重遇

2007.04.29 to 30

第 258 次飛行

這班機, 我重遇兩個人....

第一位就是以前同我一齊讀college 的同學, 我記得我綴學的時候, 同事i 對我說佢都會in 空服, 想不到我們3 年半後的今日重遇了, 因為佢剪左頭髮, 加上我認人係比較差的關係, 所以係briefing room 內, 一直都唔認得佢...briefing 完左, 佢問我以前係唔係在某college 讀...之後我就記起了....在這種環境重遇, 真係有點搞笑...傾傾下, 先知原來我綴學後, 佢去左隔離公司做, 直到年半前先過黎呢邊做...回想番, 咁就已經3 年幾4 年了, 時間真係過得好好好快!

另一位我重遇的人...就是前一個blog 我說過的阿哥...其實我大慨都估到今次重遇佢會係點...但想不到, 情況比我想像中差...首先要多謝上主咁保佑我, 我最後被編係中間的galley 工作, 而阿哥就編左係後面的galley 工作...真係要 thank GOD!  雖然係咁, 但由於我地兩個都係 economy class 做, 始終遇見的機會比較大...可能大家都唔知我同呢位阿哥發生過乜野事, 大家search 番上年9 月25 日那篇blog 就會明白了... 

少了一個人

2007.04.27 to 28

第 257 次飛行

繼上一班新加坡機, 少了一位同級同事後, 今日回到公司, 再一次, 又少了一位同事, 不過今次是少了位紅姐!

本來 兩位紅姐在經濟客艙, 但今次就只有一位了....

壞消息係兩程都幾full, 好消息就係今次去東京, 去同回來, 都有成至少3 小時讓我們在人手不足之下慢慢磨...

另外還有一好消息就係, 這次又遇到很好的老總, 她兩程都有落黎經濟客艙, 暫時做了另一位紅姐....

奪命新加坡來回

2007.04.26

第 256 次飛行

今日就做左上個月同飛女swap 既新加坡 turnaround...

係 briefing time 前一個鐘就回到公司, 有時那麼早回到公司都有好處, 可以食下野, 同埋去搞一d 平時冇時間做的事, 今天終於有時間去uniform section 拎張單去買對新鞋了...

 望住自己而家個對鞋, 都可想而知我份工係幾咁辛苦...

係 briefing 前一小時, 睇過下個crew list, 原本15 位空中服務員, 只有10 位空中服務員的名字係個list 上面...都心知不妙...結果係, 少左一位同級的同事, 但班機就full load....

這4 天，很漫長!

2007.04.25

第 255 次飛行

到了今早, 燒退了, 但輪到肚痾, 同埋依然嘔....我發覺而家次次發完燒, 個肚都會唔舒服, 可能d 菌又入左肚啦...唉....今早我早左成半個鐘就去左lobby 集合, 因為我唔想再對住個洗手間....同埋好想快d離開呢度...

與蚊同眠

2007.04.24

第三天

凌晨時分, 我從熟睡中醒了, 訓醒後, 第一種感覺就係塊瞼好痕, 之後去了洗手間, 望到鏡中的自己, 嚇了一跳! 我右邊臉俾蚊針了8 大粒! 仲要粒粒有成5毫字咁大粒! 而且越來越痕, 又紅又腫, 因為我一向都唔惹蚊, 所以冇帶對付蚊的藥膏...當時成半夜4 點半, 我係無辦法之下打電話俾同事c, 然後立即借左支無比滴來塗..同事c 一開門, 都俾我個樣嚇死..

..一路上, 我都覺得奇怪, 點解隻蚊只係針我的右邊臉...回到房, 我望望張床, 驚見有成1 蚊大的蚊訓左係個枕頭的右下角...咁即係呢幾個鐘, 我都一直同隻蚊同眠? 當我想像隻蚊訓緊的時候, 係我右邊臉咬完一下, 再咬一下, 真係覺得好噁心... 

檳城 shopping day

2007.04.23

第二天

今天有同事去浮羅交怡, 有同事去了附近的 resort...而我呢? 最後都決定取消原定想去的浮羅交怡之旅, 並沒有感到可惜, 因為這次他最後也沒有來, 而我依然怕會皮膚敏感...起初想租車係city 行一轉, 但實在太貴, 加上concierage 叔叔很好人, 他問我下次幾時會才來, 可以到時車我周圍去喎, 他還說, 又可以待他放工後, 車我周圍去..我只係俾車油費就可以了...真的謝謝你了....就這樣, 昨晚與concierage 叔叔傾到成凌晨3 點...實在有點誇張, 不過佢講得咁開心, 我又唔好意思話走...

