小孤菇長空中往返: 2009

30 December 2009

自私的空服

2009.12.30

終於完成一連3 日既 annual safety training....

基本上過程一d 都唔悶... (因為實在都有幾多活動要做)

特別是第3 天上午既wheerchair transfer training (WTT), 很有用....

但有時真係好難敵過睡魔....=.=

有樣野同以往幾年唔同既就係...

今年本班有很多只係JOIN 了一年既台灣cabin crew....

這3 日training, 發生左d 小插曲....

我特別想講其中一段....

其實當大家打算做空服時, 究竟對空服既工作性質認識有幾深呢?
係唔係真係只係派餐咁簡單呢?
第一日既下午, 有一個模擬飛機失事既逃生訓練...

"我"返左黎...

2009.12.18 to 22

第 447 次飛行

今次前住Hell A 既航班上, 我做得勁差....

平時一上機就"自動波", 但今次一上機就 "死火"....

我感覺到自己好似錯漏百出....同埋呢隻機種既商務客艙太耐冇做過, 再加上同我上次做呢隻機種既角色有D 唔同, 一時未能適應....

好多時我都唔知自己係度做緊d 乜, 甚至d 客同我講野, 唔知係我聽覺有問題, 定係佢地細聲, 我成日都聽唔到佢地講乜, 又或者我聽錯了.....

不過好彩有阿姐8既提點 (她還糾正了我的一個壞習慣, 多謝你), 所以第一餐都算勉強應付過去....

"服"

2009.12.12 to 15

第 446 次飛行

本來有股衝動想將個blog 關門大吉....但最後因為某d 原因還是去了打字....=.=

大假過後, 真係好唔想返工, 我覺得以我既狀態, 應該要放多幾年假.....

anyway...大假後第一班機又係去adl...

還要係商務客艙工作....不過好彩...唔full...(竟然唔full...呵呵)

加上整個galley 既阿姐我都飛過, 其中兩位紅姐兩年前同我飛過....

點解我咁記得exactly 係邊一年邊一日, 係因為做那兩班機那段時間內發生左d 唔好既事.....

唔止我記得既, 兩位阿姐都記得....

講返班機, 整體上幾好做....(當中有個service大家擺左個烏龍....做漏左少少野....到大家去執生時...情況都幾好笑.....[因為唔想俾老總發覺....] )

而整班機, 要寫個"服" 字俾老總同埋回程坐係駕駛艙內既3 位"男朋友"...
老總是位每一秒都有野講既人...而每當諗起佢個名, 我就暗地裡同佢改左個花名...(呢度就唔方便透露啦)
起飛降落時有我entertain 佢, 而飛行期間就有紫姐entertain 佢....

連做service 時, 你每行經過佢身邊, 佢都會諗到有野同你講....

去程係 night flight, 所以情況好點...

回程 day flight....雖然得24 個客, 但由於做到main course service 時, 老總叫左紫姐坐低傾計.....=.=

日本中部 V - 回港

2009.12.07

今日決定連個早餐都skip 埋, 目的就係為左訓多一陣....

然後去了名鐵百貨買了點手信, 就起程去機場.....

可能前4 天行得太多路, 雙腳十分酸痛.....

行半個鐘, 要抖一抖.....

到上機的時候, 已經係黃昏....

再見啦....名古屋.....

日本中部 IV - 名古屋城

2009.12.06

金澤 --> 名古屋

醒來, 感覺好點, 然後乘坐新幹線由金澤回到名古屋....

大慨中午12 點半, 就到達名古屋....

卸下行李, 吃過拉麵後, 便出發到名古屋城....

記得自己由做呢份工個一刻已經話要去呢度一遊, 講左都差唔多五六年.....終於黎左....

入場費: 500 YEN....

今天終於好天....

到了天守閣參觀.....

日本中部 III - 金澤

2009.12.05

白川鄉 --> 金澤

早上7 點, 女主人準時預備左早餐俾各客人享用.....

同琴晚既晚餐一樣, 全部都係飛驒高山一帶既特產......

下面呢樣朴葉味噌用黎送飯, 十分好味....(不過有點鹹)

日本中部 II - 白川鄉

2009.12.04

名古屋 --> 白川鄉

這天早上8 點幾出發去乘坐兩個半鐘頭既新幹線前往金澤....

再係金澤既巴士總站買濃飛巴士車票去白川鄉....

由於距離巴士既開車時間仲有成個半鐘, 所以便到金澤站隔離既AEON 吃午餐....

大慨中午12 點半, 便踏上濃飛巴士前往白川鄉....

由於唔係旺季既關係, 車上10 位乘客都冇....

