發火了...

2008.12.27 to 28

第 381 次飛行

唔知點解, 呢兩日係有點黑仔.....

這一日, 我如常回到公司返工....見到老總同埋BO (briefing office) 都好緊張....我聽見BO對老總說: "總之你地一係幾個人坐的士去機場, 一係坐是旦一架巴士都去到機場架啦...", 老總說: "等我同d 機頭商量下先...." BO 說:"要快架啦....d crew 要早過d 客上機...blahblahblah..." 那班好像是新加坡機來的....我聽完後, 都覺得怪, 但那時仲未知發生乜野一回事.....只知道公司好像有點混亂.......

之後我如常入去briefing.....想不到一向比較easy going 既菲律賓國籍老總, 今次呢個係例外.....淨係問service 既問題, 已經問了差不多半小時.....
仲要孤菇答錯問題....佢問了3 個問題, 佢問孤菇....如果你on ground check washroom, 發覺唔見左soap 你會點搵邊個...我答了 "cleaners" 直覺話我知, 洗手間呢d 野梗係搵cleaners...點知老總話: " u are wrong!!!!" 之後佢再叫我答多次, 我想說caterer.....但.....諗落好似又唔o岩咁.....最後我都冇答, 等佢講....真係caterer...............
 之後佢問了其他兩位同事有關 children's game 同埋economy class 既客 request  business class entree 的問題....好不容易, 個briefing 完左....反而 safety qs 一條都冇問過.......

酒佬客機

2008.12.22 to 24

第 380 次飛行

聖誕前, 用了兩班short flight 換左一班3 day perth 黎做....

去個程好full....d 客都冇乜野....係飲得好鬼勁.......飲到臨landing, 得返半支紅酒, 白酒沽清.....

同事還說: " 仲有半支淨已經算好啦....!!!!"

去到已經半夜....由於同幾位同事一樣, 都已經好幾年冇黎過perth, 有位比我年資多既同事仲係第一次黎呢度.....所以我地都相約一齊出去lunch.....去左foodcourt 食...因為perth 係夏天的關係, 烏蠅都特別多.....你一邊食野, d 烏蠅一邊係側邊騷擾緊你.....>.<

在墨爾本打敗仗

2008.12.14 to 17

第 379 次飛行

這次墨爾本之旅, 真係非非非常難忘!!!

 

本來想說說機上那些同胞麻麻煩煩的事....但那時點都冇諗過落左機仲有件更加嚴重既事發生....
個日差唔多到墨爾本的時候, 因為澳洲 quarantine 都幾嚴, 所以我冇帶野食入境, 而我又怕自己一陣返到酒店房會餓, 所以落機前與同事一齊食entree....係食左自己一向都好鍾意既雞肉陳村粉.....我地幾個仲一人食左兩個.....

返到房.....沖完涼, 覆下d sms, 點知發覺部手機hang 左, 睇唔到d msg, 後來仲連開機都開唔到....最後係研究到張 sd card 應該壞左......唔知係唔係個人緊張同急得濟, 個胃又開始痛起黎, 咁因為我好多時都係咁, 我不以為以....但再隔一陣....覺得個胃越來越辛苦....仲開始痾同想嘔.......

我不是接線生

2008.12.08

話說我仲有好幾個鐘就要係紐約起程回香港....而通常我地呢d 飛人都會係report duty 前訓返幾個鐘充下電咁...而孤菇都唔例外....

點知係我最熟睡時....電話響起......"o都o都.....o都o都..."

我係半醒的狀態拎起個電話聽.....

紐約聖誕月

2008.12.07

本來不打算外出....因為紐約的天氣真係好凍, 得零下4-5 度.....冇風吹埋黎都好d, 一吹真係勁凍.....

但有位同事提議去睇聖誕樹, 咁難得12月黎到紐約, 都應該出去睇下, 感受下紐約既節日氣氛既.....

首先我地去左 rockefeller centre 睇聖誕樹, 但唔知係唔係日抖關係....我覺得不外如是......但我相信夜晚既聖誕樹應該幾靚....因為我睇到張rockefeller 夜晚聖誕樹著左燈既 postcard.....

睇左一陣, 真係太凍啦, 去左 Godiva 買左杯 hot chocolate 飲, 好好味呀!!!!!

一點點無奈

2008.12.06 to 10

第 378 次飛行

紐約機一向都多小朋友....但今次真係幾攞命....首先d BB 喊極都唔停....二黎d 阿媽唔識湊仔.....又再一次唔明點解點解可以成15 個鐘頭機, 都可以唔帶奶俾bb 飲.....又有個bb 有過度活躍症咁...不斷係 cabin 內走黎走去.....甚至有bb竟然唔驚死坐係aisle 上......我地個cart 駛緊埋去都唔知驚.....

不過最無奈都係下面呢個case.....

話說差唔多做第1 個service 時....有對父子去洗手間.....但佢地係打開門咁去....而我地既洗手間係正galley 隔離.....講真, 唔係太合衛生....隔左一陣, 仲開始有一陣惡臭.....

大假後的第一個地獄之旅 - 孟買

2008.11.29 to 12.03

第 377 次飛行
 

放完大假後, 第一個要出勤的地方就係o岩o岩俾人炸完的孟買.....

 

果然有好多同事怕左做孟買呢班機, 因為我的galley 內, 除左我同阿姐外, 另外3 位同事也是call standby.....

而我要多謝曼谷機場的關閉, 令我地可以飛左曼谷呢個站, 直接飛去孟買....亦因為咁, 由原來 full load, 變到得返 130 幾個客.....

 

好快就做完一個service.....而麻煩的客人永遠都存在.....而他當然又是indian 一位......