乘客，敬請合作!

2007.04.22

第 255 次飛行

第一天

近來聽同事說, 馬來西亞機現在比新加坡機更難哽, 上了機後, 深深體驗到...

客人一上機, 幾萬雙手要求要枕頭, 毛毯, 雜誌, 報紙...同埋.....一杯杯水......真係仲忙過做新加坡機...不過大部分客都很好人....

本來可以係指定時間起飛的, 怎料到最後一分鐘, 有乘客冇上機, 結果滑行中的飛機, 要回到停機坪, 卸下那位"沒有出現" 乘客的行李, 才可以起飛, 就這樣, 遲了整整30 分鐘才成功離開香港....

做drink service 的時候, 好多客人都問我一會兒是否有餐食...這個當然有啊! 一路上, 都沒有什麼特別大問題, 只係我既zone有位男乘客, 死都要飲 perrier, soda water 都唔肯要...仲要發我脾氣....唉...

Senority (下)

2007.04.19 to 20

第 254 次飛行

第2程由曼谷去新加坡, 同事們都好好, 但反而班客就麻麻啦! 成 2/3 都係國內同胞...可能對得佢地多, 平時既煩我已經麻木左, 不過我的 partner 同事m 似乎唔太習慣, 佢派tray 派到發癲...係發癲到我都有d 驚, 其實我都明白同胞係好煩, 飽又要多個, main course 又要食多個, 同埋個個都要食" 米飯!!!", 我只好向同事m 說, 問他們要豬肉定係魚肉就可以了, 如果你問他們要豬肉飯定係魚配薯菜, 佢地一定要飯啊! 同事m 派派下好激動, 因為個個扯住佢唔放, 乜都要多d, 同事m 係咁話: " 我沒有啦, 都話沒有啦....一人只得一份! blahblahblah..." 我見到咁, 問了一句: "不如我幫你交換, 我派tray 啦..." 最後都沒有交換...繼續做下去...派餐期間, 我有同佢的領隊解釋, 她笑笑口就明白...而佢都有叫佢的團友唔同再問我地拎野..基本上, 同胞煩的程度, 我都接受到, 唯獨是 60 H 那個男人, 真係令我好想立即開機門, 丟佢成個人出去!!!  佢死都要多份餐, 但問題係我地既餐未必夠, 咁我同佢解釋, 派哂餐有多會俾佢...點知佢話: "今日機上面有咁多空位, 餐一定有多啦.." 我說: " 餐的數目是按照乘客的數目, 而不是按照座位的數目!", 另外, 又成日按 call light, 按一次便夠, 但佢係咁一次過按好多次...最後當然俾我好好教訓了...而且最後雖然有餐剩下, 但我都冇俾到60 H 那男人, 我亦同阿姐解釋點解唔俾得佢, 因為俾得一個, 一定會仲有好多人都話要多份, 後果不碪設想...

Senority (上)

2007.04.19 to 20

第 254 次飛行

一大早4 點半就起身, 準備5 點鐘standby, 4 點半check 過電腦, 冇duty 俾自己, 同時又見到仔仔仲online 做緊野, 就一邊傾, 一邊standby, 再一邊化妝...哈哈!

等到5 時50 分, 公司打電話黎俾duty 我, 要我 7 時25 番公司 briefing, 仲問我有冇問題, 我可以話有問題嗎? 你唔好再遲d先打電話黎?  因為如果係 briefing time 前個半鐘內公司打電話俾duty 我, 我就有得claim taxi, 但公司而家係 briefing time 前1 小時35 分鐘打俾我,  平時 7 點25 分 briefing, 我一定要最遲5 點25 分就要出門口, 那時差不多6 點, 坐巴士一定趕唔切, 坐的士又冇得claim 番...你話我嬲唔嬲?  最後死死氣氣坐200 蚊的士番公司...

