2006.07.30
第 187 次飛行
因為太累了, 今日差d 唔知醒...
臨離開泗水前, 從自己房影左兩張日景照...
30 July 2006
29 July 2006
一個人的晚餐
2006.07.29
雖然係機上已經食左d 野, 但唔知點解一去到酒店, 仲覺得未夠, 而由於同事們有些去做massage, 有些又太累, 有些又說只叫 room service, 所以最後我又如常自己一個人晚餐...
揀了很久, 我最後選了coconut chicken 作為我的晚餐...
感受著興奮
2006.07.29
第 187 次飛行
這航機上, 通常大部分都係回家的印尼人及華僑, 但今天卻多d 一群 "不速之客", 就是韓國旅行團啊! 他們上機的時候, 阿姐與我都感到很意外...
3種人, 分別都有不同的特徵, 印尼人 - 多 baggages (但情況我還能接受), 永遠飲d乜野都係會剩少少, 鐘意飲coffee, 又鐘意攬住自己個手袋唔放, 最令我費解係...點解佢地咁鍾意"打包" tray 上面的紅色杯呢?
28 July 2006
問題多多
2006.07.28
第 186 次飛行
番黎呢一程, 一個字 " tough" !!!!
我既所謂 tough, 係所有問題係同一時間擁埋黎, 想透個氣都唔得個隻!
(1) 最嚴重的問題就係架機的最後部分勁熱, 我諗冇40 度, 都有30 度!
d 客一上到機, 就係咁投訴, 同埋係咁問我地點解咁熱, 而我地當然又用最官方的答案回應佢地啦!
仲有客人問我, 乜我地公司既飛機的空調未整番好咩?
看多一點點 - 星加坡
2006.07.28
俾多幾張大家睇下啦!
(1) 呢張真係要講下, 以前我地住個間酒店就係中間個舊oval shape 既stadium, 左面那座building...
而呢張相係我房影出去架! 環境都算不錯啊!
一小時遊中國城
2006.07.28
原本諗住11 點幾起身出去行下, 點知醒的時候已經係下午一時半!
本來都唔想出去架! 但如果唔出去, 我就冇野食...
加上, 自己都冇乜試過認真出外走走, 結果都係外出...
雖然星加坡都係熱, 但好似好過香港少少..
由於我地住既酒店係chinatown 內, 加上時間不多, 所以我便在中國地一帶走走, 起初仲驚自己唔識路添! 點知行行下, 我發覺這裡, 上次星加坡的penfriend 都帶過我行架!
27 July 2006
哭笑不得
2006.07.27
第 186 次飛行
因為之前兩日冇call 的關係, 我第6 感話我知, 今日一定call!!!!
我下午4 點先開始 stand by 既, 但我今日1 點幾就起身, check 一check 公司個web, 如我所料, 有機俾我飛啦! 一早俾我都好, 等我有時間準備麻!
起初我以為只係得我一個係 stand by, 點知一入briefing room, 老總port 左, 兩個紫姐 有一個port左, 3 個紅姐有一個port 左, 而我呢一級, 最誇張! 5 個有4 個port 左呀!!!!!!!!!!!!!!!!!!!!!!!!
成set crew 11 人, 有7 個同事port 左sick!! 勁唔勁先???!!!
上次stand by 又係呢班, 今次又係...乜呢班機真係咁得人驚咩???
26 July 2006
No Call Again
2006.07.26
今日晚上8 點等等等, 等到而家, 都未有call, 我諗今晚應該唔駛飛啦...真係好耐冇試過連續兩日都冇call 既...通常第一日冇call, 第2 日一定有call, 點知今日係第2 日都冇喎! 真係有點意外! 我d 同學仔仲好羨慕添!
不過等既期間真係好悶架!