暢遊埃及 - 第八天 & 第九天

2008.11.27 to 28

開羅(Cairo)--> 吉薩金字塔(Giza Pyramids)--> 獅身人面像(The Sphinx)--> 開羅市集--> 多哈(Doha)--> 香港

早上, 吃過早餐後, 因為塞車的關係, 所以旅遊巴遲了一點兒才來到....立即出發去第一個景點 - Giza Pyramids 吉薩金字塔....

這個已有五千年歷史的三大金字塔，分別屬於父親 Khufu, 兒子 Khafre 和孫兒 Menkaure....

下面兩張圖片就係The Pyramid of Khufu...是埃及最高最大的金字塔, 外表原本還覆蓋著一層打磨過的光面圖拉石灰岩，但因為被沙漠的風沙所侵蝕, 所以如今已完全失去最外層...而呢個金字塔, 由於每天都只限一小人數入內參觀, 所以我地並沒有機會入去看看....

暢遊埃及 - 第七天

2008.11.26

洪加達(Hurghada)--> 開羅(Cairo)--> 薩卡拉梯形金字塔(Sakkara Step Pyramids)--> 埃及博物館(Egyptian Museum)--> 香薰油店

一大清早, 大慨5 點幾, 我地又要集合, 準備出發坐7 小時車前往開羅....這天, 又有導遊小姐又派了一人一個小小既早餐包包給大家享用....

可能訓下又醒下, 所以時間都唔算太難過.....

大慨中午 1 點幾左右, 我地終於入到開羅.....首先第一項活動就係醫肚.....又是燒雞一份....係呢度真係好多謝朋友肯食哂我碟上既羊肉, 俾哂佢既雞雞俾我.....

午餐過後, 我地就進入開羅市,再到第一個景點 - 薩卡拉梯形金字塔(Sakkara Step Pyramids)...

金字塔, 相傳是古埃及法老的陵墓...金字塔主要流行於埃及古王國時期...

陵墓基座為正方形, 四面則是四個相等的三角形, 側影類似漢字的金字, 故稱為金字塔....

薩卡拉金字塔係最早的6層梯形金字塔....

始終係第一個金字塔, 造型真係非常肉酸.....似唔似一舊屎???? 哈哈!!!

暢遊埃及 - 第五天 & 第六天

2008.11.24 to 25

樂蜀(Luxor)--> 洪加達(Hurghada)

吃過早餐後, 我地就開始起程坐4 小時既車程前往度假勝地 - 洪加達 (Hurghada)....

到達的時候, 已經係中午了, 我地去左當地既一間餐廳黎個小小既海鮮餐...可惜我唔覺得好食....仲發生左一件令我唔係太開心既事......我一向都唔係太鍾意分別來自兩pair 人既其中兩位團友.....最唔鍾意d 人好似死搶難搶咁, 但得到既時候, 飲得個一兩啖就唔要.......

anyway....衰開真係有條路....我地食完飯就去酒店 check in....等了差唔多成個鐘先有房....仲諗住開開心心返房(我地住二樓), 抖下, 訓個晏覺啦....

點知我地準備訓既時候, 有電話到.....

暢遊埃及 - 第四天(下)

2008.11.23

樂蜀(Luxor)--> 熱氣球--> 帝王谷(Valley of the Kings)--> 女皇大殿(The Temple of Queen Hatshepsut)--> 萬農神殿(The Colossi of Memnon)--> 卡納克神廟(Temples of Karnak)--> 紙沙草工藝-> 樂蜀市集

今天的行程非常豐富.....吃過早餐後, 就出發去第一個景點 - 帝王谷 Valley of The Kings....

首先我地又要坐d 艇仔去返西岸......因為早上我地去既3 個景點全部都係西岸.....

 

古代既人認為尼羅河東西兩岸，也是生死的界線，西岸是死者通往永生的世界，帝王谷是埃及帝王的埋葬地....

再坐大慨 15 分鐘既車程, 就到達帝王谷 Valley of The Kings....

暢遊埃及 - 第四天(上)

2008.11.23

樂蜀(Luxor)--> 熱氣球--> 帝王谷(Valley of the Kings)--> 女皇大殿(The Temple of Queen Hatshepsut)--> 萬農神殿(The Colossi of Memnon)--> 卡納克神廟(Temples of Karnak)--> 樂蜀市集

呢一日要分開兩個blog 打, 原因係照片太多.....咁多日既行程, 相信今日影既相應該係最多的.....淨係一個小時既熱氣球之旅, 我都影左成 80 幾張相.....太恐怖了.....

我地一人花了150 美金, 晨咁早4 點幾起身, 出發坐小艇去西岸, 再轉車去熱氣球升降的地方.....期間有d 事令我唔係太開心, 就係同行既團友.....因為呢個係自費活動, 唔係個個都會參加....而偏偏另外參加了這個活動既 3 對人兄, 都係我地最唔鍾意既3 對.....唉.....一黎晨咁早就bilibala 講過不停, 重點係佢地講既野都非常八痴.....到負責我地熱氣球升降既 captain 用英文同佢地講解時, 佢地可以唔多明白....吹帳.....

講講個captain, 佢地係拎左渣飛機既牌後, 再考熱氣球既牌....所以都有一定程度既安全.....始終真係有意外時, 都避免不了吧......

我地大慨 6 點鐘到了目的地....等氣球既火ready.....準備升空, 面前呢個紅色唔係我地坐個隻....我地個隻係藍色的....個籃內分為4 格, 一格兩個人, 加埋機師, 一共9 個人.....升空.....

暢遊埃及 - 第三天

2008.11.22

亞斯旺(Aswan)--> 金安寶(Kom Ombo)--> 鱷魚神廟(Temple of Kom Ombo)--> 艾德夫 (Edfu) --> 鷹神廟, 艾德夫神廟(The Temple of Edfu)--> 過水閘--> 樂蜀(Luxor)

凌晨3 點開船, 由亞斯旺Aswan慢慢前往金安寶Kom Ombo.....大慨早上 6 點半就到達....因為船只係停個幾鐘左右, 所以我地要爭取時間上去睇唯一既景點 - 鱷魚神廟 Temple of Kom Ombo....

