連飛12 日 - 序幕

2008.05.29 to 30

第 342 次飛行

由今日起, 我將會連飛12 日, 首先頭兩日係香港 - 新加坡 - 曼谷, 第2 天曼谷 - 香港...即係我常常做既 pattern...

今次做個好位....哈哈! 成個zone 得14 個位, 仲要第一程唔full, 呵呵呵

 

 不過梗係唔可以只係顧自己個zone 啦.... 所以我遊黎遊去, 幫到就幫....yeah!  
 但第二程就唔係太愉快啦,  因為economy class overbook 左, d 客up哂上business class, 打開張 pax imfo list, 46 個客, 得3 個係真客....

搏到盡大海洋路遊

2008.05.25
 

去到墨爾本已經係第二天早上, 氣溫只係得3 度....好凍呀!!!!

起初仲以為兩位新人第一次去墨爾本會去 sightseeing....點知佢地兩位有朋友係度, 所以竟然唔會去, 既然佢地唔去, 我都諗住打消念頭, 點知同事m 問我有冇興趣去sightseeing, 我當然有啦!

其實...上一次我黎墨爾本, 已經係3,4 年前既事, 真正operate 去呢度, 只係得兩次, 其他的, 我全部都swap 走了...我並不是不喜歡這裡, 而係呢度曾經帶俾我一d 回憶吧....加上做空服的第一年, 我已經用了一星期時候遊過墨爾本, 所以很多地方都去過了....

不過今次我再到這地方, 好開心, 因為我終於走出這個框框....

我向同事m 說, 雖然好多地方我都去過, 但我唔仲意去多次, 其實最緊要同事m 鍾意...

 

由於我地第三日晚上10 點幾就要 pick up....所以去唔到睇企鵝, 之後我地打算去 great ocean road, 晚上7 點半回到酒店, 但阿哥聽到後, 叫我地唔好駁到咁盡, 驚我地返唔切黎....搞到我與同事m 有d 卻步....之後我又提議puffing billy 呢個tour, 因為可以係5 點回到酒店....我地足足諗左大半日....

最後, 我地決定.....搏到盡! 去 Great Ocean Road!!!!

老總仲笑說竟然係我地兩位唔係新人去 sightseeing...haha!
就係咁, 我地第3 日早上 07: 20 開始我地既旅程.....

可惜前一日day time 訓得太多既關係, 那晚凌晨兩點幾就醒左, 訓唔返.....眼光光望到7 點半....好眼訓啊!

Great Ocean Road 係一條長長既海岸線.....最令人期待既係 Twelve Apostles, 不過去睇呢個景點前, 要坐成4 個鐘頭車先....

未去到twelve apostles 前, 導遊中途都會停下, 俾我地影下相相....由於同事m 既相機壞左, 所以今次全部都係孤菇操刀....

 

 可惜....我既技術.....加埋個天不是太好....唉....可能會令同事m 失望...

難為了我

2008.05.23 to 26

第 341 次飛行

這次到墨爾本的航機上, 有兩位新人, 一男一女既 classmates, 佢地第一次飛 long flight....歡迎佢地加入貴公司...

 

由於電腦auto assign position 時, 兩位新人被編係同一條aisle 上工作, 而我同另一位同事m 就被編係另一條aisle 上工作, 老總說要 balance 返, 於是當做cocktail and meal service,  就要一位舊人夾一位新人係同條 aisle 上, 結果我就同男仔一邊, 同事m 就與女仔一邊....

但不幸地, 我被調左去另一個zone 派餐, 而那個zone 既客係最哽.....
 阿哥說, 麻煩的客人既 zone 由我負責, 要難為我一次....我真係好多謝阿哥咁" 睇得起我..."
 我個zone 有一位坐係55 AC 既發癲香港女人....佢地一家 4 口, 但4 人中, 3 人係非常正常, 而佢就係非常不正常,
佢係最遲上機的一個, 但一上到機見到overhead locker 滿了就大大聲聲係 cabin 叫.....