好....我就是喜歡這種寧靜既感覺.....

再加上寒冷既天氣, 更顯得孤單同寂寞.......

不知是什麼原因....到了日本之後, 總之一坐車, 我一定很快就訓著左.....

就係咁, 訓左1 小時 15 分鐘, 我終於到達白川鄉.....

一落車...一陣寒風吹過.... 嘩....好凍.........

凍都唔緊要, 最慘仲要落雨......

更慘既係我要拖著大大件既行李穿過長長既橋......再行多20 分鐘先到達民宿....

而呢20 分鐘....感覺上好似成個鐘咁......

終於到左"大田屋"....

日本中部 I - 名古屋

2009.12.03

香港 --> 名古屋

消失了數天....一上網就有朋友問候自己.....lowbay 更說我好似"斷六親"咁, 其實我只是趁有大假, 去日本走走....

這天, 我乘坐早機前往名古屋.....

到達酒店卸下行李後, 首先去車站買第二天前往金澤的火車票, 然後便到附近走走...

這裡已經很有聖誕氣氛.......

我走到JR Takashimaya 上拍照....

裝飾好靚, 但我拍的相片不美.........

他不是她爸爸

2009.11.27 to 30

第 445 次飛行

本來今次想講去程發生既一些小事, 不過回程我卻遇上有趣事, 還是寫一些愉快的事吧...

話說澳洲人A太太同埋佢大慨3,4 歲大既女(大女) + 幾個月大既BB 坐係我與同事阿四負責既zone....與A太太坐埋同一行既仲有一位澳洲男人....而A太太與澳洲男人整班機一直都有傾計, 說笑.....

由ADL 去MEL 個程, 大女成日都好活躍, 係cabin 內周圍走....但A太太因為抱住BB, 所以都睇唔住大女, 只好繼續由得大女周圍走........

眾同事一直都怪那位澳洲男人(爸爸) 湊都唔湊下d 小朋友....實在有少少過分...仲覺得佢點做人老豆添.....

直到....MEL - HKG, 差唔多開始派第二餐時...我驚見大女由機尾跑跑跑, 衝過economy class, 拉起curtain, 直衝business class.....

西貢機加加加長版 - 多倫多

2009.11.19 to 23

第 444 次飛行

飛前, 其實冇諗過班多倫多機係咁辛苦....所謂辛苦, 唔止係體力上既累咁簡單, 而係"雞同鴨講"足 15 個鐘既辛苦.....
既然係咁, 激氣係冇用既, 只好樂觀去面對.....將發生既事當作笑話咁睇.....

第 443 次飛行

2009.11.13 to 15

第 443 次飛行

忙了差不多一整個月既印度機, 係時候要停一停....

這次唔再去印度, 而係前往巴林 (Bahrain)....

我對這個地方認識一d 都冇....我甚至係做左呢份工先知有呢個地方....

我只知道的是....班機好好做....今次我仲要係 flexi crew, 只係需要做一個sector, 仲要呢個sector 9 個鐘既飛行時間, 我只係需要做6 個鐘頭....實在太好....

是時候好好享受一下.....

而其他機組人員去 bahrain 好似當左自己去度假咁, 工作既時候大家已經相約去到目的地, 做什麼, 玩什麼....結果搞個大型聚會.....

不過我沒有去....一黎我比大部分既機組人員早一天回港, 二黎近來不想出席那麼多人既聚會.......

我話唔去唔飲唔玩....同事紛紛問唔解唔去唔飲唔玩....咁我重覆又重覆說著點解唔去唔飲唔玩....
結果我只係跟他們去吃個lunch....

Incredible Indian 完 - 後悔

2009.11.09 to 11

第 442 次飛行

Delhi (德里)機相信係本公司內所有 cabin crew 都最唔鍾意做既航班.....因為比起其他印度機更難做....

係臨飛既前一天, 我已經唔太舒服, 以為訓了一覺會好點, 但到左出發去 delhi 那天, 我既病情依然沒有好轉, 不過最終因為不想last min port sick, 同埋當時以為自己應該會應付得黎, 所以決定去返工....

不過入到briefing 那刻, 我開始後悔.....
孤菇早前check 完自己乜野 position....幸好, 今次係商務客艙工作.....那時心想, 我應該仲應付得黎既.....但不久...坐係我隔離既同事D對我說:"我standby call 的, 而我第一次係商務客艙工作....", 那刻我打左個突....

Incredible Indian III

2009.11.03 to 06

第 441 次飛行

一日假後, 就踏上前往曼谷及卡拉奇既行程....