聽個名就知呢座神廟係用黎供奉鱷魚....這座神廟既右面有一間小小既房間....擺放了幾條鱷魚木乃伊，古埃及人認為這樣是尊重鱷神的做法.....但我覺得好肉酸.....

神廟是一座由兩間神廟互相連接而成的建築...

暢遊埃及 - 第二天

2008.11.21

亞斯旺(Aswan)--:>  阿布辛貝神廟(Abu Simbel)--> 阿斯旺高壩(Aswan High dam)--> 未完成的方尖碑(Unfinished Obelisk)--> 遊船

前一天晚上9 點幾點回到酒店, 已經 10 點就去左訓, 可惜我地凌晨兩點幾就要起身, 3 點集合....出發坐兩個半小時的車程去世界文化遺產 Abu Simbel 出發...而這也是其中一個要自費去既地方.....

在車上還可以慢慢欣賞日出.....不過我十分眼訓.....

 

解釋左點解要咁早去.....因為呢一段路要由 convoy 開路.......咁呢段路一日只有兩個時間會有 convoy....一個係凌晨4 點左右, 另一個好似係下午兩點.....而導遊就早上去會好點, 因為有日出啦...同埋唔會背光....睇既野都靚d, 所以最後大部分人都揀左早上去.....咁因為 convoy 4 點開始, 我地仲要係象島坐船返出去再轉tour bus去集合既地方.....所以兩點幾起身, 搞得黎真係差唔多4 點......而我地個日既早餐, 導遊一早準備左, 就係一人一袋包包, 係車上食......

坐左成兩個幾三個鐘, 大約 6 點半7點到左 Abu Simbel....的入口....

暢遊埃及 - 第一天

2008.11.20

香港--> 多哈(Doha)--> 樂蜀(Luxor)--> 樂蜀神殿(Luxor Temple)--> 亞斯旺(Aswan)

前一天, 我地由香港坐qatar airways 去多哈, 坐了大慨 8 個半小時, 再轉機坐多3 小時去埃及既樂蜀....展開9 日既埃及之旅.....

一落機....就立即去第一個景點 - 樂蜀神殿 Luxor Temple...

神廟始建於公元前十四世紀，用以供奉天神,

黑白雙煞

2008.11.07 to 08

這次到了三藩市, 一如以往, 我都會去我best friend 屋企住....

10 點鐘到左機場, 花了45 分鐘先出到機場, 這裡的immigration 做野係 jfk, lax 同 sfo 呢3 個機場最慢的.....今次只係排左30 分鐘已經算唔錯......有次排左成一個鐘....

再坐車去酒店, 花了半個鐘.....

一如以往, 次次去到呢間酒店, 都要等好耐先有負責我地crew check in 既staff 出現....結果搞得黎到成 12 點.....不過都算快架啦.....

我以極快的速度梳洗好......坐1 點幾的bart 去pittsburg/baypoint, 車程一個鐘.....之後係車程等了一會兒, 終於見到我honey 部車駛入車場.....向我揮手....

惡夢的起源

2008.11.07 to 10

第 376 次飛行

放大假前的最後一班機, 就係起程去三藩市.....

這班機去程係跟 san fran based, 回程就跟番 hong kong based, 起初都怕同d san fran based 唔夾....但大家都好好人, 仲好 respect 我添....galley 內有兩位同事都係第3水, 但拍我個位很驚青.....幸好唔係 full load, 唔係我諗佢俾d 客嚇親都似...

去個程得150 位客人, 但都有成 30 個special meal, 機上都有唔少印度人 (阿差).....其中我個zone 個兩位真係煩得很......1. 永遠都唔會一次過同我講哂佢想要的東西, 要我走完一轉又一轉.... 2. 教極佢地個call light 係點用, 但都係唔識用, 搞到我成日白行一趟....3. landing 前 拎哂d 袋落黎, 仲要放到凸左一半行李係條 aisle 度, 我三番四次叫佢地塞返入去又唔聽....激死人....4. 當captain 叫我地 cabin crew 坐低時, 我係我既crew seat 好明顯睇到佢地兩公婆凸到個身好高去睇街景......一睇就知佢地梗係又unfasten seat belt....結果又要我走埋去話左佢地一大輪....係我面前扣好安全帶.....

11 小時多的機程, 終於到左三藩市...我以極快的速度, 梳洗好, 坐一小時車去我best friend 的家中, 過了兩天......
很快又要回香港.....
回程的情況更慘......

日本 vs 德國

2008.11.05 to 06

第 375 次飛行

簡單的台北來回後, 就係日本 overnight.....

這次飛行, 什麼事都很順利.......係商務客艙工作的我, 遇上很好的老總, 阿姐們, 很好的兩位 partner....

而來回都只係30 左右客人, 也算不錯...

Bar 女

2008.11.04

第 374 次飛行

換完又換, 換完再換.....由我最憎既singapore overnight, 變左一班 西貢turn, 再last min 變左taipei turn....真好....呵呵......

今次有個special duty 就係做bar 女, 賣 duty free.....

兩星期曼谷機 (下)

2008.10.29 to 11.01

第 373 次飛行

來到第2 個星期的曼谷之行.....pattern 差唔多, 只係中間的 shuttle 係去colombo (可倫布)....聽聞前兩日有恐怖襲擊, 所以那班機divert 左去欽奈.....待一會兒先回到可倫布....幸好, 兩天後, 我飛的那班機, 相安無事....我地係 可倫布transit 時仲係機上訓左成個幾鐘.....
今次我係經濟客艙工作, 幸好4 程機都係唔full, 仲好 light loading 添....中間 shuttle, 去個程得 89 個客, 真好.....
雖然來回的飛行時間都只係大約3 個鐘, 但老總勁好地來回都俾我地去rest, 仲話seat belt sign on 先好起身.....(即係 descent 時) 實在太好了......
 呢位老總上次同佢飛 bangkok 都好好人, 今次仲勁, briefing 時, 佢帶左一大堆飲料同埋食物黎請我地食, 之後做shuttle, 又帶左一人一份麵同 dessert 俾我地.....谷肥我地......哈哈!