回到公司見到昨日與我一齊飛 新加坡的同事, 佢地分別call 左去宿霧, 同埋曼谷呀!!!!! 點解call 其中兩位同事去曼谷, 但我唔係其中一位呀????  結果我去左邊? 又係個度....昨日先係個度番黎, 今日又要去既.....

Dinner in Geylang

2007.04.17

今日又約左新加坡的朋友去 dinner...本來去食蟹既, 但因為朋友臨時有事, 到他來到時已經有點夜, 加上第二日我又一大早走, 所以到了近一點的 geylang 晚餐...

這人個蠔蛋, 味道都唔錯, 不過如不幸食到d 辣椒粒, 就會辣到飛起! 雙唇頓時感覺似孖潤腸...

 

拍空服照可以嗎?

2007.04.17 to 18

第 253 次飛行

本來今日的 pattern 係 4 日新加坡, 再去斯里蘭卡, 但因為上個月尾斯里蘭卡爆炸, 所以公司暫停了去斯里蘭卡這航線, 直到今個月22 號再重開...亦因為這樣, 我這4 日pattern 的機, 就變左一班新加坡 overnight + 兩日standby...唉, o岩o岩先standby 完, 又要再standby...嗚嗚嗚...

講番班機, 今次唯一令我印象深刻既, 就係去新加坡個程, 我地做drink service 既時候, 有位中國同胞光明正大拎部相機出黎係咁影我, 影影下, 影埋對面走廊的同事m...同事m 見佢拎部相機影我的時候, 好大聲叫佢唔好影..但佢仲影影影...同事m 好嬲, 要那位客人delete 左d 相, 但國內同胞用的唔係數碼相機, 而係菲林個隻...最後同事m 對老總說了, 而唯一我地可以做既就係寫份 report 番公司...同事m 好激動咁同我講: "佢頭先係咁影你呀!!! 嬲到我呀....立即叫佢唔准再影!", 這位同事m, 兩年前同佢飛過, 因為那次是飛南非 6 日pattern, 所以我地仲記得對方..

巴林4 日之旅 (下)

2007.04.14

第 252 次飛行

第四天

回程, 要做兩個sector, 第一個sector 只得45分鐘, 由巴林去沙地阿拉伯的利亞得...大部分都係中國同胞, 但有時都唔知佢地唔識英文點係中東地方生活....

去到利亞得, 就係我地一班空服最眼訓的時候, 係利亞得transit 的時候, 因為當地機場保安的條例, 所有過境前往香港的乘客要留係機上等候, 所以機上都聚集左好多乘客, 好多客都問我係機上食唔食得煙, 當然唔得啦, 之後就問我去 airbridge 食得唔得, 當然又唔得啦....總之我每次係佢地身邊行經過時, 佢地都會問我食唔食得煙, 又成日問埋我partner, 我partner 俾佢地問問下, 開始有d 猶豫, 於是我同d 客講: 'even u ask me this qs a thousand time, my answer is still "no"....', 終於佢地再冇問過我啦....不過係利亞得上機的乘客, 又係問我相同的問題...唉....

同事們說這班回程機通常好多菲律賓人, 所以應該唔難做, 點知上機既, 90% 都係中東人呀~~~! 我都心知不妙...結果好多事都發生了....

巴林4 日之旅 (中)

2007.04.12 to 13

第一天到左酒店收到的壞消息, 就係我地將會住的二樓, 會進行裝修, 亦即係我地休息的時候, 將會聽到二樓房間的裝修聲....空服係flight 同 flight 之間, 真係好需要充足的休息, 裝修的嘈吵聲真係好影響我地... 酒店又唔肯同我地調房, 激死我地啦!  我地將會係酒店留兩日, 分別係星期四同星期五, 酒店 promise 我地星期四裝修時間係10 am - 5 pm, 而星期五係個邊的休息日, 所以唔會有影響....雖然係咁, 但已經造成一班空服的不滿....

巴林4 日之旅 (上)

2007.04.11

第 252 次飛行

第一天

差不多兩年冇到巴林, 上年公司roster 俾我, 我swap 走左, 因為第一次去巴林時, 被 40 度就高溫嚇怕了, 但今次, 又因為某d 原因而 swap in 左, 踏上往巴林之旅, 由於兩年前到巴林的感覺不是太好, 所以今次都沒有抱什麼大的期望, 只係想快d 去到巴林, 訓番夠, 因為我已經飛了連續五天了...很累呢!