其實而家回想起, 總括黎講, 整班機, 都算唔錯....

唯獨是第一天: 香港 - 曼谷呢程....很辛苦, 很辛苦.....

其實到飛的那天, 我先記起這班香港-->曼谷既機, 終點站係孟買.......咁即係....機上將會又出現大量印度人....

Incredible Indian II

2009.10.29 to 11.01

第 440 次飛行

終於開始了歷時大慨半個月既硬仗, 首先又係bombay機....
但今班機同我兩個禮拜做左個班bombay 相比, 這班辛苦好好好好好多!!!!!

這4 天4 sectors, 分別都發生左好多事....但當中最辣手既, 就係下面呢單....

係香港 - 孟買呢程機, 坐係37 G 既 G 先生(印度人)係屬於我既zone 既其中一位乘客...
話說做cocktail service 時, G 先生要飲 Whisky with soda and coke, 咁我俾左1/4 杯既Whisky + 1 can of coke + 1 can of soda 俾佢自己MIX, 點知佢倒 soda 時, 竟然倒落我隻右腳, 當時佢有講SORRY , 但係笑笑口咁同我講, 一d 都唔覺得唔好意思, 同埋我完全理解唔到點解佢倒soda 可以倒到落我隻腳上.....

紐約．深秋

2009.10.23

本來今次到紐約想出城, 但結果又再一次取消左....

既然紐約踏入秋季, 所以決定再次去中央公園走走....

這天紐約忽然變得有點凍, 所以打算走到 bow bridge 就回頭....點知....

第 439 次飛行

2009.10.21 to 25

第 439 次飛行

與bombay 機相比....前往紐約既航班真係易做好多....

杯麵戰一定少不了, 但今次本人被編了第一組去休息, 當我起身既時候, 幾乎全機既乘客已經食哂杯麵啦....真係辛苦了當值中既同事....

當中有位華裔乘客食量非常犀利, 食左3 個杯麵, 兩餐正餐都分別食左兩個麵包....他甚至連坐係佢隔離既女朋友/老婆既餐都食埋....
整班機沒有什麼特別事發生....只係本班機既老總十分十分十分之勤力....而佢既勤力係好, 但佢既勤力有時不知不覺為其他同事帶黎壓力.......後來孤菇與一位日籍同學傾開這位老總, 她好奇地問我...

Incredible Indian~~!

2009.10.15 to 18

第 438 次飛行

standby 後休息了幾天, 就出發去bombay....

這班機辛苦就係辛苦在四方八面既印度人係同一個時間內同你order 呢樣個樣....

他們舉起手指公不斷搖擺說: "water, water!!!"

"cooler red wine"

"whisky with water", "whisky with soda" whisky with coke", "more ice", "no ice", "more whisky", "vodka with orange", " vodka with sprite"

"playing cards!!!!", " peanuts" (有些印度人一人要食十包), "earplugs" (佢地要用既原因係起飛降落時戴左earplugs 就唔會耳仔痛...) "panadol" (印度人大部分一坐飛機就頭痛...)

而今次我覺得最經典既 order 就係 "coffee with SALT".....

執石仔故事

2009.10.13

從大氣電波中, 我聽到這個故事....(大慨是這樣)

有天, 男人係沙灘散步....忽然有隻精靈出現左.....對男人說: "你去執一塊石頭俾我, 我會將那塊石頭變成一粒鑽石....但有兩個條件: (1) 你只可以執一塊石頭, (2) 你只可以向前走....."

男人聽完後, 心諗:" 等我執塊好大既石頭先...發達囉...."

然後男人就好開心咁沿住沙灘向前走....

隨時候命結束

2009.10.11

第 437 次飛行

一連六日既standby 終於結束....今次有度日如年既感覺.....等了5 日, 公司都沒有來電....到了第六日, 終於上公司網見到有 acknowledgement, 今次忍手唔acknowledge duty....一邊準備好自己, 一邊等公司打來.....搏下有冇的士坐返公司...

醉時醒後

2009.09.26 to 30

第 436 次飛行

係L.A 回程既航機上, 我遇上這位乘客....

那時候,大慨 99% 既乘客已經上哂機, 當我準備派headset 既時候, 坐31D 既亞裔男人就截住我, 問:" what are we late for? what are we waiting for?" , 咁我答"we are waiting for the last few pax to get onboard, then we can go..."

但佢既反應係"we are late!!!!"

這時候, 機門已經關了.....

我望望隻錶, 當時還未到指定既起飛時間, 加上我已經知道飛行時間係 13個幾鐘, 就算遲多個鐘起飛, 都應該會係香港時間 6 點前到達香港....於是我答 "sir, flying time to HK is around 14 hours, so we should arrive at 6am if every thing goes well..."