 

班機唯一令我擔心的是與其中一位同事工作....那件事發生係兩年幾前的 "發發發" 航機上....(如果大家還有印象的話).....那次之後, 我同過那個阿哥飛, 佢不但沒有同我打招呼同介紹自己, 仲成程機都對我黑口黑面, 而這次, 我就是同佢女朋友飛....assign position, 我地仲係partner 添.....梗係有d不自然....不過一場同事, 我會做好自己本份....

兩星期曼谷機 (上)

2008.10.24 to 27

第 372 次飛行

不是去曼谷玩, 而係公幹要去曼谷!!!!

本來唔係咁....原來係roster 我連飛4 日, 仲要有兩班機係 turnaround, 見到個roster 咁密, 係揀到冇得揀的情況下, 換了這班 香港 - 曼谷 - 卡拉奇 - 曼谷 - 香港 黎做...一個sector 一個service, 總好過原本4 日內要做6 個service, 仲要未計兩個a-cart service (即係 pre meal drink service<--- 做咁多年就討厭做這個service 咁多年....)

加上又有少量allowance, 所以都叫係有著數....

壓力來自你....

2008.10.20

第 371 次飛行

最後一日standby, 7 點鐘開始, 仲諗住可以訓住黎等call, 點知唔洗啦, call 左班印尼long turn....
上次做呢班機, 我有d印象係好辛苦............因為成機都印尼華僑, 所以班機好癲.....所以都有d 驚驚.....

但點都唔夠見到老總的時候咁驚.....

 

 尤其是佢係briefing 問 safety 問題時.....好似精神錯亂咁...

好多時, 發覺點解同事會有壓力呢? 一齊都係來自老總.....

背脊好痛

2008.10.19

第 370 次飛行

踏入standby 第5 日, 一早4點半起身, 睇下有冇acknowledgement 啦, 點知冇喎, 係有點意外, 而因為起身時仲係好眼訓, 同埋仲係有d 唔係太舒服, 所以決定唔等5 點standby 開始....拎起屋企個電話上床, 一邊訓, 一邊等standby call....

到左8:45 am, 電話響, 個一刻我仲以為已經過左 standby 添....

 

 原來真係公司打黎......call左班　台北.....唉....仲諗住駁佢call overnight, 唔洗再standby 多日添, 點知call 左turn, 不過都好啦....台北機, 好易做.....好過冇.....

然後真係好感謝屋企人起哂身, 一個幫我買早餐, 一個幫我call 的士, 而我就梗係快快脆脆化妝換衫啦...

飲完最喜歡的凍奶茶, 又係時候上路了......

醒目嗎?

2008.10.17 to 18

第 369 次飛行

等了兩天, 第3 天終於有duty...

看來好似一班唔錯既機, 因為係一班東京overnight....

而今次的配搭就係: 與我同一條aisle 係一位飛了3 個月的來自日本既同事, 而與我同galley 係一位來自馬來西亞的新同事, 今次係佢既"第一水"......她們倆都十分之醒目....

首先說說"第一水" 的同事.....

話說派special meal 時....咁有d 係屬於坐第 3x 行既客, 有d 就係後面個zone, 5x or 6x 既客人....當我地準備去派 special meal 時, 她就說:" i m going to distribute the special meal to those who sit at the aft zone...",當時我 "o" 左咀.....

西雅圖的天空

2008.10.07 to 08

因為行李的延誤, 搞到行程遲了大半個鐘.....所以一去到酒店, 立即梳洗過後就開車出發過美國邊境, 再落西雅圖.......

起初仲以為有美國的旅遊 visa 會易d 入境添, 點知最後都要打指模, 影相, 仲要俾6 蚊美金....唉......真係急越衰.....仲要問埋一d 好鬼死無聊的問題.....

大慨兩個半鐘的車程, 終於到左西雅圖......而去到的第一時間, 就係要搵地方落腳......都算幾順利, 一去到就搵到, 間房仲要對住space needle..........

辛苦．但值得

2008.10.07 to 10

第 368 次飛行

呢幾年做溫哥華機, 變化得最多就係機上多左好多來自印度的朋友們....
除左要水呢個基本需要外, 佢地仲好鍾意調位.....最慘既係我on ground 去左business class 幫手, 所以幫完手返落去 economy class 時, 好多時都係乜都唔知....咁當然, 連佢地自己調左位我都唔知啦....

咁我幾時先知? 通常印度人都會有 order special meal - indian vegetarian....到我派餐時就出現問題....首先有好多 special meal 要派....咁佢地一行5 人, 咁自然有d 會有得食先, 有d 又未派到咁啦....我行多兩轉, 佢地開始叫: "miss...miss...", 再扯我衫袖.....我同佢地講我地有好多special meal 要派, 所以要再等等.....到 special meal 已經派哂, 我再 double check 佢地5 個人, 發覺有一個係冇special meal....這時候, 佢先同我講佢調左位....咁唔怪得你冇餐啦...我取了佢的 boarding board, 同後面6 姐check 番個list, 證明佢真係有 order先俾佢, 不過6 姐叫我記得b 個客....我同個客講, 下次調位而又係order 到special meal 既, 記得同我地講聲.....咁當然...佢地當我耳邊風.....因為到左2 nd meal....佢地又調左去第2 度, 我覺得我成程溫哥華機都好似係度撈魚咁.....煩.....

與感冒菌作戰5 天

2008.09.28 to 10.02

第 367 次飛行

我用3 day 北京機換回來的紐約機, 仲諗住有得去sightseeing 及shopping 一下....結果, 一切都落空了....