前幾天, check 到某位新升的老總swap in 了這班機,曾經聽同事說佢"有d麻煩野", 所以入 briefing room 時, 真係有d 驚...一入 briefing room, 果然有同事都講起佢, 搞到我地做細既, 仲更加驚...

老總做完 section leader briefing 後, 就全體咁再做多個briefing...我地最低級的同事, 一共有7 位, 佢會問一人一條 service 問題:

Love Seat

2007.04.09

同仔仔出街, 每一次總會有點驚喜...

今次因為仔仔有好多野要做, 所以我地出去食個飯, 就要回去...本來不是去下面呢間dinner 既, 但仔仔唔記得係屋企拎番張卡片, 於是我地兩個一邊搭的士, 佢就一邊望下街上面有冇乜野餐廳可以dinner 去...終於搵到下面呢一間, 餐廳的名字我就唔知啦, 只係知好正!

首先有日式湯...

 

再戰曼谷

2007.04.09 to 10

第 251 次飛行

今次的目的地係曼谷, 不過又係要經一經新加坡, 在一個多月來, 已經做左4 次呢個pattern, 就 黎合埋眼就識做...同時, 有d thai 姐開始認得我呢位bangkok based...我說了原因後, 佢忽然間好似同我o岩key 左...

一上機, 上班機的同事都未走, 我聽到上班機係 463, 立即想起貓生都係那班機上喎, 哈哈! 估唔到會係呢個情況下見到你... 另外, 我仲發覺那班機, 好多同事都記得自己...

落去個兩程, 即係 香港去新加坡同埋新加坡去曼谷, 都只係得一百位乘客, 所以都冇乜特別事發生, 唯一要講既係, 呢個幾月, 做4 次呢班機, 有一件事係新加坡去曼谷呢一程成日發生既, 就係國內同胞同埋阿珠媽成日都當左洗手間內既"召喚機艙服務員" 掣係"沖廁" - "flush" 掣...搞到佢地次次去完洗手間, 我地都要reset 一次...

靜靜的

2007.04.07 to 08

第 250 次飛行

本來今次是去大阪的, 因為那班機上有位同事我不太喜歡, 所以就由大阪轉左去福崗...

這次調動也不錯, 因為同事們很好...

由於復活節假期關係, 4 程機都係full load, 乘客就由港日台包辦...雖然旅行團頗多, 但感覺上, 佢地比我平時做開的旅行團乖啊! 而 service 上並沒有出現什麼大問題, 兩位阿姐都超級好人...

今日去到福崗並冇與其他同事一齊食野, 因為佢地又食拉麵, 又要燒野食, 自己又想早d行完街, 食完野回酒店, 所以選擇自己一個人走...見時間尚早, 我去了遠一點的 pharmacy 行下, 再去食野, 次次黎都會去一蘭食拉麵的, 今次就例外, 自己一個人, 很想試下隔離個間咖喱飯, 同事果然冇介紹錯, 真係好好味呀! 同埋店內的兩位日本妹妹, 真係好 kawaii... 食完飯, 係supermarket 逛一陣就回酒店...

好心煩．要靜心

2007.04.02 to 03

第 249 次飛行

昨晚9 點就上左床訓, 因為第2 天5 點就開始 standby!

4 點半起身, 又見到有 acknowledge, 例牌, 換好衫, 化好妝, 等公司5 點打電話黎, 一邊等, 一邊係度諗會call 我做乜野機...又有諗過會唔會call 我去曼谷呢? 因為前一天我check 過我classmates 會係那班機上, 而我知道我classmates 勁唔鍾意做那班機的, 如果佢port sick, call 我去做就好了...

到左5 點, 公司打俾我, 真係做那班曼谷機...而我classmates 真係port 左..

於是我standby 的最後一班機就係去左曼谷...

情"飛"首爾

2007.03.31 to 04.01

第 248 次飛行

10 點半起身, 有 acknowledgement, 卻因為11 點開始standby, 我死都唔 acknowledge 住, 寧願換好衫, 化好妝, 等 11 點公司打黎叫我番工...

終於11 點打來...原來去首爾, 次次聽電話, 都覺得有點似睇下中乜野獎的感覺...聽的時候緊張, 聽完就鬆一口氣...原來孤菇要去首爾...