順利

2008.05.21 to 22

第 340 次飛行

這次執勤去大阪都幾順利, 第一程去台北仲有隊英國band 上機....我partner 見到佢地, 好似著左迷咁...
 唔怪得好落力幫佢地搵位放佢地既巨型樂器....

 

不過我地其他同事全部都唔識佢地...

 

後來她還問同事借了相機, 等佢地落機時同佢地影相....可惜....佢又怕羞....

 

 搞到最後眼白白睇住佢最喜歡的樂手走左....

 

 我地一眾同事都立即stop 左未落機既樂手, 雖然佢同唔到最喜歡的拍照, 但仲有其他樂手, 都唔錯吧!

之後既機程都好順利....4 程都唔full, 又食左餐好好味既晚餐....

 

 又買左好多野...

 

唯獨唔滿意既, 就係今次機既captain...串串地...詳情就唔講啦....哈哈!

同埋自己感冒菌未清, 搞到ear block 得好緊要呢....真麻煩呢!

聽日又要起程去一個幾遠既地方啦....cu guys later!

 

第 339 次飛行

2008.05.15

第 339 次飛行

今日有少少唔舒服, 但都飛左班 sin turnaround...

去個程, 真係好舒服, 因為只係得百幾個客....但回程...簡直係人間地獄...

 

起初只係以為得前面個zone 多新加坡人, 但點知差唔多全機都係經典新加坡人, 經典的 businessman, 仲有少少香港人....d businessman 一上機就要 新加坡當地報紙, 點知唔洗5 分鐘, 又要另一份south china morning post...做drink service 時, d 客飲完一杯又一杯...阿姐叫我地順便應埋d call light, 但呢d call light 真係沒完沒了, 第2杯, 第3杯, 第4杯, 完成記唔哂d order, 索性拎張大紙寫低....遲遲都未開始到meal service...

 

回程既時候, 我既喉嚨痛到飛起, 把聲已經唔係好掂, 但佢地就係聽唔清楚我說既 choice, 明明係 fish with rice, beef with pasta, 佢地就話: "fish with pasta pls..." or " beef with rice pls...", 激死我....你地係唔係想拎左我條命?  

I love Italy~~!

2008.05.08 to 09

落左機, 訓左幾個鐘, 就與同事亨利去左梵諦岡....

 

 

 

我冇心

2008.05.07

第 338 次飛行

而家孤菇正身處羅馬....本來打算回到香港先打這次既blog,  不過不知為何, 機上發生左件小小的事, 總是令我好介懷....

話說臨到達羅馬之前, 所有飲品cart 內既BCR form (即係記錄了內裡飲料的總餘額), 都要拎一張copy出黎, 交俾老總, 待老總再交俾當地的有關人士....咁老總係第一group 訓覺既, 佢就叫紫姐係第2 group 訓之前, 要收哂所有 BCR Form 俾佢...而當時最後的galley只得我當值, 所以我都係第2 group 訓覺之前, 一早寫好哂d form, 交俾紫姐....而我一直都以為自己已經交哂所有form...而有同事亦打過電話黎問我交哂d form 未, 我仲好肯定話交哂....點知到第2 group 訓完返黎冇耐....阿姐無意中發現左係某個酒cart 後面, 原來仲有一個飲品 cart....

人生百態

2008.05.04 to 05

第 337 次飛行

我時時都說, 係自己工作上, 只係短短幾個鐘頭, 都可以睇到人生百態....今次呢班機就係一個好例子....

 

老總入 briefing room 時, 大家都以為佢入錯房, 因為佢既樣一d 都唔似自己那個國籍....後來有同事仲話以為she comes from egypt.....

 

 因為佢個頭加埋個妝, 的確都幾似.....

 

 然後她來了一個"不一樣" 的 briefing, 簡直令我如夢初醒, 之後我地就上車去機場工作去.....

 

其實這位老總係幾好人既....不過佢好得黎我又唔係太認同.....