第一天

那天起身, 已發覺喉嚨痛, 但並不是那麼嚴重.....

怎料上到機, 做完第一個service, 之後 1 st group rest, 再一輪杯麵大戰, 1 st group rest 既同事回來, 我地就做2 nd service, 到左呢個時候, 已經出現鼻水....最後係我訓前, 同事們叫我不如食兩粒必理痛先訓.....

結果我係個bunk 度, 一邊流鼻水同咳黎度過我的rest period...

起身後, 一點好轉都冇....仲嚴重左....就係咁, 降落左紐約.....

一touchdown, 我立即要入洗手間, 因為d 鼻水已經流左出黎.....好彩我坐係機尾, 冇客見到...=.=
降落到紐約最痛苦的一件事就係 ear block 到去到酒店都未通番.....

我只記得自己一邊坐crew bus 去酒店, 一邊流鼻水......

到左酒店, 有同事話我好似喊緊.....因為d 鼻水搞到我對眼都好辛苦.....

結果我食左check in 送既兩塊餅, 再食d 成藥就去左訓....

任何天氣

2008.09.19 to 23

第 366 次飛行

這班機, 我又回到溫哥華.....(點解講到好似home port 咁?) 冇辦法, 鬼叫呢排真係同溫哥華幾有緣.....
今次去到溫哥華, 天氣唔係太好, 所以都係同d 同事去附近食下飯就房休息.....

去到的第2 日, 成set 香港同事一行7 人+港產機頭 去左飲茶, 點知有間酒樓話要早兩晚 book 位先有得飲, 真係恐怖, 結果我地去左另一間, 個間都幾好食......我只係記得, 我地係咁嗌左好多野食, 我地 8 個人, 叫左成差唔多 20 碟野食, 當中仲有飽, 仲飯, 份量好多, 但竟然食得哂.....真係有d 恐怖....

台北 Split

2008.09.16 to 17

第 365 次飛行

呢一日, 我唔係太開心, 一切都係源於我下個月的 roster.......

加埋一d 其他小事件, 令我笑都笑唔出.....

回到公司, 見到好朋友 Iris, 佢問我係唔係唔開心, 因為好少見我唔笑喎....

是啊, 這幾天, 流了很多眼淚.....

一年後．Whistler

2008.09.12 to 15

去完倫敦後的4 日假, 我俏俏地踏上去溫哥華的客機.....前往我喜歡的加拿大....

 

不同的是.....這次我的身份唔係空服, 係乘客.....

 

到達的第一天, 不忘到了附近的茶餐廳食飯.....然後就休息, 準備第二天的行程....

第二天, 一早去左附近租車, 然後渣左兩個幾鐘頭車去 Whistler....(當然唔會係孤菇渣啦, 如果係我渣, 可能天黑都未上到山...呵呵!!!!!)

差唔多9 點出發, 11 點幾到左......好開心天氣十分好.....

一路上, 都令我好記得上年9 月發生過的事.....

上年9 月, 我做了班奪命888, 剛巧少爺lo 被call standby 又係黎左vancouver, 我地就打算相約join tour 上 Whistler, 點知因為高速公路上有交通意外發生左, 搞到全線封閉, 上唔到山, 不過最慘都係我部相機俾個 tour guide 大肥婆跌壞左.....令我好心痛.......那時, 我決定, 我總有一日要再試上 Whistler....
然後, 原本應該今年11 月與仔仔來這裡, 不過一切一切都已經轉變了.....
泊好車, 就去左買ticket坐 Whistler Village Gondola 上山.....(crew 係有discount 架!!!) 

英格蘭西南部歷史之旅

2008.09.09

已經有成年半冇黎倫敦啦! 今次黎之前做足功課, 一早睇過下d 旅遊書....
到達的第一晚, 雖然已經好夜啦, 但決定都係唔好哂左個機會, 自己一個人報左個tour 去 sightseeing....

只係睡了4 個鐘頭.....
就開始整天的英國西南部之旅.....

其實我本來只係想去睇 Stonehenge, 但諗住順便去埋附近的 Salisbury 同埋 Bath 這兩個地方.....

首先有 tour bus 07:15 pick up 我, 再接埋其他遊客, 駛去 victoria....再轉乘另一架tour bus.....可惜天公不造美....當tour bus 慢慢駛入西南部時, 雨越落越大......我真係唔明白, 點解我次次黎英國都落雨既?!
坐左兩個鐘頭車, 終於到左第一站 - Stonehenge, 位於 Salisbury 以北的一大片草原上....相信公元前3000前年呢堆石已經係度.....最吸引人去睇係因為永遠無法解釋點解呢堆石會係一片大草原上出現....同埋堆石的實際用途, 因為咁樣, 所以亦出現了好多唔同的說法.....

倫敦機

2008.09.08 to 11

第 364 次飛行

係咁多歐洲機中, 我覺得倫敦機係最難做.....因為俾人鬧的次數係比較多.....

今次, 我遇到一位英國佬....
話說我做完我自己個zone, 去左對面幫其中一位新人去2 man cart....當時, 派餐都派到尾聲....

而當時得番 fish with rice 同埋 penne pasta, beef with mashed potato 冇哂啦...如果真係要, 只好heat crew meal....

因為最後好多人都要beef with potato, 所以阿姐只好heat左我地的crew meal....但需時15- 20 分鐘.....

坐 57 AC 一對夫婦, 老婆要左 pasta, 但佢老公堅持要 beef with potato, 咁我只好同佢講: "the meal is heating up now at this moment and it takes aboutt 15 to 20 mins, and i will come back to u as soon as possible..."

點知佢一開口就鬧我: "u ask me to wait again? i have been waiting for so long...."

