繼續打...

2009.06.27

第 414 次飛行

來回名古屋....乘客主要都係香港團......

不過總係唔明白.....每次做香港團....回程既香港團, 必定係難搞過去程既香港團.......不過都只係少數人特別麻煩.......

行去柏斯

2009.06.20 to 22

第 413 次飛行

這班機到柏斯, 辛苦過之前做過既柏斯機....

乘客連係夜晚都不斷咁飲飲飲.....

成程機都"dun" 到七彩.........

而最灰都應該係機上很多東西都壞了...

復工

2009.06.19

第 412 次飛行

今日係復工的第一天, 做了一班swap 極都swap 唔走既 manila turn....
回到公司, 先知轉左aircraft, 有兩位purser 被 downgrade 了....而briefing 時, 老總說可能因為轉左 aircraft, 而完全check 唔到大家的position, 所以今次的 position 就由我地自己黎決定...
最後我揀左係商務客艙工作....這次的商務客艙的組合都幾特別....首先與我同級的position 就由兩位被downgrade 的同事來擔任....而本galley簡直係一個聯合國....有馬來西亞籍, 有菲律賓籍, 有印尼籍, 有日籍, 有韓國籍, 有港籍....後來有人問點解咁夠膽揀係商務客艙與成個galley 都係阿姐的環境下工作.....其實揀position 個時, 我又冇諗過呢個問題, 只係諗住第一日復工, 希望揀個light loading 既zone 做....哈....

 

雖然整個galley 都係阿哥阿姐, 但工作時沒有我想像中會有既壓力.....後來兩程都去了經濟客艙幫手, 就更加冇壓力啦.....

好友移城 II - 回到福島

2009.06.09 to 10

青森 --> 盛岡 --> 福島 --> 東京 --> 香港

最後.....我地決定去盛岡的Aeon Mall shopping.....lowbay 只係用左兩小時就到由青森渣到去盛岡.....我地逛左一陣, 就去左foodcourt 醫肚, 我用左400 幾yen 叫左個咖哩飯 + 凍烏冬.....好大份...好抵...但食到我勁飽........其後就去左超市掃貨.....

shopping 完一輪後, 我地係時候渣返車去福島還車........大慨渣了3 個鐘, 就回到福島.......還車的時候, 女職員異常緊張....佢應該一開始就已經見到右前輛既蓋唔見左....我地拎左d 行李出車後等了一會....見到女職員行返入車行後, 有位男職員拎住個蓋出黎, 拍幾拍, 就拍返個蓋上車輛.....咁影拍得上去, 唔怪得咁易甩左啦......

好友移城 II - 弘前市蘋果公園 + 龍飛崎

2009.06.08

 

青森 --> 弘前市蘋果公園 --> 龍飛崎 --> 青森

呢一日天色都係麻麻, 但好彩冇落雨....亦由於行程有d 變動, 所以我地早了一日去弘前蘋果公園....

 

好可惜既係....蘋果 8 - 11 月先當造, 所以今次乜都望唔到.....

 難得既兩粒蘋果.........

好友移城 II - 十和田湖 + 奧入瀨溪流 + 十二湖

2009.06.07

十和田湖 --> 奧入瀨溪流 --> 十二湖 --> 青森

吃過酒店早餐後, 我地就渣車去十和田湖南面休屋一帶遊遊十和田湖........

雨係停左.....但天色仲係非常之唔好.......睇下下面張相就知......

十和田湖其實位於青森縣同埋秋田縣之間....昨日我地渣住架車係休屋附近搵酒店時.....就不斷係呢兩個縣穿梭(因為 GPS 不斷提我地....提到我都覺得有點煩)......

而十和田湖其實係一個火山湖黎...

 下面右邊既小島, 其實都係火山爆出黎既......變成十和田湖內的一個小火山.....火山中的火山....

好友移城 II - 小岩井農場

2009.06.06

盛岡 --> 小岩井農場 --> 十和田湖

昨晚...落好大雨....

今朝...仲落緊雨....

不過.....行程依然要繼續..........

