 service 仲有大把時間剩...

service 完後, 又一疊疊 order 飛埋黎...order 真係太多...只剩個幾鐘的時間, 根本冇可能做得哂...幸好今次有成6 位壯男 (不知為何, 這班機的男生多得很....), 還有同galley 的同事c 幫手, 一齊斫開d 好難開的 comparment, 再搵items, 再 deliver...真係誇張, 要成8 個人合成先清得掂d order, 真係要謝謝大家!

去到成田, 又勁多人出去 aeon centre 喎, 成 2/3, 平時我做呢班機, 個個都只會去隔離的便利店算了...所以這次真係好熱鬧呢! shopping 到11 點, 我地再坐的士番去酒店附近, 諗住食魚生飯啦! 點知那間店說沒有飯...唉..沒有飯 = 什麼也沒有, 所以最後我地去左第二間食牛肉飯... 食到成12 點幾先番酒店...回酒店, 我地仲係便利度遊左一陣...

慘烈的困獸鬥

2007.06.03 to 04

第 267 次飛行

之前幾個月不斷做呢班機都唔full, 仲好light loading, 但今次..好不幸, 3 程都full load...

第一程, 大部分都係新加坡人, 雖然係 full load , 但問題不大, 只係有樣野我好唔明既, 就係full load, 我地後面 galley 有成3 個半cart, 但阿姐話派哂自己個cart 內的tray 後, 就番galley by hand 咁拎...而唔係換cart, 結果頭個程個service 好漫長...因為我極其量每一次只係拎到5 個tray....唉...

到第二程...簡直係惡夢...飛行時間兩小時都冇, 仲要有兩個choice 的main course, 又要派雪糕, 又要去茶, 咖啡...要係兩小時內完成已經好困難...最恐怖就係, 呢一程有成差唔多 130 個special meal 要派...(full load 只係得291 位客人), 可想而知有幾多special meal..而當中有110 個係 indian vegetarian meal, 而indian vegetarian meal 既 main course 佔左後面4 個oven (我地只得6 個oven), 最後兩位阿姐決定 indian vegetarian meal 同 normal meal 同一時間派...兩架 indian vegetarian meal 的 cart 係前面開始 (因為大部分食 indian veg meal 都係哂前面), 而normal meal 的 cart 就係後面開始...我就係負責indian veg meal 既 drink...做做下...我發覺有問題...我見到兩架normal 的cart, 竟然係前面一左一右咁開始派餐, 但同時後面右手邊又有一架normal meal 的cart去緊餐, 而後面的左手邊一架餐車都冇....即係話...坐係後面左手邊的客一邊望住右手邊的客有餐食, 自己又冇囉!  那個zone 坐左好多同胞, 佢地當然嘈啦! (唉, 俾我都會嘈...) 最後我只好等我partner 差唔多派哂 indian veg 的餐, 立即去左邊那個冇人理的zone 幫手....那一刻, 我只係聽到佢地猛咁同我complain, 但由於我的普通話唔多好, 所以都唔係好知佢地講乜... 就係呢個時候, 又有問題發生, 就係係business class 落黎幫手的同事 complain economy class 一位同事態度差....其實這個我一早留意到...但同事態度差的理由我都可以理解既...1. d 客真係幾煩下...機上面成個聯合國咁, 有 indian, 有 thai, 有 singaporean, chinese 同 korean, 仲慘過做bombay, bombay 都只係需要對住一個民族, 但呢班機有太多國籍的人要處理...唉! 淨係whisky 我都唔知開左幾多支, 仲要做service 時, 千祈唔好停, 因為一停, 佢地就會繼續問我拎 whisky with water... 2. 那位同事的partner成日冇交帶, 俾態度差既同事的感覺到成日要自己做哂咁... 所以做空服真係唔易...咁既flight, 仲要笑出黎, 真係幾辛苦下....