峰迴路轉

2008.09.01 to 07

第 362, 363 次飛行

又很久沒有打 blog了, 這陣子真係很忙很忙...唯獨是打緊blog, 看見自己的文字, 才覺得自己仍然生存中....

這個星期我去了悉尼, 同埋馬來西亞既檳城....

講講悉尼之旅...有點峰迴路轉....

下午, 我出左街, 公司打左去屋企, 太后聽左, 公司叫太后再叫我check crew direct or 打番電話俾 crew control.....出緊街既我, 打左返去公司問, 真係轉左我pattern, 本來 4 day pattern 既 sydney, 因為 aircraft cheange, 變左3 day pattern.... 

其實本來都冇乜野, 不過一早約左同水泡泡去 blue mt 麻, 所以有少少失落咁....

最後我接受事實, 上班去....., 其實都唔錯, 冇啦啦多左一日假....

Mont St-Michel + Versailles

2008.08.25 to 27

第一天

到達巴黎仲係早上時分...阿姐同埋另外兩位同事都有興趣去Mont St-Michel, 所以我地去左報名....之後我就回房休息.....

 

第二天

我地約了6 am 係 lobby 等, 天都未光就坐的士出去tour 的集合地點......因為之前個晚, 我只係訓得兩個鐘...所以咖啡整天都陪伴著我......

7 點半, 正式由巴黎出發....坐了兩個半小時, 有個中途站俾我地落車抖下, 鬆下, 同埋去洗手間.....但因為同時有成幾個tour 出現, 令到洗手間大排長龍, 起初我地仲諗成半個鐘break咁多時間, 點知淨係排隊都已經排左差唔多半個鐘.....真係唔明, 點解女人去洗手間要去咁耐.....
有幾位日本女士們等唔切, 去左等男廁...真係估佢地唔到...呵呵!
 最後我叫男同事幫我排住隊先, 我睇完我要買乜野, 再叫佢幫我買住先.....我再排番隊.....

上番車, 慢慢嘆我既早餐....

 

整個早上, 我係訓完再食, 食完再訓, 再坐多兩個鐘, 終於到左 Mont St-Michel..............

既 對面ONLY!!!!!!!

 

係呢度, 我地黎個lunch 先.....下面就係出哂名既omelette....但我地食完, 一d 都feel 唔到有幾特別, 可能最特別係隻蛋側邊既泡泡掛......起初我仲好擔心下面隻蛋係唔係就係我地既 lunch, 好彩唔係, 之後仲有 salmon 同埋 dessert.....都算唔錯...

Trump 完都係要做...

2008.08.24 to 29

第 361 次飛行

" Trump 完都係要做!", 係! 呢班機係我trump 番黎, trump 既意思即係一年冇port sick, 就有一張 trump card, 用呢張 card 你可以去揀一班自己鍾意既機飛.....但trump 完又點, 都係要做.....
 最重要就係我trump 呢班機最主要的目的一早已經落空......
 所以我同其他幾位同事相比, 我既興奮程度係大減.....有呢班機, 真係唔知叫開心定係唔開心好.....
這次trump 番黎既機就係 6 day paris.....

 

係同事心目中的 golden flight, 卻用一隻爛機黎飛.....

呢隻機我已經冇耐冇飛過, 估唔到越來越爛..........

被鸚鵡吹了去宿霧

2008.08.19 to 23

第 360 次飛行

這次又回到悉尼....唔知點解呢排去sydney, 個天都唔係太好.....到我地走個日, 仲落起雨黎, 一落雨, 好似跌左成10 幾度咁....好凍....
今次係悉尼又係冇乜搞作....我唔係厭倦呢個地方, 但總係冇mood 出去, 連fish market 都唔想去.....只係不斷係度上網上網....

點知驚見颱風鸚鵡去緊香港....
仲要吹到好正....當時的我, 好擔心呢班機之後自己trump 番黎個班 6 day paris.....

如果返唔到香港, 好大機會會cancel 左我班paris, 嗚.....
 雖然同事都話如果真係不幸發生左, 公司都會俾番我, 但始終都係擔心麻....
 萬一佢pull out 左我, 我要standby 成5日.....我唔制!!!

終於到左回程個日....

無悔

2008.08.17

第 359 次飛行

本來今日又roster 同另一位難頂既老總飛, 但因為上班機的關係, 我唔想再同多一位難頂既人飛, 結果我臨時用日本overnight 機, 換左班札幌turnaround 黎做....

起初我都怕自己有d 後悔....因為我真係好想去日本買野....

點知....出奇地我好開心喎!

最後今次 - 阿拉斯加冰川之旅

2008.08.09 to 10

有 blog 友估中了, 我來到兩年沒有黎過既 Alaska - 阿拉斯加.....

因為公司下月16 號就會停飛 香港 - 阿拉斯加 - 多倫多 呢條航線, 所以今次睇怕都係最後一次黎.....

好多謝公司俾左呢班機我.....

善變

2008.08.09 to 13

第 358 次飛行

今次飛...同top 10 飛....其實佢已經好左好多...但女人真係善變既....

去個程 full load, 但大家都相安無事....

但回程, 唔知係唔係同事講既原因: "佢已經再唔需要我地同佢sightseeing....", 所以一反常態....變得好煩.....

回程, 佢同我2 man cart, 幫我做drink, 其實咁唔係問題, 但我總是不明白, 點解佢係都要我問d 客飲乜, 佢自己又唔去問囉....因為d 客成日以為我問完, 就俾drink 佢地, 但事實係老總俾drink, 我繼續派main course...搞到d 客成日叫住我, 結果又要我哂d 時間去解釋....唉.....

話說有個客要whisky with sprite...咁我同老總講啦, 點知佢同個客講而家serve 緊 breakfast, 一陣先俾佢地.....之後返到galley, 就同我講, 一定要我做哂 tea 同 coffee, 做埋 collection, 先可以俾 whisky with sprite 佢地... 其實回程得141 個客咁既loading, 做乜搞到咁麻煩喎? 個客想要地俾佢囉.....又要我記this and that.....