點知佢對眼證到好大, 指住我說: "so it's you who say the plane will arrive at 6, if don't, I WILL KILL YOU!!!"

我只係盡我既責任話俾你知飛幾耐, 大慨幾點到, 但完全不能保證什麼....洗唔洗6 點返唔到香港你就要殺左我掛....?!

從另一方面看

2009.09.21 to 24

第 435 次飛行

很多同事都好唔鍾意khi,cmb,bom,del 機....每個月大家都抱怨點解又係 khi, cmb, bom, del.....我自己都係抱怨過既其中一分子....不過同以前比, 我既抱怨少左, 一黎抱怨完都係無補於事....二黎自己睇開左....(雖然每到16 號, 都會抱怨一兩句發洩一下....

)

每次遇到一班自己唔想做既機時...我唔會選擇port sick....我會嘗試找出原因去喜歡這班機....

不得不承認, khi,cmb,bom, del 機既乘客特別麻煩, 好多要求....但諗深一層, 其實佢地大部分都係去中東打工, 回到中東探親....又或者好似以下既情況....

由斯里蘭卡回程既機上, 我既 zone 有一位剛剛喪失了女兒既婆婆....(我不知道地勤是怎樣知道婆婆女兒過了身....)這位婆婆需要輪椅代步上機, 再扶著某同事既手慢慢走到機艙內既最後一行... 她走得很慢, 一般人用 1 分鐘就到達自己既位置, 她卻要至少5 分鐘...將婆婆交俾我既同事向我說婆婆既背景後, 叫我盡量對佢好一點...

錯在...

2009.09.21 to 24

第 435 次飛行

繼個半月前班 bkk - cmb 後.....今次又再roster 俾我....

同上次既 pattern 一樣, 第一天要兜一兜去新加坡, 再上返曼谷....

第一程香港去新加坡, 雖然係full, 但一切都相安無事....

到第二程....新加坡去曼谷....我負責的是 door 4 - door 5 既cabin, 係登機既時候, 第一批上黎既乘客係一班中國同胞....大約廿幾人既旅行團.....佢地係佔左第 58 - 62 行既座位, 但有兩家人 (分別一家三口) 既座位都係拆到散哂, 其中一家人既座位分別係 60h, 60 k 同埋 60 c....

(點解會有呢個情況發生呢? 因為通常 group check in, 地勤係永遠唔會知道誰與誰是家人, 誰與誰是朋友.....只會一次過劃左幾行座位(例如第58 - 62 行既座位) 俾領隊......再等領隊派返登機證俾每一位乘客....如果大家有參加過香港既旅行團, 領隊從地勤手上取了全團人既登機證後, 都會用原子筆重新劃位, 確保團員可以同佢地既至親, 至愛一齊坐....如果冇領隊重新劃位, 團員就要上到機自行調位啦....)

好彩

2009.09.16 to 18

第 433, 434 次飛行

首先做了班半夜峇里turnaround....我partner 是standby call 的....與很多同事一樣, 起初望望roster, 還以為這是一班峇里overnight...就連crew control call 我partner 返工時也講錯了, 說: "今日你做班峇里overnight...(停左一陣)...呀...唔係...係turnaround..."

很多人係swap 唔走既情況下返工....自己都係其中一位....不過之前check 過loading, 都尚算唔錯...而今次係商務客艙工作...去程只有7 位客, 回程只得1 位......

結果來回兩程大部分時間我都飄到經濟客艙工作去.....每次由商務客艙再往經濟客艙幫下手是十分輕鬆.....可能冇乜壓力的關係吧....

亦因為商務客艙比較"吉" 既關係, 有點休息時間.....雖然時間不多, 但起碼可以抖抖.....

這裡要多謝那班機既機長....係5 點半前到達香港機場既閘口......令我地一班 cabin crew 可以拖住極之眼訓既身驅坐有得claim 返錢既的士回家........

就這樣過了兩天...

氣流後...

2009.09.11 to 14

第 432 次飛行

從墨爾本慢慢飛往香港既時候....氣流既情況都幾嚴重....幸好當時我地剛剛完成哂早餐的service....係 galley 收拾東西....

有同事抓住 galley 內既扶手....而因為我同galley 內既扶手有段距離....所以只好抓住已泊好既foodcart 上既扶手.....而機艙內....仲有不顧危險既乘客企係度收拾行李, 去洗手間...等等........

不久, 航機漸漸降落香港.....