今日, 我地的景點只得一個, 就係  小岩井農場......

因為下著大雨的關係, 天氣都變得比前幾日凍.........

我地就一邊橕著傘, 一邊睇馬.......

好友移城 II - 田沢湖 + 抱返溪谷 + 八幡平

2009.06.05

秋田 --> 田沢湖 --> 抱返溪谷 --> 八幡平 --> 盛岡

今日我地既第一站就係田沢湖.......是日本第一深, 係旅遊書上, 睇到d 景係幾靚既, 於是加入行程之一, 點知去到, 發覺冇人不特止, 仲要冇野好睇.........所以我地停留左大慨 15 分鐘就走左....

其實我地由秋田前往田沢湖時, 見到有一條分叉路去抱返溪谷....我記得我係旅遊書見過抱返溪谷呢個景點, 但最後因為 (1) 冇電話唔知點去... (2) 因為景點太多我刪除左呢個地方.......咁既然田沢湖冇野好睇, 咁空出的時間, 我地就決定去一去抱返溪谷看看.....

景色同田沢湖差好遠呢!

好友移城 II - 出羽三山 + 最上峽

2009.06.04

山形 --> 出羽三山 --> 最上峽 --> 秋田

由於之前個日真係行到半死....所以前一晚就睇下旅遊書, 研究下今日原本的行程可唔可以輕鬆d....

今日首先係由孤菇渣上去出羽三山, 出羽三山係羽黑山, 月山, 同埋湯殿山的總稱......月山係三山中最高....湯殿山就比較難去, 所以我地係揀左旅遊書上說較多人去同埋比較易去的羽黑山....而羽黑山海拔較低, 所以四季都上得去....

繼lowbay前日渣車出左小小的意外後, 孤菇今天係highway 上出左小意外....我諗應該有d 嚇親lowbay.... 唔好意思....

大慨兩個半鐘車程, 到左羽黑山的山頂.....上羽黑山山頂那唯一的路, 又收左 400 yen....嗚.... 點解反而d 鄉下地方既人咁識賺錢....

其實遊羽黑山的最好方法就係由山下行到上山頂....不過因為琴日行到好累, 同埋我覺得大部分的景點都分別聚集係山腰同山頂, 加上我地有車....所以我地決定遊完山頂, 再渣車落返山, 行到山腰去....
山上有間三神合祭殿.......

好友移城 II - 銀山 + 山寺 + 藏王

2009.06.03

山形 --> 銀山 --> 山寺 --> 藏王 --> 山形

與lowbay 商量過後, 我地今天決定由距離山形最遠的景點開始先....我地渣了大慨個半鐘頭車去銀山....而今日我亦都係考完車牌之後第一次渣車.....

平平安安就黎到銀山溫泉.....呢度真係幾靚架, 我相信秋冬黎的時候應該會更加靚....雖然呢度係一個著名的景點, 但可能唔係旺季....遊客好少好少......

好友移城 II - 猪苗代湖 + 磐梯高原

2009.06.02

福島 --> 猪苗代湖 --> 磐梯高原 --> 山形

去第一個景點前, 我地首先就係去酒店後面街攞部車....今年, 很快就搵到間車行 (還記得上年搵左一段時間先搵到.....)

lowbay 渣左大慨一個鐘頭車, 就去到第一個景點 - 猪苗代湖....

猪苗代湖係日本面積第四大湖泊....如果冬天來到的話, 仲會見到有大批天鵝由北面飛黎過冬....

到達後, 我同lowbay 就坐下面呢隻天鵝造型設計的遊覽船繞湖一周.......成1000 yen, 不過又唔覺得有什麼特別, 所以之後的行程都冇再坐呢d 遊覽船....

因為天氣好的關係, 顯得附近的景色都係特別好....

好友移城 II - 日本東北篇

2009.06.01

香港 --> 東京 --> 福島

繼上年之後, 今年同lowbay 再戰日本....本來想去上年未完成的鹿兒島之旅, 不過lowbay 說大假那麼長, 去東北玩耐一點都好.....於是我地就決定去日本的東北...