重要的判斷

2008.08.04 to 06

第 357 次飛行

放了一日假, 繼續我既飛行生活....
這次又回到悉尼....(不得不承認, 呢幾個月我真係成日去悉尼, 去得仲多過去旺角....)

雖然今次去悉尼只係 3 日的 pattern, 但發生左d 不愉快事件.....

話說去個日, 我地班機飛左個幾鐘, 就遇上了北冕呢一位風后....

曼谷變札幌

2008.08.02

第 356 次飛行

本來呢班機我係去曼谷overnight, 點知前一晚, 收到公司的 acknowledgement,  因為轉 aircraft 的關係, pull out 左我, 變兩日standby....最出奇既係....今次再俾公司pull out, 我竟然一d 可惜都沒有....

因為 standby 7 點先開始, 我6: 15 分起身check 下有冇機俾我, 點知真係有 acknowledgement喎! 同埋 神奇地, 我未acknowledge 前, 已經係 flight preparation 見到自己會做邊班機....
( 好明顯公司個system 又蠢番....)

一睇...係一班札幌turnaround, 仲要係 charter flight (即係旅行團個d包機) 最開心係我做business class, 仲要只係用 economy class service 去做....實在太好了.....

仲唔立即 acknowledge??? hehehe....

歡迎閣下蒞臨欽奈~~

2008.07.28 to 31

第 355 次飛行

"歡迎閣下蒞臨欽奈~~!!!" <----點解要我做announcement....???
 我讀完個地方名, 老總同坐我對面的partner, 係度笑....
 
唔明點解笑唔緊要, 你地試下讀一次, 同埋試下諗下d 衰野就可能明.....

 後來同事仲調番轉個地方名黎讀.....
 
可想而知我地好無聊.......
 

講番班機....去個程, economy class overbook 左成30 個客, business class 應該得12 個客, 我地 full load economy class 應該係 267 個客, 但最後 economy class 只係得255 個客, 但ground staff 竟然upgrade 到business class 有成 26 個客!!!當中俾幾個upgrade 客玩死我地.....

 

由cocktail service 完左, 到meal service 正式開始, 做左起碼多過3 杯既whiskt with soda, whisky with coke, bloody mary, 最奇就係 cognac with WARM water!!!!
做到我同我partner 開始爆粗......

名古屋氹氹轉

2008.07.27

第 354 次飛行

這天, 飛完一轉名古屋turnaround, 我好唔鍾意做turn, 但冇法, swap 唔走, 頂硬上.....

不幸地, 全機full load....

好多香港人....一團一團的tour, 一上機....

" 小姐, 唔該我要 blankets..."

" 小姐, 我要沈頭....要兩個..."

點到我頭都暈.... 對面aisle 的同事c on ground 時去左business class 幫手, 而佢partner 架姐只係飛緊第3 水, 真係 cannot expect too much....同事c去前面幫手前, 叫我得閒睇下佢個邊, 咁我自然都有睇, 不過唔算幫到佢太多.....加上我partner 都新新地....她是ok 的, 但依然有很多工作未熟習....

未take off, 已經好累.....

歡迎你坐星航

2008.07.19 to 23

第 353 次飛行

今次已經係第3 次去多倫多.....最深刻睇怕都係今次....

首先去個程, 經歷左歷時兩個鐘頭的氣流....我係機尾, 見氣流好勁, 唔理三七廿一, 坐低左先, 但我見到好多好鍾意冒險既客, 唔理自己生死, 繼續覺得去洗手間大過天.... 我講到口水都乾, 佢地都要去, 咁佢地要去死, 我都唔會阻佢地.....講到後來已經唔想再講.....後來連機頭叔叔都叫cabin crew, pls take ur seat....都仲係好多人要去洗手間..... 就係咁, 我坐左差唔多成個鐘, 我隔離個位同事, 坐坐下已經訓著左...haha!  而因為機尾好搖, 所以有 call light 我都未去應住, 因為我真係唔知點行去應囉.....點知我一邊坐, 一邊見到阿五姐去應call light....佢應應下, 忽然走入黎我個galley, 叫我去 answer 下d call light....我立即面色有變....我唔係唔想去應啊, 咁搖, 加上 captain 都叫我地 take a seat, 點解係咁危險的情況下仲要去應d call light 呢?  不過佢咁叫到, 死死氣氣都要去應....後來仲要去水....五姐話如果太搖佢自己一個去水都ok, 但我又點會俾佢自己一個人做哂喎? 佢做, 唔通我唔做咩? 最後都係係一個幾搖的情況下去水....我覺得自己冇倒瀉水真係好勁....

識少少, 扮代表

2008.07.14 to 17

第 352 次飛行

好耐冇打blog 了, 因為真係好忙好忙, 同埋好累.....

飛完班奪命新加坡, 接著第2 日係4 日sydney pattern....去到 sydney, 真係要好好休息一下... <---我係咁同自己講.....

點知....估唔到, 一班簡單的sydney 機, 我遇上一位我不太喜歡的同事....

這班機, 又是有兩位新人, 一位 07 年 9 月join, 一位 08 年, 只係飛左兩個月,  佢地兩位被編埋做同一條 aisle....而我的partner 就係一位05 年一月join 的舊人...

雖然我已經做左好幾年, 但我依然都覺得仲有好多野要學, 所以我永遠都會謙虛地學習....更何況是新人呢?!

令我深刻的

2008.07.12 to 13

第 351 次飛行

這篇blog, 我只想快快咁打完, 因為呢一刻我真係好累....累透了.....