5天亞洲遊

2009.09.04 to 08

第 429, 430, 431 次飛行

這幾日, 來回日本, 再來回日本, 再來回泰國......幸好所有機程都被派係商務客艙工作, 所以又不至於太疲累....只係睡得不夠....成日都覺得好眼訓.....

這幾天都不斷與不同國籍既同事工作... 尤其是最後個班曼谷機, 3 程機都與3 set 唔同既同事工作....亦好好彩...3 次都竟然被派做全機最荀既position - J3.....

這洗手間....

2009.08.29

很有問題.....

Deaflympics

2009.08.29 to 31

第 428 次飛行

係杜拜回程既航機上, 雖然只得大慨 160 位乘客, 但有80 位都係由伊朗前往台灣參加Deaflympics 既運動員....
http://www.2009deaflympics.org/bin/home.php/
http://en.wikipedia.org/wiki/Deaflympics
起初有同事以為只得一位係 hearing impairment, 但我說:"唔係一位...係 80 位..."

係香港去杜拜, 雖然full, 但那是體力上既累...

但係杜拜回香港, 有成 100 個位剩, 但那是精神上既累.....

Capri in Italy

2009.08.23

趁現在還是夏天, 加上好天氣, 所以決定前往 Capri....

如果自己去的話, 要係意大利坐兩個鐘頭火車, 再坐一個鐘頭船先去到, 加上夾過價, 自己去同埋join tour 既價錢都係差唔多, 仲要有crew discount: 10 % off....同埋最重要既係....肯定趕得切當晚返到酒店.....所以最後選擇了join tour....Euro 125, 9折後 - Euro 112

有幾位同事都有興趣, 結果一行5 人出發去 Capri....

一早06:15, 就有司機接我地去tour 既集合地點, 俾左錢, 07:30 巴士就出發前往 Capri.....大慨3 個鐘頭既車程, 就到達 Napoli 既碼頭 - Beverello....係呢度, 我地再坐大慨一個鐘頭既船前往 Capri....

Capri 係一個小島, 是一個旅遊勝地....周圍都係遊客.......

大慨 12:00, 我地就到達 Capri....Capri Island 分開兩處, (1) Anticapri, (2) Capri....

首先我地就上了 Anticapri....從那裡望返落碼頭一帶, 真係好靚.....

渡蜜月

2009.08.21 to 25

第 427 次飛行

係意大利回港的機程上, 有一對剛剛新婚去渡蜜月既乘客......於是機上有了一個蛋糕及一支香檳給他們....

他們本來想將支香檳帶去目的地 - 澳洲, 但因為佢地要係香港轉機, 而香港既保安條例, 手提行李內唔可以有多過100ml 液體既物品...即係他們既香檳不能夠帶入下班機上....只好係這程機上飲.....

會道歉的媽媽

2009.08.16 to 19

第 426 次飛行

前往悉尼既機上....有位媽媽抱住幾歲大既仔 + 拖住幾歲大既女, 3 人一齊上機....由於媽媽抱住個幾歲大既仔, 所以行李就由我地機艙服務員幫手拖上機....再將行李放入行李櫃內....那時, 佢地3 個人已經佔左一行4 個座位.....

這天既 loading 大慨80 % full, 空位是有的, 但唔肯定邊個座位會冇人坐....我係cabin 行黎行去既時候....我忽然發現係媽媽前面個行有件大大既行李放左係座位上....而我又認得那正是媽媽既行李....於是我就同媽媽講所有行李必須放係行李櫃內.....媽媽聽後就同我講佢想罷住前面個行....我就答佢, 不如放返件行李上去先, 我再幫係check 下有冇人坐係前面個行, 如果冇既話, 我可以幫你block 左個位....於是我又再一次要將那件少少重既行李放上行李櫃內.....

而其實那時媽媽對我說話既語氣已經不是太好....

賺多一蚊得一蚊

2009.08.13

第 425 次飛行

因為一個月內只能用5 個swap , 而我又已經用哂 5 個swap 既關係....係取捨之下, 我留下了這班台北機....

這班機有個特別position, 就係bar duty...

阿哥阿姐都話雖然今日full load, 但都冇pull out 我, 覺得我好好彩....其實都係多得沒有同級同事port sick 之故者....

係經濟唔好既情況下, 真係賣得一單得一單, 賺多一蚊得一蚊.......(尤其是而家已經好少機會有得再賣 dutyfree, 真係要爭取一次得一次....)

而今日既 sales 總額, 都過得去啦...已經比我想像中好了....

港太

2009.08.11

第 424 次飛行

前往日本既航機上...有一對香港母女坐左係經濟客艙既第一行....