25 July 2006
No Call
2006.07.25
今日係stand by 的第一日, 因為以前stand by 的經驗, 所以今日我係stand by 開始前一個鐘就起身化好個妝, 再等公司電話...點知11 點...12 點...1 點...2 點...3 點...都未有公司電話, 但我就收到好多其他電話囉! 大部分都係宣傳電話, 有舒適堡, 有保險, 有one2free, 仲有中大打電話黎做問卷調查, 又有我d 小表妹, 老豆, 同埋親戚要fax 野俾我媽媽, 平時都冇咁多電話既, 就算係宣傳既野都冇既..今日明知我stand by, 全世界陸續咁打黎...想嚇死我咩?! 每次個電話響一響, 我就驚一驚...
22 July 2006
漏氣
2006.07.22
第 185 次飛行
成個星期冇番到公司, 一開個mailbox, 都唔知點解會多左咁多野既, 不過最令我怕怕又是那個黑白信封, 今次又係乜呀???!!!
一睇, 哦, 有點安慰, 因為是一個好消息, 我竟然收到公司的禮物...不過我認為, 送個樣野俾我, 不如俾錢我仲好...呵呵!
sign in 後, 去睇下個crew list, 5 個bc 有兩個port 左, 仲要call 兩個阿姐(一紅一紫) downgrade, 我心諗...死啦! 我可唔可以而家又port 埋?!
睇完個list, 註定呢班機一定會好辛苦, 仲要係full load 機...
另外, 今日仲有兩位同事FD flight, 即係佢地只係train 左safety, 而未train service, 而今日佢地就係上機睇下我地點做野...
19 July 2006
北極圈
2006.07.19
相信我呢一生人, 都應該去唔到北極架啦! 咁o岩今次既紐約行, 我有位朋友拍攝了從駕駛艙望落去的北極圈...因為有太多相片, 所以在我細選下, 與大家分享一下這些照片...
希望大家喜歡啦! 我最喜歡是第(4) 和第(5) 張pic..
(1)
18 July 2006
多事
2006.07.18
第 184 次飛行
每一次飛美國機, 我最怕就係番黎既時候過那個 security check 架啦! 因為我頭上的髮夾, 一定會令部機響既...所以每次一番黎, 我都會gel 行少少個頭, 唔駛用髮夾, 咁部機就唔會響啦! 因為一響會好煩, 係美國, 唔單止要掃, 仲要俾人摸全身, 感覺真係一點都不好受!
番黎呢班機, 我覺得最辛苦就係頭頭個6 個鐘...
首先第一個service, d main course 既 choice 係完全唔夠! 淨番成5至6 行, 已經冇哂頭一兩個choice 啦!
雖然呢個情況好多時都有, 亦都習慣左, 但永遠都係好怕同d 客講冇哂choice, 不過點怕都要將呢個"事實" 同佢地講架啦! 呢班機d 客都算ok 的, 我同佢地講完, 佢地的笑容都幾無奈, 不過又冇話要投訴, 就算佢地要投訴, 我都係無能為力啊!
有些乘客, 可能坐慣我地公司機, 一同佢地講, 佢地係完全明白, 同我講一聲 "唔緊要...", 實在太感動啦!
做完service, 又係bar sales 的時間, 不過今次的確遇上一點困難...
15 July 2006
半日shopping
2006.07.15
訓左成15 個鐘, 雖然發左幾個惡夢, 但街街始終都要出既..
起初我打算去sightseeing 既, 但因為天雨關係, 我暗自取消了...
11 點鐘, 約左兩位同事去lunch, 起初我真係好單純咁諗只係去lunch 既, 點知原來佢地打算打埋街街, shopping 一下喎! 既然佢地想, 我當然會奉陪啦! 哈哈!
順帶一提, 孤菇我其實唔係鍾意行街街既人黎, 我都唔知點解我冇呢種癮, 我反而鍾意周圍sightseeing一下...就算去幾多次都唔厭個隻...不過間唔中shopping 一下都唔係一件壞事黎既..
因為我咁樣, 有時我好懷疑我身邊的朋友會唔會覺得同我行街好悶呢?
因為孤菇我只係鍾意window shopping!
入番正題啦! 我地酒店係51 街, 而我地想去lunch 的地方就係32 街, 比著平時, 我一定坐 subway, 不過既然又要shopping, 我地就沿住5th ave 咁行落去啦...
Subscribe to:
Posts (Atom)