今日一大早未7 點就回到公司....去左sign in, 要抄crew list, 呢個時候, 見到有位同事y 與我同時到違公司...當時離briefing 仲有 45 分鐘的時間, 點知同事y 返到公司, 第一時間唔係去sign in, 而係走去同係 BO 做野既同事說: " 我o岩o岩返到公司, 但我好唔舒服, 我想而家port sick!!!", 抄緊名的我, 見住兩程機都full load, 仲俾我親眼見到同事y 係自己面前 port sick....真係有點兒嬲....我望一望佢....講真, 唔覺得佢係病....anyway, 我估佢唔係o岩o岩先知自己唔舒服掛.....咁點解唔一早port sick 呢?   之後我去check 佢roster, 原來佢昨日已經port 左一日, 咁即係昨日都已經病左啦, 如果未好番, 唔該早d port, 唔好咁玩我地, 好冇? 這位同事我同佢飛過起碼兩次....所以我已經認得佢, 加埋今次佢咁經典, 我諗佢化左灰我都認得佢...哈哈!

入到 briefing room, 3 位阿姐port 左sick, standby 既阿姐仲未黎, economy class 一位阿姐都冇....睇黎阿姐都好驚呢班機....咁又係既, 我都有d 驚.... 而同事y port 左sick, 我地7:25 briefing, 公司7: 20 先call 人返工, 最後見到3 位阿姐同埋replace 同事y 的妹妹趕住係未 take off 前上機....終於係 boarding 時, 我見到佢地的踪影...真係辛苦哂!

Standby 最後一call - Taipei

2008.07.08 to 09

第 350 次飛行

原本11 點鐘開始 standby, 但10 點幾已經有 acknowledgement, check 完, 原來係 taipei overnight, 都係我預計中, 因為呢個月我已經爆哂鐘.....

本來做taipei 係一件開心事, 點知我check 到自己做business class, 咁都算, 後來俾我發現仲要做隻新機 777-300 ER 機, 仲要economy class overbook 左成70 個客, 咁即係business class 將會有成 57 個客, full load......(當中有成一半係 upgrade 客...), 我開始又明點解d crew 會port sick 了.....都話公司唔會咁好死架啦....嗚..............

 

 今次仲要做埋 cantonese announcement....轉左個新version...未讀過....

standby 第一天 - Sydney

2008.07.03 to 06

第 349 次飛行

又一星期standby....以為公司唔會call 好野, 又諗住夜晚standby, 好少會有call....standby 前又冇acknowledgement, 仲諗住今日會白賺添....

等到20:50, 電話響, 我心諗, 唔係掛......

 

 真係要飛........
 " 你係唔係xx 小姐? 有duty 俾你, cx 1xx, 去 sydney, 今晚22:25 briefing... xx 號番到香港, 之後兩日繼續standby...byebye"

收左線, 仲以為有得claim 的士.....點知....仲差5 分鐘先有.....嗚........
 公司...你對我真係好.....好到冇人有....嗚.......
 

最後我要捱貴貴的的士錢回公司......

好rush, 真係好rush, 估唔到會係 long flight, 仲要係 sydney, 首先要將我執好的野倒哂去suitcase, 之後要執冬天衫.....再 sms 俾係sydney 讀緊書的好友水泡泡.....估唔到佢好快手打個long d 電話俾我.....我邊食緊爸爸煲俾我的蕃茄薯仔湯, 一邊同佢傾電話....

 我仲話: "唔同你傾住啦, 我真係要走..byebye..."

曼谷夜

2008.06.29

今次仔仔同我補祝生日.....去左曼谷NO 1 的意大利餐廳食野....而我都特登帶左套晚裝去.....

係呢間餐廳食野, 可以影相, 但只可以連人帶景影, 唔可能只係影餐廳內的東西, 所以下面呢兩張相...好明顯係我偷偷地影...

有壓力

2008.06.29 to 30

第 348 次飛行

這班機, 我覺得係近期最辛苦的....
我一直都認為, 如果客人麻煩....班機辛苦極都有限, 但如果你跟著係阿哥同阿姐麻煩, 成班機都會好辛苦....就算只係短短兩個鐘的機程, 你都會覺得好似要對住佢成世咁....

這次, 我就對住一位升左10 個月的阿哥.....印象中, 你未升個時同佢飛好好人冇乜野, 連另外一位同事都係咁講, 但點解升左做阿哥會變左咁麻煩架?!

喪行紐約

2008.06.22 to 23

今次有米仔同行, 真係唔怕會悶....

我地11 點出發, 坐 metro 去第34 街食日韓 buffet, 真係估唔到米仔食野仲少過我.....食完個lunch, 離開既時間, 我發覺我唔見左o岩o岩去日本豪斯登堡買既生日bearbear 鎖匙扣.... 原來條線斷左...嗚嗚....從此我就失去了它.....

lunch 後, 我地行到去第 52 街...行行下, 我開始眼訓, 加上唔見左隻bear bear, 好唔開心, 於是同米仔去左starbucks 飲咖啡....加上出面又落著大雨, 所以我地都留左係個度好耐.....
之後我地行番去 42街的times square 的 m & m 同埋 hershey's...再坐 metro 落chinatown, 真係唔知點解, 今日坐兩次metro, 兩次我張metrocard 都唔work...真係黑開有條路.....唉.......
去到chinatown 都差唔多8 點...但個天仲係光光的, 搞到我地以為時間尚早....哈哈! 我地去左搵washington 的tour...可惜都關門了...於是我地只好去鹿嗚春dinner...食最出名的小籠包....不過我就嫌個皮太厚啦.....食到我地好飽.....同埋唔鍾意d 職員成日好似趕我地走咁.....
dinner 完, 我地決定行brooklyn bridge 回對面岸的酒店......點知搵左一段時間先搵到條橋的入口....中途真係有d 想放棄....不過我地最後都好堅持要搵到....

我地的堅持係有回報, 就係一大堆靚靚夜景相.... 同埋又多謝米仔教我影相...如果唔係, 都冇下面呢d 相的出現.....thanks!!!!