我行經過佢地身邊既時候, 個女問: '我想問呢件行李係唔係唔放得係呢度(即係第一行座位前面既位置上)?'

咁我答唔可以.... ( 根據安全條例, 第一行前面既位置必須要空置, 而坐第一行既乘客既行李, 手袋都係起飛同降落時都必須放係行李櫃內...)

個女聽後, 說:' 咁你同我將件行李放上去啦...'

我心諗....佢地應該不嬲都洗慣人做野....

不眠夜機

2009.08.06 to 09

第 423 次飛行

前往brisbane 既航機上, 雖然係夜機, 但乘客都好似唔需要訓覺咁.....完了 service, call light 依然很多....這個時候, 就要考考自己的記憶力, 基本上某些客人來來去去每次接call light 都只係需要某d drinks or 某d 東西...例如第30 行既call light 著了, 就要想想第30 行既客人飲開d 乜...記得是紅酒, 就拎了出去.... 因為極至唔想一來一回行多轉(因為要係第70 行後既 galley 走去第30 行應call light, 再行返去第70 行後既 galley 做drink, 再走返去 30 行...)最後乘客果然要紅酒....太好了...連乘客們都對於我記得佢地飲乜野而覺得好出奇......

差不多到我既休息時間, 乘客們終於都靜了起來....一切都相安無事....直到降落....

感覺還好

2009.08.05

第 422 次飛行

如果唔係已經用哂一個月既 5 個swap quota, 相信我一定會將這班上海turn swap 走.....

不過今日做完班機之後, 並不是我想像中那麼差...只係去個程有兩位ABC 客係度同紫姐發癲....

第一位客人, 上到機settle down 哂後, 佢個位既 ptv 證實整唔返, 所以紫姐好友善咁同呢位ABC 客調去與原本既座位最近既座位去....點知ABC 用英文怒罵紫姐....意思大慨係....點解咁遲先同我講PTV 唔work? 我己經 settle down 哂你先同我講, 你唔好再遲d 先講? blahblahblah...PLS WORK SMART NEXT TIME!!!!! 紫姐都係好心offer 另一個座位俾佢者, 佢係咁唔想調, 嫌麻煩的話, 可以唔調架喎....

幸運

2009.07.29 to 08.01

第 421 次飛行

不知為何, 自從公司開左 bangkok based 後, 我既 bangkok 機反而有增無減....
有想過去同公司投訴, 雖然係同一個pattern, 但因為每次公司俾我既flight number 都唔同, 所以投訴唔會有人理會...加上是有點怕如果投訴完會有更差既pattern 出現係自己既更表上, 所以還是默默接受好了....

這次我又中左 bkk/cmb 啦.....不過中這個bangkok pattern, 總好過中其他bangkok pattern (因為其他根本唔係人做既...)

這次我既pattern 比前兩次既 bkk-cmb 更精彩, 除左4 日做5 sectors外 (hkg - sin - bkk - cmb - bkk - hkg), 仲日日都會同唔同既機組人員一齊工作.....亦即係這班機, 我將會分別做3 個唔同既 position....

黑箱車 (轉載)

2009.08.03

假期時...睇下舊雜誌...我看了以下既文章...覺得筆者講得幾o岩...特別是我highlight 了既部分.....

黑箱車

很多人坐上司機位, 都會變成另一個人, 被機器征服自己的品格。

這樣說很恐怖, 不過每次上亡命小巴, 實在有踏上黑箱車的感覺。

旺角炮彈小巴鏟上行人路的事件, 是意外還是人禍, 不由我蓋棺定論, 但可以肯定的是, 小巴是很危險的交通工具, 不是車輛的設計危險, 而是駕駛者的態度為乘客及路人構成危險。

不知你同意與否, 大部分小巴司機都很難相處, 當然我不排除地球上有彬彬有禮, 奉客至上的小巴司機, 亦有很多司機會注意安全, 不過習慣超速, 一次過切四條綫, 要你全程緊握扶手以免被拋出車外, 落車時雙腳還未落地車就颷前狂奔的司機基本上佔了大多數。

而且, 小巴司機總體上都是黑面神, 你問他們問題, 他們很多都不喜歡回答, 或者給你面色, 尤其入夜後旺角一帶的小巴司機都很有性格, 又或者有性格缺憾, 個個面容崩緊, 只會開動機器, 不懂提供服務, 車廂周圍例必貼上請早揚聲否則自誤, 或者五十一百不設找贖等嚴苛規則, 只方便自己, 不方便乘客, 高傲非常。

痛苦的18 小時

2009.07.24 to 26

第 420 次飛行

一年後, 做了班印度機去欽奈....

去程出奇地好少印度人, 大部分都係華人同埋有小部分西人......

那些華人睇起黎都好後生, 有d 都唔似 20 歲....所以當有幾位要飲whisky 時...我就問下佢地究竟幾多歲....原來都有 22,23 歲......

無驚無險就去到欽奈....入境時, 我地機組人員同其他乘客一樣, 都要遂個俾當地機場既工作人員量體溫....好似好嚴謹啊!

第二天起身, 打算食完自己帶黎既食物, 再訓多陣晏覺, 待臨飛前先叫一次room service...
點知食完自己帶黎既杯麵 + 餅乾後, 就出事啦.....最後連room service 都可以唔洗叫啦.....

訓晏覺前已經覺得自己個胃有d 痛....但我不以為然.....

到臨wake up time 前三個鐘左右....我醒左, 胃既劇痛就開始....

起初只係胃痛, 之後連腸胃都痛....最後仲幫親左洗手間好幾次........但情況一d 都冇改善.....甚至仲嘔.....望見鏡中既自己.....咀唇白到不能再白.....好恐怖.....

那時我心諗....我死都唔要係呢度port sick!

第 419 次飛行

2009.07.19 to 22

第 419 次飛行

這班機很順利.....所以要紀錄的事也不多........而且這幾天我都十分快樂.......

唯一想提的是....去澳洲個程, 有大量既韓國學生....可能佢地坐唔慣飛機, 所以有學生不斷咁嘔....還嘔到座位上....真係辛苦哂佢地既老師, 要處理一番........

而今次係洗手間又發現嘔吐物啦....我地相信應該都係那些韓國學生造成既....

壓力

2009.07.17

第 418 次飛行

做這班機前兩晚, 極之唔夠訓.....不過都盡量用d 方法令自己精神好點, 做好班機....

不過, 這班機我做得很不理想....還有點壓力.......

今次我係商務客艙工作.....

去NRT 時, 紫姐說出 food cart 派tray....foodcart 上放了兩支水, 放了一籃飽.....紅姐m 同我一齊派tray....而我地兩位都係跟新一套service 既做法, 倒左水係tray 上既水杯內先將成個tray 派俾個客.....我大慨派了兩個tray....在我後面出trolley 既紫姐就叫一叫我, 用一種好嚴肅又惡又眼神望住我....叫我一定要派左個tray 俾個客先倒水去水杯內........當時佢係d 客面前話我, 實在係有點意外同埋樣衰.....不過又可以點?! 最緊要做返紫姐要我做既所謂"stardard" 要緊....而對面既紅姐也被紫姐嚇壞了....立即跟返紫姐既 standard 做事....我要派tray, 倒水, 派飽, 點都一定比跟隨我出trolley既紫姐去drink 慢....再加上俾佢提點之後, 我發覺打後既 service 佢好似望都唔想望我一眼......忽然我覺得好大壓力.......

好不容易完成了這個service......可以暫時鬆一口氣時, 臨降落又有小事發生...

真的聞不到喎!

2009.07.09 to 11

第 417 次飛行

兜兜轉轉之下, 最後都係做返班 3 day Mel......

一大早回到公司....吃過早餐...入到 briefing room後, 依然都係覺得好眼訓.........

到老總都入埋黎.....記得她係一位很好既老總....但我依然都係未回魂....直到....

有同事係這時候發覺冇帶 passport....

我終於醒哂........

幸好佢趕得切回家拎返, 再上機, 跟返大隊飛去南半球的墨爾本........
機上沒有什麼太特別既事情發生.....不過我又不幸地係check 洗手間時, 發現有人嘔左係 sink 內...

腦汁耗盡

2009.07.07 to 08

第 416 次飛行

很久冇做回程 DIRECT SIN 啦... (唔計 SIN - BKK)....今次本來很想swap 走, 不過 (1) 沒有更好的offer.. (2) quota 有限....最後都要硬著頭皮走一轉overnight.....

去個程這也都算是我既第一次跟有經驗的SIN based 飛......起初都有d 擔心唔知大家工作合唔合得黎, 不過事後, 我發覺是我擔心得太多.......

由於去個程係同SIN based 飛, 老總也是SIN based 既, 所以係公司內的briefing 轉移左去機艙內...老總簡單地說了大家的 position, 就開始工作啦....
去個程overbooked.....同埋出奇地, 乘客的行李都非常多, 非常大, 同非常重......上了一半客, 已經佔滿左, 80 % 既 overhead locker......最後係冇辦法之下, 要大清理一下overhead locker.....未起飛, 額頭已經出哂汗.......

Rudesheim in Germany

2009.07.01

這天, 又再出發, 不過今次唔坐火車, 趁夏天, 去坐觀光船.......

由於今日啱啱踏入7 月的關係, 除左08:45 班船外, 仲有多一班 09:45 既船, 咁就唔洗太早起身....仲可以係酒店享受完早餐先上船........

從觀光船上望返去 Mainz.......亦都係觀光船既起點........

第一個站係 Wiesbaden-Bieb........

Koblenz in Germany

2009.06.30

一到左 frankfurt, 想出外走走, 所以沖完涼, 抖左大慨一個鐘左右就出發.........

其實未出發前, 已經預計今次想出下去 sightseeing, 所以前幾天已係網上面抄低個火車既 timetable...

到左火車站, 係買車票時遇到有困難.....原來係有兩款車票機(我成日都唔記得左), 起初我揀左部只係專賣d small town 既 ticket ......所以係完全搵唔到自己想去既地方既車票賣.....(最慘係個站連詢問處都冇...) 後來再望望, 見到隔兩部既車票機有點唔同.....一睇....原來呢部先係.....快快買完後, 再係隔離個部機print 張train schedule 出黎....恐防個schedule 臨時有變....

上車後, 火車就沿住萊茵河走著...........好彩我揀左班唔洗轉車既火車坐, 至少可以係車上好好休息一下....不過車上太多學生, 好鬼嘈.........

大慨一個鐘頭多d, 就到達Koblenz......

Koblenz 係以 Rhein 同埋 Mosel 匯流處發現既城市.....

出了車站後, 我就向著左手邊行............走了一會就見到Herz Jesu Kirche......

用左去邊?!

2009.06.29 to 07.03

第 415 次飛行

係Frankfurt 回程既航班上....

有位男乘客準備入洗手間...但見到兩卷toilet roll 都冇哂, 於是叫我加返....

我加完兩卷toiler roll, 順便清潔一下洗手間, 男乘客就入左去....

就係咁....佢大慨成 10 分鐘都未返出黎.... (點解我咁清楚係因為洗手間係正我工作既 galley 出面..)

然後有氣流, 男人兩手空空立即走返出黎, 而呢個時候, 有一位女乘客急急腳入左洗手間, 大慨兩三分鐘, 佢都係兩手空空走返出黎.....

咁我通常我見冇人係洗手間, 我又得閒, 我都會再check 下洗手間...

點知....

一入到去....兩卷toilet roll 已經用哂????!!!!!!

繼續打...

2009.06.27

第 414 次飛行

來回名古屋....乘客主要都係香港團......

不過總係唔明白.....每次做香港團....回程既香港團, 必定係難搞過去程既香港團.......不過都只係少數人特別麻煩.......

行去柏斯

2009.06.20 to 22

第 413 次飛行

這班機到柏斯, 辛苦過之前做過既柏斯機....

乘客連係夜晚都不斷咁飲飲飲.....

成程機都"dun" 到七彩.........

而最灰都應該係機上很多東西都壞了...

復工

2009.06.19

第 412 次飛行

今日係復工的第一天, 做了一班swap 極都swap 唔走既 manila turn....
回到公司, 先知轉左aircraft, 有兩位purser 被 downgrade 了....而briefing 時, 老總說可能因為轉左 aircraft, 而完全check 唔到大家的position, 所以今次的 position 就由我地自己黎決定...
最後我揀左係商務客艙工作....這次的商務客艙的組合都幾特別....首先與我同級的position 就由兩位被downgrade 的同事來擔任....而本galley簡直係一個聯合國....有馬來西亞籍, 有菲律賓籍, 有印尼籍, 有日籍, 有韓國籍, 有港籍....後來有人問點解咁夠膽揀係商務客艙與成個galley 都係阿姐的環境下工作.....其實揀position 個時, 我又冇諗過呢個問題, 只係諗住第一日復工, 希望揀個light loading 既zone 做....哈....

雖然整個galley 都係阿哥阿姐, 但工作時沒有我想像中會有既壓力.....後來兩程都去了經濟客艙幫手, 就更加冇壓力啦.....

好友移城 II - 回到福島

2009.06.09 to 10

青森 --> 盛岡 --> 福島 --> 東京 --> 香港

最後.....我地決定去盛岡的Aeon Mall shopping.....lowbay 只係用左兩小時就到由青森渣到去盛岡.....我地逛左一陣, 就去左foodcourt 醫肚, 我用左400 幾yen 叫左個咖哩飯 + 凍烏冬.....好大份...好抵...但食到我勁飽........其後就去左超市掃貨.....